自行培道及順天機會大嗎？

SUKI20062014

阿女英文一般，其他都高分拎到A，呈一觀塘一綫小學級16，按以往學校52%可派band 1中學，所以預計成績band 1B左右，最近留意到跨區的培道幾好，校風同環境都好正。所以想自一選培道，想問機會大嗎？阿女小四風紀，小五風紀組長，小六風紀隊長，操行A，本來一直心儀順天，但又有啲擔心英文唔係大穩定用全英會讀得好難影響埋其他科。之前都有諗過寧波公學，但校舍真係太舊太細，遠啲就去到自行同甲部都選培道唔知入到無，無特異功能，就學界羽毛球小組拎過殿軍，學校合唱團拎過獎，同一啲書法獎之類，好似無咩刀，心大心細，好似好遙遠，但又近在咫尺，而家開始諗都唔早了，想問下有無培道用家，如果英文大卷80分下，聼説就90左右的話入培道讀ok嗎？

ha930

觀塘一綫小學級16, 不用自一選培道吧, 加強一下英文能力, 可以選更好的學校, 加油

minnieevergreen

原來係一線小學﹐級16絕對唔使揀到培道。
早兩年識兩兆級20都入左藍田聖保祿。
唔好太睇小自己小朋友。

bubblescat

一線小學級16約B1A-B左右的位置, 自行唔使揀培道, 可以試下順天, 藍祿

gn00127187

SUKI20062014 發表於 26-7-28 06:58
阿女英文一般，其他都高分拎到A，呈一觀塘一綫小學級16，按以往學校52%可派band 1中學，所以預計成績band 1 ...

你阿女嘅能力入培道讀一定無問題，佢環境同校舍係吸引嘅，不過如果讀佢就要自己諗下辦法點樣可以提升好啲英文，因為見學校dse 英文成績較弱，
同埋睇吓你阿女比較適合做雞頭定鳳尾

SUKI20062014

回覆 ha930 的帖子

主要阿女啲學習動力減弱，對英文完全無興趣。

SUKI20062014

回覆 minnieevergreen 的帖子

阿女一直強調想去中中睇左培正就無可能了，自行零，甲部得兩個位置，難過中六合彩。
所以就諗到培道或者寧公

SUKI20062014

bubblescat 發表於 26-7-28 12:59
一線小學級16約B1A-B左右的位置, 自行唔使揀培道, 可以試下順天, 藍祿

順天自行都會試下，但就十五十六中。。。讀唔到跟唔上要留班就大煲

SUKI20062014

gn00127187 發表於 26-7-28 17:46
你阿女嘅能力入培道讀一定無問題，佢環境同校舍係吸引嘅，不過如果讀佢就要自己諗下辦法點樣可以提升好啲英 ...

係吖，中中來講，培道係好好的學校，環境好，學習語言適合。但又直係隔涉，落車無論地鐵定巴士都要行十幾分鐘，又無瓦遮頭，翻風落雨仲狼狽。