活動式教學的公立小學一問?

sarahsze

代友問荃灣區有冇活動式教學的公立小學?其他區都可以介紹吓!thanks!!

010

你朋友幾時報小學？
若係要係2007入讀小一，首輪自選交表今個星期五岩岩截左止啦喎．

係咪指政府津貼小學
呢幾間係荃灣區至熱門的活動式教學小學

浸聯
馬灣基慧
荃景圍基慧
石中山

sarahsze

thanks!010.

我朋友個女係馬灣基慧讀小二,但成績唔理想.默書溫極都默得好差.但係,佢個女好醒目,表達能力高.所以,可能要轉校.原來馬灣基慧係活動式,但我見佢要默書的內容都幾多.咁佢應該點揀呢?或者你介紹中邊間再輕鬆d?thanks!(係政府津貼)

丸媽媽

sarahsze

我囝囝情況很像這小女孩，也是在馬灣基慧讀，成績亦不太好，尤其默書成績   在我眼中馬基已算不是太催谷學校，但我會明白每一間學校無論如何活動式，總要有基本水平來維護整體學生利益，如果未清楚問題出響邊而謬謬然轉校似乎太冒險

我覺得你朋友需要去做，並非去找程度較淺或所謂更活動式學校去遷就女兒，而是應細心了解一下囡囡在那方面出了問題 e.g. 專注力失調、學障、甚至資優．．．這種種問題很多時都會在學習上遇到一些阻礙，最好方法就是盡快尋求專業意見，清楚了解小朋友問題徵結才找對策吧！