坑真 vs 德望

此心安處

知道兩間學校好唔同，好難直接比較。但小女有呢兩間既offer, 依家十五十六緊。想問下大家意見。想問有無家長當初都有煩過呢兩間? 中間既心路歷程又點?

RainyRice

此心安處 發表於 25-1-13 15:47
知道兩間學校好唔同，好難直接比較。但小女有呢兩間既offer, 依家十五十六緊。想問下大家意見。想問有無家 ...

正常有呢兩間應該會因應中學DSE成績揀德望。幼稚園相信考慮因素有以下：
-地點，選擇近家的。雖然兩間幼稚園都多人過海讀
-幼稚園教學：有沒有特別考慮或想知的？坑真幼推行腦科學主導教學模式，老師都會去啟發小朋友思考。新校長好似對學術都有要求（之前和多數龍幼一樣學術不太深）
-真光嚟緊大維修要五年，維修時幼稚園校舍搬哪裏？
-升小比率，唔清楚，都不是全部直升，數據要找找

中學小學考慮：
-升中比率，德望直屬、坑真聯繫。德望2023年有家長話「25 Oct 2023 — 剛升S.1嗰屆P.6 獲取錄GHS有95%」；雖然坑真聯繫，坑真小近年至少有65-75%直升中學，另有10-15%（？）外闖更高或同級數。
- DSE成績：德望
-兩間中小都是傳統學校，德望出名谷；真小新校長好似想推行多些活動教學之類，相對比較happy school
-小學德望粤教中、真光普教中；但中一至中三好似相反，德望普教中、真光粵教中
-德望英文小學、真光中文小學

此心安處

回覆 RainyRice 的帖子

thank you ar. 好詳細既分析。我地都知道正路應該選德望，但又想小朋友可以開心快樂咁成長，所以先15/16....因為有聽過德望壓力好似好大。。。。

a_c2612

此心安處 發表於 25-1-14 08:38
回覆 RainyRice 的帖子

thank you ar. 好詳細既分析。我地都知道正路應該選德望，但又想小朋友可以開心快 ...

德望幼稚園谷，小學仲谷，深得離譜，但當然百貨應百客，有人接受到，亦睇小朋友係咪好乖好谷得
坑真要裝修，亦不是個個鍾意

此心安處

回覆 a_c2612 的帖子

想問是用家嗎? 因為想知道實際有幾谷?至於真光，依家都未知會搬去邊。但其實又唔太擔心呢樣野。

RainyRice

此心安處 發表於 25-1-16 11:01
回覆 a_c2612 的帖子

想問是用家嗎? 因為想知道實際有幾谷?至於真光，依家都未知會搬去邊。但其實又唔太擔 ...

谷其實好難定義，贊成樓上講，好睇小朋友是否能夠自動自覺做功課溫書，家長願意投放多少時間，有需要會否去補習。下面問題未必代表到學校有幾谷，但或可以幫你更了解學校教學，不過要兩間的在讀家長分享：
-幼稚園升唔升到小學，老師會唔會提早明示暗示？等小朋友和家長早些準備。還是升唔到都唔知原因？
-小學教科書如果用出版社教科書，是不是教同一級的書？還是有沒有教快一年半年？
-小學測驗考試是不是教什麼考什麼？範圍清唔清楚？多唔多教淺考深？（當然有學校是突擊測驗style，但是否都是已教的知識？）
-默書多唔多背默？如果要背，是否以詩詞名著為主？
-每次測驗考試範圍除咗基礎知識，是否不會重複？
-小一至小三除了中英數常宗教之外，音樂體育藝術等等有沒有筆試？

a_c2612

此心安處 發表於 25-1-16 11:01
回覆 a_c2612 的帖子

想問是用家嗎? 因為想知道實際有幾谷?至於真光，依家都未知會搬去邊。但其實又唔太擔 ...

德幼升小如果第一輪唔收個小朋友，學校唔會同你講點解，你只可以等第二輪收唔收，到時學校都不會叫你考其他學校，因為學校非常不鼓勵小朋友去面試。老師會chok小朋友有無出去面見其他學校，不少小朋友要講大話瞞老師。

管理層老派，沒愛心，不體諒家長，家長反映的意見不會理，只期望小朋友可以達到學校心中的高水平。

小一上學期:已教成語（要做功課要考），常識近小三程度（個人認為），英文是小二程度。數學是英文教，用詞深

此心安處

回覆 RainyRice 的帖子

Thanks! 好值得參考!

此心安處

a_c2612 發表於 25-1-16 13:42
德幼升小如果第一輪唔收個小朋友，學校唔會同你講點解，你只可以等第二輪收唔收，到時學校都不會叫你考其 ...

咁如果真係俾學校知道，會點樣?

Jean1769

a_c2612 發表於 25-1-16 13:42
德幼升小如果第一輪唔收個小朋友，學校唔會同你講點解，你只可以等第二輪收唔收，到時學校都不會叫你考其 ...

咁差… 個人感覺坑真女都比較純

chanti

a_c2612 發表於 25-1-16 13:42
德幼升小如果第一輪唔收個小朋友，學校唔會同你講點解，你只可以等第二輪收唔收，到時學校都不會叫你考其 ...

