QS公佈2027世界大學排名，香港5校入百強

Arabellahk

QS公佈2027世界大學排名，香港5校入百強。港大11，中大18，科大33，理大50，城大52。

mcl233

呢個QS排名，似乎冇乜人有興趣去討論下咁喎～～～

poonseelai

mcl233 發表於 26-6-18 14:19
呢個QS排名，似乎冇乜人有興趣去討論下咁喎～～～

你有什麼睇法？

mcl233

poonseelai 發表於 26-6-18 14:59
你有什麼睇法？

冇，有既已經講左～～～

twobirds

都幾好啊雖然唔覺排名關自己事。

ANChan59

mcl233 發表於 26-6-18 14:19
呢個QS排名，似乎冇乜人有興趣去討論下咁喎～～～

你去香港幾間大學front page，一定有最有利自己嘅排名榜！

點解，因為有市場囉！

73662710

這排名是國際性的, 並非本地高校自封的. 理應坦言接受. 本地高校雖有不足, 但不應妄自菲薄, 以此為起點, 繼續努力.  互聯網時代, 大家學的知識差不了多少, 有些世界名校諾貝爾獎成堆, 但教授貴子弟的也是一眾博士在讀生！

akys

73662710 發表於 26-6-19 10:13
這排名是國際性的, 並非本地高校自封的. 理應坦言接受. 本地高校雖有不足, 但不應妄自菲薄, 以此為起點, 繼 ...

理科和外國相差很遠。兒子在港大讀了一年去咗英國讀，算是用家吧!

whthk

akys 發表於 26-6-19 13:52
理科和外國相差很遠。兒子在港大讀了一年去咗英國讀，算是用家吧!

要看邊一間, UK 有些大學現金為王, 教學質素見仁見智.
美國會好得多.

twhkleung

73662710 發表於 26-6-19 10:13
這排名是國際性的, 並非本地高校自封的. 理應坦言接受. 本地高校雖有不足, 但不應妄自菲薄, 以此為起點, 繼 ...

講得啱㗎,
唔理係top 10, top100, 定係包尾大學, 基本上, Yr 1同Yr 2, 都係TA教學生, 我仔嗰間仲離譜, 教Yr 1嘅TA, 係Yr 2成績好嘅同學, 連博士生都冇, 所以講, 選一間人數眾多嘅大學, 就有呢個弊處, 上lecture時, 就好似去紅館聽演唱會, 300個學生, 在高處遠望這位諾貝爾獎教授... 如果想同教授有多些交流, 唯有選些小型大學, e.g., Johns Hopkins, Rice, Caltech之類. 但是讀大學, 主要都係靠自己.
咁簡名校, 或者有成堆諾貝爾得獎教授的大學有乜好處? 反正又見唔到佢哋嘅! 分別在於,


1. Yr 3, Yr 4的選修科目科目, 會是這些名教授的最新研究成果, 在其他非一線的大學, 或非研究型的大學, 選修科目, 就當然沒有那麼前瞻和先進, 通常遲三五年, 甚至更長, 一啲都唔出奇.

2. 第二個優勢就係, 如果你想繼續讀上去, 成績又好, 通常第三年開始, 教授門就會開始"揀捽", 問定你有冇興趣跟佢做研究.

3. 多啲機會, 響大教授面前"出現", 例如, 呢啲諾貝爾獎教授, 常常都會在自己大學有public seminar, 咁如果個學生醒目的話, 又對依位教授有興趣, 晨早就熟讀者教授最近的著作, 在seminar, 便可以提出一些吸引教授注意的適當問題.

4. 通常在Yr 3開始, 成績好的同學, 有機會申請加入不同的research groups, 參與初步的研究工作, 並發表conference paper. 咁如果你入到諾貝爾獎教授的, 或是leading 的research groups, 出嗰份paper, 能發表到的機會便相對提高很多.

咁當然, 如我在另外一個貼所說, 如果學生只係想畢業, 沒有興趣繼續讀上去, 以上機會, 是並不需要的, 找間Top X大學就可以了.


"互聯網時代, 大家學的知識差不了多少"   <====    從科研角度, 恐怕這點難以成立!

twhkleung

whthk 發表於 26-6-19 18:05
要看邊一間, UK 有些大學現金為王, 教學質素見仁見智.
美國會好得多.

