各位,請問要用多久才可改善游泳姿勢?

meyonw

小兒游自由式時, 呼吸常常把頭升高, 不是把面轉向左或右,
令到左手沒力升上水面, 巳經學游水2年, 都沒有進步, 通常要多久才可改善? 可否告訴我你們小朋友的經驗.

MM223

我女兒以前游泳會時也有同樣問題,後來特別和教練商討,叫他多加留意,雖然教練都特別提她,但始終游班人多,教練就叫她在家練習頭部動作.後來轉了私人教練,因教練知道她的各種問題,集中要她改善,大概半年已可改好.

cycchor

你囝囝起初學時是不是怕水?一星期學多少堂?
我二女起初學自由泳時因為怕飲水同打腿不夠力,所以會仰頭游,因為下身沉,後來教練針對問題同佢練多d有關的練習同時又落多咗大池游,練大咗個膽,加上我後來同佢一星期加多堂私人班,所以半年多便解決了.
不過,我都問過教練, 小朋友如果四肢協調不好,對自己無信心而又不大喜歡游泳的話,可能會改好耐都唔好.
我估你要問問囝囝對游泳的感覺後才再作安排. 找私人教練都係好方法.

mable1124

我個女一歲時開始, 我倆公婆就帶佢去游水, 小朋友越細越易學會。最初浸水玩水, 三歲時開始正式教佢, 第一個步驟是教佢潛水, 每次我倆公婆都會玩玩

meyonw

多謝各位回覆,

我想阿仔同 cycchor個女一樣, 佢怕水, 每星期游一次, 在史丹褔學2年, 游得少, 姿勢愈來愈差, 曾經跟學校訓練班, 都不好, 跟過兩堂私人教都幾好, 但暑假後阿Sir話轉到泳隊, 游到現在都沒有進步, 我見阿Sir都有提點佢, 但不知是阿仔固執,
或是手腳仍未協調, 游極都係咁, 聽人話通常要好久才改好,
所以問吓你們意見.

tks

cycchor

[size=large]小朋友學游水, 一定要學閉氣。

mabel, 希望你不要介意,以下是本人的意見及聽取教練的教導:
我自己細個時都有操水同比賽, 亦有去玩潛水,初初以為自己可以教曉個大仔, 起初佢怕水,所以我教佢閉氣,因為學潛水時有d同學都唔識游水,佢地都係閉氣潛的. 起初是好好的, 可以游到幾步. 但係一游得遠就唔得,結果我最後唯有找教開侄女個教練幫手, 經佢解釋我先知: 初學無論係幾怕水都好, 都要先學懂用口或鼻在水中呼氣.因為游泳是帶氧運動, 不呼吸便是無氧運動,即使舉重等運動.故此閉氣是錯的而且會傷身體. 所以教練話無論如何小朋友學游水一定要學識在水中呼氣, 好細或怕水的小朋友他會先教用口呼, 不過之後一定會教佢用鼻, 到最後是可以用兩者同時呼.

佢告訴我閉氣游水是游唔到長距離的,而且個呼吸換氣會做得唔好, 會影響小朋友日後在游泳方面的進度.

我個大仔改番個呼吸動作後, 果然游得好咗,遠咗, 所以我的二女同細仔都無再由我自己教. 一開始就跟教練學.

致於手腳不協調方面, 我有時間會同教練問下, 希望可儘快覆.