囡囡出年升讀小一,請問南區邊間小學好???

孖媽

囡囡出年升讀小一,請問南區邊間小學好???

Hilouey

hihih

Chi Fu - Chi nam

孖媽

hi, Hilouey
首先多謝您0既意見!!!!
我都有個同事個仔仔讀始南, 但又聽過其他人講田灣始南及南區官立都好!!!
您係咪都係住南區0架? 我本身就住田灣, 不過只係剛剛住了一年, 所以並唔太熟識呢區0既小學! 所以而家好煩惱!!!
我都有上網睇過呢幾間學校0既有關資料, 講校舍就南區官立最大,而且佢有聯繫中學, 但另一方面又聽人講田灣始南雖然好,但超級多功課!
另外我想問, 0甘呢三間小學難唔難入0架? 我最怕就是自行選校入唔到時, 到統一派位又抽到0的唔好0既學校呀......
:cry:

raccoon_dog

本來唔想多口,嗰三間小學係南區家長首選,雖然出生率低,自行選校入去機會好微,
田始自行收生,只收返學生弟妹,學位都所餘冇幾.
其餘兩間又係熱門.
統一派位,機會大...如果得唔再去叩門.
叩門,田始睇小孩讀邊間幼稚園和課外活動獎項.
置始看家底.
南官,學校沒有預留叩門位,好少或冇人派咗入去放棄學位,所以多數冇叩門位,.
還可考慮吓香港仔聖伯多綠,設備好,新校,D人話幾好!但冇冷氣,聽講D家長唔肯俾昂貴冷氣費.
女仔還可考慮培德,校舍雖然細又舊(百年歷史),但校風、程度都唔錯,近幾年轉咗制,好多家長都話小孩讀得幾好.

孖媽

hi, raccoon_dog,
好多謝您0甘詳盡0既意見!
但係我想問叩門0既意思, 係咪即係若統一派位派到未如理想, 我還可去其他學校試試叩門?

raccoon_dog

孖媽,
Yes!

哈姆太郎

小小資料，去年我個女小一選校，我乙部只選一間（不是培德），最後派培德。

raccoon_dog

哈姆太郎,
咁你女最後有冇讀培德?
我識得個人只選了兩間始南,其餘唔寫,最後派咗去赤柱,
(後來叩門加校長信田始即收返.)
另一個只選了田始一間(佢話冇始南就唔讀書),最後派聖伯多x.(後來叩門加校長信,田始都唔收,去其他校都唔收,結果都係讀聖伯多x)

孖媽

嘩......聽您地0甘講,都幾恐怖喎~
唉......其實我而家都仲十五十六.........
其實我仲有個細女出年都係升讀小一,細孖!
不過佢就跟老豆同嫲嫲住九龍(我同佢地老豆分開0左),所以我唸住同佢報番我畢業0個間,0甘應該會好大機會.
但跟我0既大孖.........其實我而家仲考慮緊好無比佢跟番佢老豆,好多人都同我講兩個細一齊讀書會比較好喎!所以我而家都仲0係度煩緊 ~
不如您地比0的意見我呀 !!!!!!

孖媽

本應係唸兩個細一齊讀書會好0的..........就算幾唔捨得都無辦法..........但係...........
實在難以跟0個條廢柴(佢地老豆)溝通.........