美國好和差, 可能更極端, 始終, 英國大學全是國立, 而美國, 乜都有

twhkleung

akys 發表於 26-6-19 13:52
理科和外國相差很遠。兒子在港大讀了一年去咗英國讀，算是用家吧!

如果是高科技, 差距確是相當明顯, 不是三大沒有名教授, 而是香港政府的研究撥款實在太少

ANChan59

twhkleung 發表於 26-6-19 23:49
講得啱㗎,
唔理係top 10, top100, 定係包尾大學, 基本上, Yr 1同Yr 2, 都係TA教學生, 我仔嗰間仲離譜, 教 ...

香港好多學生都冇興趣讀研究院，家長及大學都開心見到自家大學「研究」排名前，都幾特別！

73662710

twhkleung 發表於 26-6-19 23:49
講得啱㗎,
唔理係top 10, top100, 定係包尾大學, 基本上, Yr 1同Yr 2, 都係TA教學生, 我仔嗰間仲離譜, 教 ...

同一寺廟各自修行, 如果成績好想做研究, 自己主動搵教授教授唔會唔收嘅.
如果講到研究撥款香港係多定少, 我冇數字, 但係肯定少過內地大學, 而家香港好多大學都要申請內地嘅撥款, 也是一條出路. 至於拨款歐洲有啲名校, 我唔想指邊一啲國家啦, 連讀research base的碩士, 博士都要自費, 我唔知道佢哋拨款有幾多呢.

本地叻的學生大多數都選醫科或者係環球商業（ global business)或者係計量金融( QFIN), 好少人揀一啲理工科嘅科目所以成績一般都唔係太好. 本地大學理工科成績好嘅多數都係外來生. 而主動入組的也是這班學生.

已經係大學生喇, 自己想得啲乜嘢自己決定. 有啲人想想做research咁咪讀好書搵教授囉. 有啲人想出去做嘢咁咪早啲搵intern做囉. 有啲人想hea嘅咁咪開心校園生活, hea住讀, third hon or barely pass 畢業囉.

作為一個香港人, 我是本地大學畢業, 也去過外國學習, 我讀的programme, 無論是資源還是教學安排都比交流那間優勝.

萬事起頭難香港或者內地嘅大學起步比較遲咁樣佢哋嘅學術聲譽係冇外國但我咁高, 但係都不斷進步.  我記得呢幾年前呢我喺呢度呢講北大清華嘅嘅學術研究和聲譽會越来越好, 甚至可能會將來會超過一啲外國名校, 但有位網友Justparent 就笑我恥笑我. 20年前你如果話中國將來是世界第一工業大國照樣比人笑, 今日G7加埋都好似及唔上中國.

嗱呢個排名呢其實只係其中一個參考, 無話絕對正確, 只係反映咗本地學校不斷進步. 但係亦有一定嘅代表性.

我哋作為香港人無需要妄自菲薄, 亦都唔需要喺度諷刺自己嘅香港本地大學,  亦都唔需要陰陽怪氣咁樣品評本地學校. 認清自己的不足, 不卑不亢, 人必自悔, 後人悔之.

香港大學有收dse 20分考生, 美國top 20也有收community college 的三流學生, 也有收唔同膚色的超低分學生, 因為政治現實的需要.

另外一些外國大校, 一年就收八九千至一萬個freshmen, 有幾多個人會做research, 有幾多個人嚟打算打份工做呢?

咁我想問香港去外國讀書嘅香港學生有幾多個係打算畢業之後搵份工？有幾多個會將為打算做科研, 讀phd呢master 我覺得是Cash cow, 並非科研.

差不多的大學, 出去讀一定有很多得著, 但有得必有失, 每個家庭有自己考量, 無話絕對對與錯.

早十幾年我見有位AL 状元攞scholarship 去英國讀大學, 幾年後我見佢在網站搵補習學生. 而在內地, 外地留學已經逐漸去魅, 佢哋更相信自己的985/211.

twhkleung

73662710 發表於 26-6-20 11:21
同一寺廟各自修行, 如果成績好想做研究, 自己主動搵教授教授唔會唔收嘅.
如果講到研究撥款香港係多定少, 我 ...

其實某程度我都同意你嘅講法, 不過我想解釋幾點.
1. 其他網友基於什麼作出分享, 我不知道. 所以, 係煲係扁, 或是妄自菲薄, 又或是自信滿滿, 我就no comment啦.

2. 但從基本角度去睇, 呢啲so-called嘅排名, 喺大學嘅科研成就為基礎, 唔係指收嘅學生成績有幾多粒星星.

