請高人指教！如何讓小朋友坐唔定！

Olympian

每日去公園玩。參加感覺統合班訓練。

twk005

我地兩夫婦就好鐘意玩role play: 咦，爸爸好乖wor，看雜誌會坐定定，你睇吓媽咪，都好乖，食飯會坐定定架。如婆婆公公舅父係度，又或者去了爺爺麻麻度都會全家一齊配合。但玩的過程要有耐性教導，而且可能要教好長時間，如bb做不到，不要露出嫌惡樣，指點返輕輕帶過便可以，但佢做得好就可以好誇張甘讚下佢: 你真係做得好好呀 (笑眼微笑配合)，well done, good job, excellent  (所有因為佢的正面改善而讚美的說話可以出齊)。

Annbaat

通常問得呢個問題，父母應該都試過講道理，但小朋友唔聽/唔明白。
我經驗係你要比小朋友更活躍，不時轉換佢手上或眼前嘅東西，例如坐定定食飯，你個碗內面原本得一種顏色食物，食兩啖之後，就加另一種色或口感嘅食物入碗內; 又或者食蔬時，俾小朋友轉用筷子……務求令食飯變得比其他野好玩。
好累㗎，但呢個方法可以免傷和氣，同埋小朋友性格會開朗啲。

JK427

可以試吓朗趼社，佢地有課程教小朋友坐定定。

pigsc

其實要一個二歲半的小朋友坐定係好唔合理，這階段的小朋友係透過自我探索去認識周圍的事，而小朋友大多都是走來走去。
而你話幼稚園面試方面，其實幼稚園面試大多都唔係in 小朋友，而係in 家長，會睇下家長的教學方法同埋係唔係一個麻煩的家長。
所以唔好過於控制小朋友，當你過於控制佢的活動和行為，有可能會令佢失去好奇心而乖乖坐定滿足父母要求

magmama119

pigsc 發表於 14-9-25 03:02
其實要一個二歲半的小朋友坐定係好唔合理，這階段的小朋友係透過自我探索去認識周圍的事，而小朋友大多都是 ...

你講得好岩, 我想比個讚您^^

tiffany168168

我小朋友現在3歲都坐唔定，k1 interview 都好多滑鐵盧， 不過其實佢返咗學大大吓就好好多。佢喺學校都係唔算成日坐定定不過都乖咗好多。如果小朋友天生是好動型，你俾d 耐性同時間佢大少少就會好d,  要appreciate 佢好動嘅性格，因為通常好動都會鍾意摸索問長問短，易學新知識。