我好辛苦~仔仔又辛苦

happypo

我仔仔讀一年級,我去私人做O左讀障評估...
學校有O左抄寫調息,
呢2日學校得4樣功課,但佢都做好耐,
見到功課又話眼訓,樣樣都唔識教佢又唔明我講乜,
態度唔好,對長輩又無禮貌(我同6299住)
我火都O黎.我都失控....
默書就算老師畀定範圍都溫唔到,
佢而家係抗拒學習~.....
日日為佢功課鬧又打,大家都唔開心,我自己都顛啦~,
我真係唔識教佢~
我明白要愛佢,但我都忍無可忍啦~
考試成級尾二,我無話佢,
但我應唔應該轉校呢?
佢O地會唔會介意收我仔仔呢?
我住九龍樂富,有冇邊間可以介紹下呢?
可以教我點做....

happypo

但我唔知邊到有間適合佢而且唔介意收呢類型學生

ALAL

打聽下福德,如有需要,留一年

happypo

福德佢唔想.....

LokLok@_@

回復 happypo 的帖子

我之前都好似你咁,教極佢都唔識,好嬲,咁啱三年級每日有一大堆TSA功課,學校又追得緊,一星期要見三日家長,果段時間我想死呀~~我試過一路教, 一路喊,一路問亞仔點解你教極都唔識ga??之後亞仔都喊埋一份...好慘,好慘!但我最後學會咗接受,要接受亞仔只得咁多,就算我點嬲都會一樣,再打,再鬧,都只係傷感情,冇意思,所以要放鬆d~
要明白佢地都有自己嘅難處,其實教極佢都唔明,佢自己都好慘,又會覺得好煩,所以先會有咁嘅反應,多d體諒佢地,我地自己都會好過d,你再慢慢教,再睇吓有冇學校啱佢啦,世上無難事,比d心機亞仔一定會聽教嘅,加油~

happypo

佢而家逃避功課，今日第三日欠所有功課啦。
加埋已經十幾樣。加埋天日就不敢想像……
佢對人已經無禮貌啦。學校有一個讀障小組。
佢唔合作(因為要寫字)，又坐枱，學校助理都搞佢唔掂。
話佢唔合作騷擾到其他同學。要佢去另一地方坐。
學校社工同佢講(好正經同嚴肅)，你參加呢個小組就要遵守規矩。
點知佢同學校社工

happypo

同佢講：我根本就唔想嚟，你我亞媽逼我嚟
我聽都唔知畀乜反應……

kc1016

我聽人講福德和真鐸都好有愛心.

alexchuinchu

你可以找社工商量下，例如先交一樣功課，再慢慢提昇小朋友的自信，將自己和小朋友的要求都降低一些。試試吧！加油。

pandabonita

hi happypo - 我上星期去過一個講座關於special need小朋友揀主流小學, 當中提及不同小學融合教育政策,老師培訓和給special need 的活動/調適,職員(non teaching staff)愛心,etc. 你試試考慮e+學校這方面做得足夠與否.

試想一下你小朋友的情緒,九成九是因為他自知學極都5明5識所以自責,有冇試過一些安撫的說話? eg, "係咪覺得很難?", or "無論點爸媽都一樣愛你".有時間去聽下dr 陳庭三的"骨肉情"的講座,對親子關係會有幫助,好似lei緊會有一個.

happypo

THX,其實我自己都有問題,
唉...有媽咪同我講過,
只係我仲未做到...
我明白打鬧傷感情...
有時佢做D野都令我忍無可忍,
而家細細佬都好無禮貌,
我都怕佢好似二哥咁.....
我試過有得佢,
佢做就做...唔做我唔逼佢...
但真係過O左4日,
佢都係咁.D功課一日疊一日,我同自己講忍,
但缺點通知都出埋,
我都忍無鬧...
但到最後星期五都係加埋10幾樣,
我已經急啦,
到最後又係咁逼逼逼...
佢學校已經CUT佢小息做功課,
星期五,老師同我講佢LUNCH CUT,做功課...
畀得幾分鐘佢食飯....
你話我點唔急呢...
我唔知佢心理有無D心結,自小已經影響佢,
我自己亦需要學習點改變自己教佢O地方法等...

pandabonita我就唔知自己學校有無呢D,
我就好似唔覺....

KC1016
我同佢去過福德,
唔知點解佢唔鍾意....
我老公都SEE過,
但佢講O左樣O野就令我有D保留..
佢話呢間學校大部份都係呢D小朋友...
對佢會唔會唔好,佢話算係中等...
嚴重過佢,佢又點呢?
佢會唔會入O左仲嚴重呢...
唉......真鐸我都有打過,
但對我O黎講遠O左D~~

motherotk

The most helpful environment is a school able to understand these kids, and use the right ways to teach. Using the wrong ways, the outcome will be serious.

For example, if your eyes cannot see pictures, but the teachers blame the child for his "blindness" and forced him to read the words from the pictures that he cannot see, as part of the exam assessment, what do you think then?

If the school understand that, teachers will not force kid to read words from pictures, but will help them using other ways to learn and to asess during examinations.

Change a school that can facilitate him rather than destroy him in the existing school if the school does not provide support, or even causing damage to the child

happypo

其實係唔係要問學校至知,我仔仔讀緊聖博德,你O地有冇聽過?

pandabonita

因為學校不想label學生 sen support 通常不會很明顯, d 活動會叫乜乜小跳豆,北斗星之類, 老師培訓應可在學校的報告和發展計劃裏找到一些info.

其實你小朋友對功課咁抗拒, 學校社工又幫5到,個答案不是很明顯ma?

happypo

但我唔知道轉福德係唔係好~

kc1016

真鐸係鑽石山左右，你住樂富都唔係好遠咋。學校有無心理治療師可以同佢傾下呀？

happypo

如果我送就轉2程車啦,而且仲有個細要送....
學校我諗無心理治療師,
所以而我我都想搵個心理醫生腸下佢有冇心結....

珀珀,慧慧媽

樓主
我個人覺得間間學校都一定要交功課架啦,現在最主要係點令小朋友唔抗拒做功課先...
可唔可以每次做15分鐘就休息一下,每次完成到一樣功課就有少少獎勵呢??
我都係過來人,讀寫既小朋友好多時小肌肉都比較差,寫字對他們來講係一件苦差,所以唔可以要求高,只要完成到已經係好好架啦...
努力啦!!

happypo

回復 珀珀,慧慧媽 的帖子

個問題係佢已經抗拒,唔肯做....