3. 而講到高科技, 在香港嘅大學, 簡單啲講, 如你所說, 就是水泡科. 如果真係科研有成, 功勞都係內地學生居多. (我哋自己係咪應該檢討一下呢)

4. 講科研就係講錢, 香港稅制, 大市場小政府, 藏富於民, 大家自己每年交多少薪俸稅, 自己好清楚, 唔好話好似西方國家, 食你一半, 就算內地個人利得稅, 入息稅, 也是40%以上, 係咁嘅財政條件之下, 香港政府, 可以有幾多支源投入科研, 心中有數. 所以點解我話, 清華一年嘅科研資金, 隨時已經多過成個香港所有大學嘅總和. 更不用說, 他是14億人口大國, 集中精力培養的重點大學, 講話香港大學排名高於清華, 相信, 並且因此感到自豪???

5. 唔好講什麼"矽谷", 淨係大陸同香港畀, 有冇聽講過香港有咩大公司, 每年捐多少錢, 支持香港大學嘅科研? 大陸, 淨係騰訊阿裡巴巴(其他都唔講喇), 科研, 創科基金, 已經係冇得畀.


6. 我都係香港嘅大學做個研究工作, 向政府申請funding, 條件苛刻, 往往一個project, 要分解做很多個小projects, 才有機會成功申請到. 咁樣點樣做大型項目???

7. 當年我在哪個窮國家的二線大學回港, 有幸和香港大學CS的一位professor交流, 他現在還是其中一個research group的head, 他知道我的背景後, 他是舉起拇指說, 你的大學是"好嘢", 我當時也感到十分奇怪, 後來我才知道, 原來他的研究團隊所用的電腦系統, 是一台有26粒cpu的超級電腦, 所以, 他很清楚, 我大學那邊的那套(同系)的自主研發1260粒cpu系統, 有多大的差異. (同一個窮國家的二線大學對比, 都有如此大差距...)

8. 我這些觀點, 都不是基於自尊, 自大, 或者自卑, 而得出的. 現實歸現實, 知道自己強弱點在哪, 才會知道怎樣改進.

twhkleung

ANChan59 發表於 26-6-20 07:18
香港好多學生都冇興趣讀研究院，家長及大學都開心見到自家大學「研究」排名前，都幾特別！
...

冇興趣做研究, 但又有研究成果..., 為一啲自己冇參與嘅成果, 而感到自豪, 邏輯確實有啲奇怪...

就好似我隔離屋明仔, 做咗狀元, 我為佢感到高興, 十分正常; 但係,高興到當係自己個仔做咗狀元, 就有啲奇, 根本都唔關你事, 冇你份.

極其量, 只可以話我心地好, 為我鄰居感到自豪!

ANChan59

twhkleung 發表於 26-6-20 12:55
冇興趣做研究, 但又有研究成果..., 為一啲自己冇參與嘅成果, 而感到自豪, 邏輯確實有啲奇怪...

就好似我隔 ...

比喻得好到題喎！

beastiebistro

twhkleung 發表於 26-6-20 12:45
其實某程度我都同意你嘅講法, 不過我想解釋幾點.
1. 其他網友基於什麼作出分享, 我不知道. 所以, 係煲係扁, ...

唔使妄自菲薄，但係又唔應該夜郎自大。正常有邏輯思維都冇可能覺得香港有5間百強，一間或者勉強可以接受...
再者呢啲排名都係以post grad research為主要指標，真係同本科/教學可以話風馬牛不相及。純講本科，美國有大批liberal arts college，本科教學仲勁過哈耶史普麻，但直頭唔上榜。因為佢地只教本科，冇post grad research...

whthk

beastiebistro 發表於 26-6-20 14:36
唔使妄自菲薄，但係又唔應該夜郎自大。正常有邏輯思維都冇可能覺得香港有5間百強，一間或者勉強可以接受... ...

咁又唔算夜朗自大？ 夜朗自大係自己抬舉自己

twobirds

能不能這樣看待？ 香港嘅大學QS高排名，應該係有利長遠嘅視角及戰略目標。不要急於否定他們有，應假設佢哋有。

眾生皆是俗人，資源，生源全部向有名氣者靠而攏之。 名氣來了，資源來了，走的人多了，也便成條路了，想要的研究也會有了。

什麼事情都不會永遠不變，總會有個突破，看到積累變化嘅過程，樂觀其成，樂見其成。