Hi

Amnesia2008

請教各位：
12校網，男仔，首選官津SJC，或者兩間軒官，但僅15分，應該首輪無望。

如果之後參加直資面試能有幸收到港同 或者SPB offer，是否應該（值得）放棄直資offer，然後去參加大抽獎，搏SJC或者兩間軒官？

應該如何考慮去做選擇？請指教！🙏😀

RainyRice

Amnesia2008 發表於 25-4-9 22:43
請教各位：
12校網，男仔，首選官津SJC，或者兩間軒官，但僅15分，應該首輪無望。

識男仔舊年乙一SJC 乙二軒銅，入軒銅。咁睇乙一軒銅應該都有機會？
至於值唔值，我識的去大抽獎多數一係有私校offer或是無好直私offer。
SPB / 港同 vs 兩軒，我覺得有龍揀龍。
SPB/港同 揸手offer vs SJC 抽獎機會，便見仁見智。如果有SPB港同offer即是小朋友表現應該不錯，不如叩門。

Sing13

要放棄港同或SPB offer去抽獎，除非有經濟上既考慮吧。

Amnesia2008

RainyRice 發表於 25-4-9 23:08
識男仔舊年乙一SJC 乙二軒銅，入軒銅。咁睇乙一軒銅應該都有機會？
至於值唔值，我識的去大抽獎多數一係有 ...

同意你的看法，謝謝您的分享。

Amnesia2008

Sing13 發表於 25-4-10 00:44
要放棄港同或SPB offer去抽獎，除非有經濟上既考慮吧。

謝謝您參與討論。
經濟上沒有問題，仔仔現在幼稚園的學費都高過港同和SPB。

主要猶豫的因為我仍未能充分了解 港同/SPB 和 SJC/軒官 相比，除了有龍校優勢外，還有哪些明顯的優劣？

如果它們都屬於同級學校，

則因為我們家住灣仔，去SJC/軒官 大大方便過去柴灣/薄扶林。
而且SJC的英文/運動/直屬，軒官的皇仁聯繫，都是我想搏抽獎的原因。其實最想的是中學入皇仁啦，所以心儀軒官。

如考慮不周，還望大家指點。

PTL_L

Sing13 發表於 25-4-10 00:44
要放棄港同或SPB offer去抽獎，除非有經濟上既考慮吧。

明顯，網友係灣仔街坊，灣仔街坊其實好少會考慮新派直資，完全唔會關錢事！至於spcps (其實我都俾你哋搞到亂哂，係講緊小學SJPS、兩軒小）同sjps,好多街坊都係會sjps行先！

myfaye

Amnesia2008 發表於 25-4-10 08:45
謝謝您參與討論。
經濟上沒有問題，仔仔現在幼稚園的學費都高過港同和SPB。

按你原定的意願去選擇最心儀的，否則會後悔

RainyRice

PTL_L 發表於 25-4-10 10:29
明顯，網友係灣仔街坊，灣仔街坊其實好少會考慮新派直資，完全唔會關錢事！至於spcps (其實我都俾你哋搞到 ...

都係，我所認識的灣仔街坊，報直私都是揀有歴史（不等於教學傳統的）學校為主。要新派嗰啲好多直接去國際學校PIS。
當年好多同學什至完全冇報直私。一半自行有25+分，其他疊埋心水等大抽獎。

如果是揸手offers，我都會SJC > SPB/港同 > 兩軒。
兩軒無直中，比較成績主導和谷。不過如果心儀兩軒的話，可以自行評估下小朋友和家長谷唔谷得或者想唔想小學就要谷。

wccfgoldcard

回覆 Amnesia2008 的帖子

SJC係直屬，兩軒係聯繫，雖然升中都係有一定比例上到相關中學，但唔係必收哂全部。所以小五小六呈分試係要好努力同忙同承受一定壓力，如果仔仔係有少聰明或比較自律，過到呈分果關就不難既，否則，要睇下家庭配唔配合到幫佢温書做功課。

