S位轉主流 ,點選擇?

Capricorn2521

回復 room2102 的帖子

你呢個情況，同我上年一樣。上年我都R爆頭，又同老公周旋咗好多個回合。當時有人話K2，有人話K3。最後，我都係比我仔跟同齡上K3，因為我個仔D學業又係冇問題，D數同英文仲鬼咁叻。但係中文理解同行為就吾得，個人又死板。因為我同老公都同意，比佢重讀同佢D行為問題係冇關係，於是比佢試吓。

過了一個上學期，我仔適應得好好，I位老師都覺得佢D英數好好，由其英文堂，無論係英文老師定係外籍老師，佢都可以坐定定20分鐘同回答問題，表現投入。寫字中英數都跟到。但係，因為多數幼稚園都係活動教學，在課題討論中，話劇欣賞，或自由創作時，佢真係發夢或玩手指，要老師比較多的協助。

其實佢嘅中文在呢半年都進步得好快，主要在寫同讀方面。上年都有寫字......但理解就仍然弱。我每天其中一項I位功課就係講故事同問問題。

我覺得呢D case好難攪。如果由k2開始，我又擔心佢在班中覺得自己好叻而更加多行為問題。唉....總之都係煩。

pocoyo123

大小肌得唔得?  寫字認字可以嗎?除了社交, 行為和情緒如何? 如上述各樣只有社交問題, 可以試K3先, OK咪上小一, 唔OK再重讀K3, 這樣就比較彈性

HopeLJ

我都覺得如果學習跟到的話，試讀k3好d，唔得先repeat。