K2插班求教：SC英粵vs LH英普

ceciduck

小朋友本身讀緊卷幼K2，target考直升，所以一直都想插返入私幼，依家SC英粵已經比咗offer，本身打算下個月就轉過去，啱啱又收到LH英普有位可以interview，本身心儀LH學術程度高d又近屋企d，但擔心依家先開始上全普通話小朋友會唔適應，雖然佢有學開普通話考GAPSK，但始終同上足半日課有分別，唔知會唔會反而影響佢學習。但因為有細佬跟尾下年pn，家姐入邊間變相都會幫到細佬…所以好掙扎，唔知有冇用家或者插班過來人可以分享下，感謝(emoji)(emoji)

「路路」

ceciduck 發表於 24-12-13 23:49
小朋友本身讀緊卷幼K2，target考直升，所以一直都想插返入私幼，依家SC英粵已經比咗offer，本身打算下個月 ...

要睇target咩直資，如果目標係神校，建議英粵>英普，若果只係考龍校就LH 都夠

ceciduck

「路路」 發表於 24-12-16 10:37
要睇target咩直資，如果目標係神校，建議英粵>英普，若果只係考龍校就LH 都夠 ...

謝謝指教，請問咁樣建議係因為英普真係會反令小朋友表達得無咁好嗎？呢樣正正係我擔心

RainyRice

ceciduck 發表於 24-12-16 10:53
謝謝指教，請問咁樣建議係因為英普真係會反令小朋友表達得無咁好嗎？呢樣正正係我擔心

...

其實不是所有學校面試會用普通話，甚至其實很多只會用英文及廣東話。樓上提到神校，其中男拔是粵教中的。
小朋友讀廣東話幼稚園，最後有offer的學校之中也包括面試有用普通話考的學校。所以個人不認為普通話對小一面試有太大影響。但影響反而是如果升讀的小學是普教中，提早熟習普通話會對學中文有幫助。

「路路」

「路路」 發表於 24-12-16 10:37
要睇target咩直資，如果目標係神校，建議英粵>英普，若果只係考龍校就LH 都夠 ...

只能夠話母語上對考直資面試係會有幫助，尤其咁短時間內廣東話都未讀得掂，但又要佢處理音通話，小朋友普遍都比全母語學習遜色；過來人玩完考小嘅經驗就係香港全部面試都會用到廣東話，當小朋友struggle緊個字讀音係廣東話定普通話嘅話，當刻表現就已經打咗折，所以target 神校我一定建議母語行先，自信心好緊要，否則要有心理準備一係外判或者自己黎再加強廣東話能力

RainyRice

「路路」 發表於 24-12-16 11:53
只能夠話母語上對考直資面試係會有幫助，尤其咁短時間內廣東話都未讀得掂，但又要佢處理音通話，小朋友普遍 ...

贊成，面試有用普通話問問題的學校真是不多，而我有經驗的那兩間明顯對普通話的要求都不高。因為小朋友外面學咗幾個月普通話，面試已經夠用。

eleung123

英粵再加外補普通話

supervi

LH 絕對難入過SC
投LH

ceciduck

RainyRice 發表於 24-12-16 11:46
其實不是所有學校面試會用普通話，甚至其實很多只會用英文及廣東話。樓上提到神校，其中男拔是粵教中的。
...

咁請問是否需要每星期再外補普通話，還是靠學校每星期一課+考到gapsk高級程度已經ok?
因為我見有d學校interview都會用普通話，是否簡單對答同認字？

ceciduck

「路路」 發表於 24-12-16 11:53
只能夠話母語上對考直資面試係會有幫助，尤其咁短時間內廣東話都未讀得掂，但又要佢處理音通話，小朋友普遍 ...

謝謝分享(emoji)(emoji)我都聽過好多英普小朋友讀字時會讀咗普通話音

ceciduck

eleung123 發表於 24-12-16 17:25
英粵再加外補普通話

請問外補多少先夠？如果考到GAPSK高級夠嗎？

RainyRice

ceciduck 發表於 24-12-17 11:21
咁請問是否需要每星期再外補普通話，還是靠學校每星期一課+考到gapsk高級程度已經ok?
因為我見有d學校inte ...

間間學校不同，你心儀邊間，想報邊間？我小朋友無考gapsk,不知高級程度是怎樣，但我小朋友只是一星期一兩堂上了兩三個月，家中不講國語，一定不達gapsk標。都想像唔到邊間香港本地學校對國語的要求咁高？國際學校可能反而需要，但都或者可能只是Singapore International / ISF?

「路路」

ceciduck 發表於 24-12-17 11:26
謝謝分享(emoji)(emoji)我都聽過好多英普小朋友讀字時會讀咗普通話音
...

基本上我哋全班英普，本地絕大部份直資同私校都無用過普通話面試，所以目標為本嘅話，普通話可以之後先搞，無迫切性；比我重新揀過，我一定報英粵

yantoyan

投SC英粵
識講廣東話 同 流利運用廣東話 係兩回事
Target本地直私小 9成面試都係廣東話。正如樓上所講，面試時小朋友仲諗緊隻字係粵定普，打斷思路大打折扣。普通話只需外補接觸就夠。考小基本上只有短短 2-3年準備，唔好忘記仲有英數音體藝⋯⋯K2就準備面試遊戲

wccfgoldcard

回覆 ceciduck 的帖子

妳 target 考直私，即主打睇升小offer 質素。咁邊間 LH 分校收小朋友先？係好緊要，話就用 same 課程，但 get offers 質素又好唔同。

我有睇近5年 SC 同 LH get 到既小學offer list:

除了 青衣 LH, 不嬲神/名直私 offers ratio係好高之外。

而 奥海 LH 就同 SC 拿到 神/名直私 offers ratio 差不多。

其他 LH (尤其新校), 拿到 神/名直私 offers ratio 不嬲唔算高wo, 我唸妳要認真 check 下 LH 官網有 list out 每間分校 每年小學offers list 去評估下呢間LH分校合唔合妳心水。

而且，LH 同 SC 行緊既 教學方向 同 在校 (教量/功課量) 係有少少差異，LH放多少少在學校攪埋，SC就放多少少在家長身上，但就比較柔d，所以，都要睇下妳小孩性格特質同家庭環境。