2歲囡懷疑資優, 點好?

fffmama

囡26個月大, 平日十分活潑, 老師投訴成日在課室亂跑被罰, 但又讚中、英文及認知好.想知係唔係資優, 唔想佢成日被罰, 想[size=14.4444446563721px]因材施教, 謝謝!!!

wan_sosin

原帖由 fffmama 於 14-11-25 發表
本帖最後由 fffmama 於 14-11-25 00:47 編輯

囡26個月大, 平日十分活潑, 老師投訴成日在課室亂跑被罰,  ...

老師有無話佢似資優？老師話"好", 好成點？
你有無早教？
其實準確嘅IQ test, 要到6歲先做到。
你去資優嗰板，慢慢睇下先。
天外有天，人上有人，平常心！我識幾個資優小朋友，我仔無評估過，但老師話係，佢哋都係小朋友一個！
兩歲女，你教好佢規矩，社交，情緒先啦！
無好嘅品格，叻到曉飛都無用！

咖央

對呀，6歲以上先準
2歲真係好細。

kerkermui

小朋友係咪資優唔重要
重要嘅係佢有學習興趣嘅話，家長俾到support佢，唔會覺得"應該小學先教"而唔教，保持住學習興趣就好

himmamme

wan_sosin 發表於 14-11-26 11:30
老師有無話佢似資優？老師話"好", 好成點？
你有無早教？
其實準確嘅IQ test, 要到6歲先做到。

絕對同意。大仔是資優兒，touch wood 品行端正，同學有些都是資優，卻因行為問題處處碰壁。影響人际关係及学業成就。你想子女以後开开心心，一定要搞好品德在先。仲有就係，要留意下佢係咪hyper,如果hyper +資優就要父母好好努力。

wan_sosin

原帖由 himmamme 於 15-01-26 發表
本帖最後由 himmamme 於 15-1-26 09:58 編輯

我仔就係hyper

himmamme

wan_sosin 發表於 15-1-26 12:44
我仔就係hyper

ADHD 父母係好辛苦，我細仔有机会係AD或AD 傾向, 好明白。而家要开始找訓練資料。

wan_sosin

原帖由 himmamme 於 15-01-26 發表
本帖最後由 himmamme 於 15-1-26 13:59 編輯

我個仔係偏向HD, AD方面比較輕微，所以唔大影響讀書，雖然周身郁，但其實聽到人講嘢，因為成積好，隨時可能要close file! 因為無乜訓練啱佢！又唔洗食藥，食藥多數只因功課追唔到。一直以來，我大多數靠自己教，我仔只係上過ADHD小朋友嘅小一預備班。

isa_tsang65

原帖由 wan_sosin 於 14-11-26 發表
老師有無話佢似資優？老師話"好", 好成點？
你有無早教？
其實準確嘅IQ test, 要到6歲先做到。

你好呀，我女4歲唔知係咪資優亦無興趣check,我只係想處理佢行為問題，情緒唔穩定、易怒、人地同學答錯老師問題會大聲說出答案，知唔知咩人士可以幫忙？

Lam3Tai

的確係，處理情緒、社交重要過係咪資優。就算係資優，都要處理以上問題，冇得逃避同做籍口。

Lam3Tai

回覆 wan_sosin 的帖子

我都懷疑阿仔係踩界HD，雖然3歲test時話佢唔係ADHD。想請教你如何自己教？

wan_sosin

isa_tsang65 發表於 15-7-29 15:13
你好呀，我女4歲唔知係咪資優亦無興趣check,我只係想處理佢行為問題，情緒唔穩定、易怒、人地同學答錯老師 ...

我個仔由3,4歲開始,搵到適合的EQ班,社交小組,都會試下報,小朋友要經常處於在周圍環境都收到正面訊息才有幫助,但未必會一上完呢類班就見到收效,因為要長期的,

屋企家人教導當然非常重要,睇多些書,搵些適合的家長講座,例如3P課程是很不錯的.