唔收個小朋友、但又唔鼓勵小朋友出去面試其他學校？咩玩法？

RainyRice

坑真認識兩位未能直升的，一個在K2 老師已經開始明示暗示如果學術未能跟上（簡單字卡都未能認讀），小學未必收返。
有聽過另一位，老師有同佢傾，我不清楚詳情，但她好似是覺得唔合理的，但大前提是老師K2已經有同佢傾。

catf2

RainyRice 發表於 25-1-13 17:30
本帖最後由 RainyRice 於 25-1-13 22:25 編輯

正常有呢兩間應該會因應中學DSE成績揀德望。幼稚園相信考 ...

德望小學是英小，隨了中文，所有科目英文教，包括 RE, Music , PE

catf2

此心安處 發表於 25-1-13 15:47
知道兩間學校好唔同，好難直接比較。但小女有呢兩間既offer, 依家十五十六緊。想問下大家意見。想問有無家 ...

考得入德幼你唔讀好多人多謝你啊！
親戚的小朋友好醒目，父母職業也不俗，面試機會也未有。
升德小已經係80-90% ， 小學校舍靚，支援好，課外活動出色，音樂運動強勁。中學DSE 成績屬B1A, 但位置係偏遠，如果住港島區真係好遠，校車沒有港島線。
利申：我女是幼小中用家，我不是只唱好，這是呀女讀左十幾年的感受，佢非常愛學校，現在依依不捨了。
小學好谷其實我就唔覺，我女幼稚園和初小冇補習，係小5後有補英和數，中學就谷係一定啦，但好多野玩，中學老師好多好有愛心，學校好多活動玩，心理可以平衡到，讀書氣氛一流㗎，但中學壓力好大，因為學生普遍對自己學業成績要求好高，受得到就成績好，好多受唔到自己會轉校，學校不會勸退，留班的大有人在，好多同學讀讀吓出國留學，轉去讀 IS , 亦有同學住上轉去女拔等等

RainyRice

回覆 catf2 的帖子

Thx. Updated

catf2

a_c2612 發表於 25-1-16 13:42
德幼升小如果第一輪唔收個小朋友，學校唔會同你講點解，你只可以等第二輪收唔收，到時學校都不會叫你考其 ...

德小英文教快一年，數學，常識其實都深, 不過我又覺得佢地教得好好，測驗，考試比晒範圍你溫。唔合格都不會勸退，要上補底班。不過可能我女好運，中規中矩，冇老師特別照顧和特別寵愛，平平穩穩咁，升小學和升中學都是第一輪取錄，不知道沒取錄的同學那狀況，希望學校對未能取錄的同學要多多支援，做一間好學校。

tt_blue

回覆 此心安處 的帖子

德幼升小如果第一輪唔收個小朋友，學校唔會同你講點解--> 當年校長甚至老師都有講, 會幫小朋友, 令佢可以meet 到升小既要求, 我見最後有D 第一輪冇offer 的, 最後都收返。

你只可以等第二輪收唔收，到時學校都不會叫你考其他學校，因為學校非常不鼓勵小朋友去面試。--- >唔比offer 小朋友又唔鼓勵佢出去面試? 唔係好講得通。如真係咁，我估係個別老師既問題。

老師會chok小朋友有無出去面見其他學校，不少小朋友要講大話瞞老師。 -->唔洗chok, 好多小朋友都唔識講大話, 老師做左咁多年點會唔明, D 小朋友係會去in 其他特別係好多都會試女拔，老師知道亦冇講咩野。

管理層老派，沒愛心，不體諒家長，家長反映的意見不會理，只期望小朋友可以達到學校心中的高水平。--> no comment, 唔係好覺好有愛心, 但亦唔係冇愛心, 其實好多小朋友返學都好開心。

小一上學期:已教成語（要做功課要考），常識近小三程度（個人認為），英文是小二程度。數學是英文教，用詞深 ---> 只有英文係教快一年，其他好正常, 小一常識都係用返一年級書。英文能力如果較弱, 可能最初真係會吃力。至於谷唔谷, 圍內好多家長都覺初小好hea 添。同意有家長所講, 谷唔谷好主觀, 睇小朋友能力，我見圍內有中英閱讀習慣的，初小都唔吃力。德望是傳統學校, 教法及要求方面一定唔係新派果D，但見學校都有加入一D project 既元素，唔係真係100% 填鴨式。管理方面, 都係偏向老派。

RainyRice

tt_blue 發表於 25-2-25 10:06
回覆 此心安處 的帖子

德幼升小如果第一輪唔收個小朋友，學校唔會同你講點解--> 當年校長甚至老師都有講,  ...

謝謝你的分享，有個問題想問，純粹是自己對於所謂新派和傳統式教育的迷思，想嘗試了解不同學校是怎樣處理和評估。
在GH小學的project ，好奇想知道是做那一類的project ？做完project之後通常還會測考這些相關題目嗎？還是根據project表現計分？project 的題目甚至實驗(如有）是小朋友自己決定、老師定、還是老師有一些題目給大家選擇？感謝你的分享。

happymeme

RainyRice 發表於 25-2-25 12:41
本帖最後由 RainyRice 於 25-2-25 16:40 編輯

謝謝你的分享，有個問題想問，純粹是自己對於所謂新派和 ...

好多唔同既project,有啲要小朋友合作完成，有啲個人做，內容大致同課程有關，所以考試會考。project 計入平時分，原來德小都好多project!

入得德小預咗好忙，但小朋友返學係開
心既，好鐘意老師同學。

celinechan117

德小係英文數學深,中文偏淺