PTL_L

Amnesia2008 發表於 25-4-9 22:43
請教各位：
12校網，男仔，首選官津SJC，或者兩間軒官，但僅15分，應該首輪無望。

既然你連兩軒都考慮，男仔我會加埋RCPS
SJPS>RCPS>SPCPS>兩軒》st james

Sing13

Amnesia2008 發表於 25-4-10 08:45
謝謝您參與討論。
經濟上沒有問題，仔仔現在幼稚園的學費都高過港同和SPB。

如果睇DSE成績，按五級以上百分比，SPC，港同近幾年都係位於全港前十，而且是一條龍升中，明知燈是火，使咩四圍摸。
直資學校學生經過挑選，可以使用適合依班學生程度既教材，可以玩一人一樂器，小學遊學團。（我見有啲直資，小學全級赴海外，去當地學校上堂，住寄宿家庭，佢哋既見識甚至比家長更多）
另外最好是選擇project模式教學既學校，將來十年是ai既世界，要訓練學生自己選擇工具，尋找答案，自己組織內容，自己講解。
就算你入到band1 A中學，中四選科，如果非精英班，選唔到心儀既三科，我覺得都冇咩意思。直資有收家長學費，資源多啲，可請多啲老師，選科相對容易啲。

f00130

如果考到上面兩間直資其中一間, 我就唔會放offer去賻大抽獎. 一來兩間直資級數絶對唔會低過SJC 二來大抽獎機中SJPS機會你覺得有幾成? 如果你最心儀SJPS 你可以之後憑實力去叩門. 當然, 前提係兩間直資有offers先再討論都未遲, 兩間都唔係話入就入

kpc2015

如果我收到港同或者SPB已開心到暈! 入左差不多頂級小學又直升頂級中學. 仲想點? 官津都有非常好學校, 但一定抽到? 就算抽到, 又要呈分, 好辛苦的, 努力都唔喺必然考到好中學! 如果官津唔喺分哂band, 成績,設施,校風咁參差, 家長都唔洗一定要子女入到band1學校. 理想是間間都是好學校有機會讀到好成績. 但事實呢?

KikiDaddy

Some schools would limit the places for elective subjects in order to improve their distinction / credit rates. This happens to both DSS and government / subsidized schools.

Being a subsidized school, SJC offers 3 classes for popular subjects like Physics, Chemistry, Biology, BAFS and Mathematics Extended Part (2 x M2 & 1 x M1). Most students can choose their preferred electives unless their academic performance is well below average.  

Amnesia2008

回覆 KikiDaddy 的帖子

SJPS is extraordinary. Thank you for the information sharing.

Amnesia2008

PTL_L 發表於 25-4-10 13:03
既然你連兩軒都考慮，男仔我會加埋RCPS
SJPS>RCPS>SPCPS>兩軒》st james

RCPS了解不多，為何在你心中可以排名這麼前？

Amnesia2008

kpc2015 發表於 25-4-10 16:01
如果我收到港同或者SPB已開心到暈! 入左差不多頂級小學又直升頂級中學. 仲想點? 官津都有非常好學校, 但一 ...

家長要做的是陪伴、引導、鼓勵、支持，但最終是否成事還是取決於仔女自己的努力、能力，同埋天意。

Amnesia2008

Sing13 發表於 25-4-10 13:46
本帖最後由 Sing13 於 25-4-10 14:04 編輯

謝謝您的建議和分享。

Bsc_arch

回覆 Amnesia2008 的帖子

如果地點係考慮，要留意SJPS 有計劃重建，到時要搬去臨時校舍。之前有講過話臨時校舍係黃大仙。

PTL_L

Amnesia2008 發表於 25-4-10 22:15
RCPS了解不多，為何在你心中可以排名這麼前？

親人小朋友曾經讀過，身邊同學大多升中除80個直屬band 1中學外，QC ,DBS, spcc , sjc ,spc 亦相當多，仲有女仔都派得好好。上年聽朋友講，估計差不多接近9成入band 1中學，派band 2以下既學校亦唔多，不過近年高主教書院dse成績愈來愈好，應該都係差唔多係高幼從開第一屆一路升上去既親生仔女成績，所以近年級頭唔係個個都離開，因為幼小中都同一間，有歸屬感！不過呢間學校係比較低調，所以應該好多人都唔識有RCPS!校長、老師有愛，學習輕鬆、頗多假期或活動，英文小學，容易銜接英文中學！