每晚我和爸爸都會同個仔講故事,最好係有教導德育的內容,我返教會的,聖經故事是首選,當然什麼書也可以,太細就講比佢聽,但如果你囡囡都有4歲,可以一起討論.

你講你囡囡唔底得別人錯,呢類事情首先同佢傾下利敝,然後可以做下role play,輪流做唔同角式,我仔細個時,當我見到佢有些行為需要改善,我好多時同佢玩role play,可以成個星期或好密咁做一個情景,做得好深刻為止.

小朋友唔係講幾次就可以明白學懂,要不停講到接收到為止,那怕是100次,如果100次有效,講100次又何防?

wan_sosin

Lam3Tai 發表於 15-7-30 18:09
回覆 wan_sosin 的帖子

我都懷疑阿仔係踩界HD，雖然3歲test時話佢唔係ADHD。想請教你如何自己教？

你在那裡test?

踩界其實一樣難攪,好又好唔晒,我仔都係踩界,剛去完精神科,無嘢可跟,叫我唔洗覆診,但keep住個file,有事可隨時再約見.不過唔見都無所謂,精神科幫唔得幾多.

我上面都分享了一些過去經驗,另外,ADHD必須要有足夠運動,我仔歲幾起,每日係公園最少玩兩個鐘,5歲去跑步,參加些強度高的運動,跑步,游水,球類都好好.

注意飲食,少糖,少色素,少味精,少加工食品

生活定時,少電視,唔打機.

學習方面真係要花時間跟,要培養好習慣,幼稚園時我仔試過唔記得攞功課出來交比老師,放學返屋企我發現,我帶佢返學校交,其實幼稚園老師都話無所謂,但我覺得唔得,就係呢D時間去學識責任感,我唔會放過任何機會去教個仔.學習上我會睇住個仔去做好基本要求,一般家長會覺要盡快盡量放手,但如果真係ADHD,唔可以同一般情況去比,佢哋咁易教到自覺,相信真係唔需要見醫生啦,唔好覺得要跟係唔好嘅事,亦唔好因此覺得小朋友好唔掂好有問題,佢哋真係要有人扶佢一把,係三年幼稚園,我坐係個仔身邊睇實佢做功課,我信呢三年我同佢培養了良好習慣,上小學初時都要睇一下,開始慢慢我見佢無問題就走開,等佢自己做,又經常同佢傾下,快手做好功課的好處,佢開始明白盡快完成功課,就有多些自己時間,跟住佢不單係屋企做好功課,也在學校爭取時間去做,所以返到屋企多少已做咗一D.

我有時會放學之後,比佢係公園玩大半個鐘先返屋企做功課,對佢有幫助,反而更安心去做,唔洗無心機掛住想玩,唔認真做功課,但呢樣唔係個個小朋友可以,一來要精力好好先得,有些小朋友玩完真係太累,無力再做功課.

講咗好多學習方面,在品格上因為上面已講了重點,不再重覆.

我對我仔是嚴緊的,不會輕易比佢有位走,因為只要稍為放鬆一下,佢唔會感到係父母比佢恩典,佢只會收到有機會走精面.但如果佢做得好,我哋都會有獎勵比佢,讚賞佢嘅進步.

Lam3Tai

回覆 wan_sosin 的帖子

謝謝建議。
我仔4歲0係私人度做，係老師建議，懷疑佢ADHD，後來結果唔係開ADHD，就highly suspect gifted (因為年齡問題)。唔講係唔係資優，以我觀察，佢的確同其他小朋友好唔同，我覺得有D HD symptom。

佢食完味精真係特別紮紮跳，所以我都特別留意。

Lam3Tai

回覆 wan_sosin 的帖子

係，阿仔已有一排冇比老師投訴，前日擒日又突然番轉頭，我都係道理loop 完又loop，少D氣都攪唔掂！