幾個月大的BB，有沒有些病癥已可看出來？

tsechloe

各位媽媽：想請問是否歳半2歳的小朋友，開始學說話，先可以做自閉症評估！？

其實，幾個月大的BB，開始與人溝通時，有沒有些病癥已可看出來？

謝謝各位分享！

bauhiniakan2000

我是爸爸,幾個月大很難知道,但我孩子六個月時有一些古怪的自我剌激行為,用手大力拉扯自己的耳仔,換片時會用手大力拉扯自己的下体,八個月每次爬落床時都在祿架床的樓梯爬下來,給他玩具只會扔不會玩,只喜歡轉碗轉車轆及拉扯玩具的突出部份,對痛沒大感覺,打針從沒哭過,用手亂找,想要的東西很心急,不害怕陌生人,誰人都跟,很喜歡看強光,用電筒照一些光他會興奮,一歲時叫他不會回應,好像聽不到,但他有時會一些很細的聲音也有反應,如開鎖的聲音,只是他想不想留意,不肯洗頭,喜歡圓的東西及拉著你的手,什麼都不肯吃,不肯張開口,可扶著家具站立及行,但不肯自己獨自行要拖住佢,很喜歡你拉他上落樓梯及石博,突然用頭不停撞玻璃,然後大笑,制止時會哭,拖手到21個月才能放手自己行,學識自己行兩星期後學識從地下起身企,比較古怪,開始不肯跟陌生人,只叫過一次爸就什麼聲音也沒有了,直至兩歲,當時醫生評估為自閉症,要排特殊幼兒及早期訓練,這些資料希望可給你參考,但真的要小心及尋找專意見.

tsechloe

原帖由 bauhiniakan2000 於 13-03-31 發表
我是爸爸,幾個月大很難知道,但我孩子六個月時有一些古怪的自我剌激行為,用手大力拉扯自己的耳仔,換片時會用 ...

資料很有用，謝謝你的分享！

misshk12

部分小朋友的大肌肉發展較同齡慢

wilyun

我仔係反而大肌強,只係協調唔得,我仔係11個月已經獨自行,打針會喊,但喊幾十秒,好快收聲,細個時好扭計,郁D就係,但就叫佢無乜回應,又無話特別鍾意圓形野喎,一歲左右已經識得同人拜拜,但就唔會望住人拜,同埋拜拜個手勢係用碗上下咁FING,唔係好似我地大人咁,左右咁,手指唔多識郁,同埋好鍾意執D好細0既野比我...
佢無自殘,但都鍾意睇閃閃0既野,現在29個月,開始講到"要XX","食XX",媽咪呢句都係呢兩個月先講到,口肌比同齡的差DD,因佢仲有時唔小心會流口水,但吹波呢個月已經學識,係跳仲未得.但蹲下佢又做到...所以我諗佢主要係協調差,主要落後就係語言方面,呢樣你可以留意下,佢一歲多係咪無乜講到人話,我仔佢一歲都有講野,但就唔多,同埋佢外星話多.

你都可以留意埋佢眼神,會唔會好飄,同埋雙眼成日好似DUP DUP地咁...

man811231

原帖由 wilyun 於 13-04-02 發表
我仔係反而大肌強,只係協調唔得,我仔係11個月已經獨自行,打針會喊,但喊幾十秒,好快收聲,細個時好扭計,郁D就 ...

你個仔唔厳重呀，唔多似A

wilyun

回復 man811231 的帖子

今日返密集,個同學的媽媽同我講佢個仔要成3歲半先話係自閉症,佢仔都係13個月識得行,踩單車果D都無問題,佢現在應該四歲多,見佢真係唔多出聲,佢話佢個仔叫佢都會有反應,但就咁大個都唔出到聲...

雖然我都覺得我仔現在的徵狀輕微左,但我都唔會掉以輕心,諗住去到佢3歲先再睇下針唔針灸,因佢現在兩歲五個月都仲未認得D數字,只係識得UP 1-10,我都唔知佢將來條路會點,因為遲緩同自閉真係好似架!!

Vichang

我個囝同你個都幾似喎，佢大小肌肉都冇問題，bye bye 隻手都係上下郁。好早識爬識行識跑，最弊係唔多中意講嘢，教佢擰頭都教左我兩個月！

llam1210

我記得vichang你小朋友好細。我個女剛二歲一個人我覺得佢剛過兩歲好似醒目咗一d,但望人還有待改善

clayf528

回復 wilyun 的帖子

wilyun,
你好, 可否講下"同埋雙眼成日好似DUP DUP地咁..."的意思?? 我唔知點解有D擔心, 我BB快7個月大, 有時覺得佢過份冷靜, 但又會要人抱抱, 怕自己疑心太重!!

Vichang

係呀，我囝囝快23個月，同佢做左個別密集已經2個月了，發覺佢認知、大小肌問題唔大，導師話最大係behavior 行為問題，好固執，又太心急，有時又唔肯玩某些玩具，其實佢識，亦唔係怕玩（如毛毛球、魔術貼），但是唔玩俾你睇，真係極度固執。

說話亦如是，不過已經好過之前，而家識讀數字及字母，不是諗口黃果隻，identify 出來。

唉，手指指同叫媽媽仲未識啊。有時拍人拍得太大力，又中意自轉，好想上感統課但周圍都要排隊！佢感統肯定要adjust 下，唉。

llam1210

Vicang我唔知你住邊區，如灣仔ok你可以考慮東華三院，2歲就得，本來我想呀女去但那個時段我女上緊另一個。你差點個月可以考慮下。註：我未上過唔知好唔好。

kuenkuen_s

你見小朋友好似冇乜反應，又好少同人有直接眼神接觸，就要留意下。我個言語治療師話小朋友真正講到野之前其實有好多想同人溝通的舉動，家長一定會知道小朋友有冇想溝通的意欲，同埋真正講到野之前會明好多野，如果覺得到小朋友Ｄ理解麻麻，就要去做下評估

clayf528

回復 kuenkuen_s 的帖子

kuenkuen_s, 即幾大倒要留意?? BB鐘意同爸爸玩多D,今日D反應又OK WOR, 可否比多D建議我? 我怕自己疑神疑鬼!!

Vichang

灣仔好遠，我住新界啊。不過星期六日我邊度都會去，為左囝囝嘛。我而家都借d在家學感統的書看囉。

請問大大個的練習球fit ball 有用嗎？你小朋友上訓練有冇玩？

Vichang

講得好，好中point.

Vichang

7 個月似乎太細去認定吧！我估要大些，12個月吧。其實我囝囝要去到16個月先發覺有點唔妥。

wilyun

回復 clayf528 的帖子

我唔知點形容,總之有D好似比人講得眼訓0既感覺~ 其實你個BB仲咁細,唔使咁擔心,有D正常的BB,都會比較靜,有D比較扭計架~我仔係細個比較扭計果隻~我朋友果個,佢細個好靜,但大個一樣係有事... 所以咁細都好難判~

llam1210

Vichang我女未上感統答唔到你，但以前細個上pg有教用fit ball

kuenkuen_s

回復 clayf528 的帖子

我諗大概半歲打後就要留意下，有冇眼神接觸應該好快會知道。ＢＢ同媽咪互動時，　媽咪會留意到佢有時好似明你講野咁，笑下，望住你，發下聲，對身邊的人／事物越黎越好奇等。