準備考小，係咪應該cut咗啲興趣班？

ecila123

小朋友而家k2，即將開始上面試班，而家有外補中、英、數，興趣班有游水、音樂、畫畫，加埋面試班我覺得好似有啲多…諗緊應唔應該cut興趣班
游水同音樂都已經上咗1年幾，而家cut又擔心之後咩都唔記得曬好似好白費心機咁

Raccch

好多面試班其實有中英數的內容，係咪需要全部都上齊？我覺得音樂同運動唔好cut，游水鍛煉身體 音樂學習係累積的，唔上真係會唔記得。

RainyRice

選擇讀面試班，即使對升小有些期望。那你要考慮在面試時如果小朋友被問到平時的興趣/課外活動時可怎樣回答? 交2-10頁portfolio填什麼？
當然可以填/答一些不用上興趣班的，不過在決定小朋友參加什麼課外活動和平時週末做什麼的時候就要考慮下。

ecila123

Raccch 發表於 24-8-29 09:32
好多面試班其實有中英數的內容，係咪需要全部都上齊？我覺得音樂同運動唔好cut，游水鍛煉身體 音樂學習係累 ...

我認知面試班通常係train個面試模式同埋行為舉止，佢會話你知學術有咩不足但應該唔會幫你train學術？
我地未開始上，純粹係聽人講，定我理解錯？

ecila123

RainyRice 發表於 24-8-29 09:52
選擇讀面試班，即使對升小有些期望。那你要考慮在面試時如果小朋友被問到平時的興趣/課外活動時可怎樣回答? ...

你講得都有道理，可能真係唔cut好啲…
個schedule真係好full，同埋上咁多堂其實都幾貴

RainyRice

ecila123 發表於 24-8-29 13:23
本帖最後由 ecila123 於 24-8-29 13:23 編輯

你講得都有道理，可能真係唔cut好啲…

音樂假設是樂器或聲樂？否則可能對考小冇乜”用”。
游水有冇去比賽？未必要攞獎，但要顯示參與&恆心。如果已經識游水又唔係操水攞獎，可能cut 咗班去，但自己繼續帶佢去間中比賽。有一兩個奬或參與證書都可顯示小朋友識游水。
課外活動都有好多選擇，有啲唔使咁”commit”個個星期上堂的。面試班老師應該都會有些提議？

i_love_leibb

回覆 ecila123 的帖子

我地上年考完小學，當時我無CUT興趣班，反而我覺得保留住係可以平衡佢既身心，例如田徑，我地唔係跑得快，所以都唔會有咩獎，可能人地會覺得學黎無咩用，但我小朋友好鐘意跑，笑住去上堂，我覺得做下運動健康D都好呀，面試個排會好忙，又易病。
音樂我地都有學，我地都無停，我覺得呢D停左之後要再PICKUP有D麻煩，而且當初想佢學都係想佢KEEP住培養興趣，我覺得只要你唔係狂PUSH佢日練夜練，其實小朋友鐘意，就自然會開心去彈，好似我女就會自己開琴練，但我地都無迫佢去考級。

當時我地都有上面試班，有補過PHONICS，中文數學無補，無去考學術證書、無數學比賽證書、音樂無考級，但有玩下音樂比賽，比佢拎比賽經驗，唔一定有獎，實體比賽可以比佢感受現場緊張感覺，我覺得係幾好既體驗，平時放假都係同佢出去玩多，我覺得小朋友真係要有放鬆時候。

最後女女都考到心儀既直資，我地雙職家庭，上面試班真係當幫佢溫習，自己平時無時間跟呢D，反而唔好比太壓迫SCHEDULE小朋友，會令佢地壓力更大。

Raccch

回覆 ecila123 的帖子

我小朋友試堂係見過有混合型面試班係有部分中英數內容，但我只試咗一堂。不過長遠黎講，英文串字、中英認字、數學基本計算都係要考父母或者照顧者係日常生活中不斷重複同個小朋友練，靠一個禮拜一堂課補習收效甚微。出於經濟考慮，我情願cut中文同數學自己教，保留英文口語同運動。音樂就真係見仁見智。

ecila123

RainyRice 發表於 24-8-29 13:43
音樂假設是樂器或聲樂？否則可能對考小冇乜”用”。
游水有冇去比賽？未必要攞獎，但要顯示參與&恆心。如 ...

音樂係啟蒙班，游水當俾佢做運動仲未算識，兩樣都唔係for考小學，真係當興趣班咁上咋

不過音樂班有教拍子音符嗰啲，可以為嚟緊學樂器打底，同埋再上可能入到合唱團嗰啲。游水都希望慢慢會學識，同埋真係可以強身健體

所以我先掙扎停唔停，如果係為考小我就唔會而家停

RainyRice

ecila123 發表於 24-8-29 16:42
音樂係啟蒙班，游水當俾佢做運動仲未算識，兩樣都唔係for考小學，真係當興趣班咁上咋

不過音樂班有教拍子 ...

可以一直觀察住小朋友有沒有太辛苦，如果是輕鬆興趣班，相信小朋友不會介意。但大人帶上堂都會辛苦。
如果怕有太多堂，反而如樓上所講，中英數會否有其中一兩樣可以自己教？

ecila123

i_love_leibb 發表於 24-8-29 15:24
回覆 ecila123 的帖子

我地上年考完小學，當時我無CUT興趣班，反而我覺得保留住係可以平衡佢既身心，例如 ...

我地係音樂啟蒙班，已經唔係學學器嗰啲，亦都無諗住要參加咩比賽，游水都係一星期一堂
但計埋其他，基本上每日都要上堂，星期六同星期日仲要每日都上2樣堂，我地都係雙職家庭，我都想留啲時間帶小朋友出街玩

ecila123

Raccch 發表於 24-8-29 16:41
回覆 ecila123 的帖子

我小朋友試堂係見過有混合型面試班係有部分中英數內容，但我只試咗一堂。不過長遠黎 ...

我自己要返工，有時放工返嚟食埋飯小朋友都就瞓，可以同佢做少少練習，但要自己親自教真係無時間。同埋自己唔熟啲課程，外判起碼知唔會落後太多，所以基本中、英、數都唔諗住cut喇

ecila123

ecila123 發表於 24-8-29 19:02
本帖最後由 ecila123 於 24-8-29 19:02 編輯

我地係音樂啟蒙班，已經唔係學學器嗰啲，亦都無諗住要參加 ...

中英數我都係安排平日，佢係屋企都無嘢做唔太大影響。反而係weekend每日2樣都幾影響家庭活動

fmf903

ecila123 發表於 24-8-29 13:23
本帖最後由 ecila123 於 24-8-29 13:23 編輯

你講得都有道理，可能真係唔cut好啲…

K2 係最燒錢的一年！
我哋全部無cut， 英文，樂器，面試係每星期2堂咁操考試。仲有其他運動，只係無補中數，自己教。去到k3 面試完就會好好多。
盡量學術唔會補習，自己教。

fmf903

ecila123 發表於 24-8-29 19:02
本帖最後由 ecila123 於 24-8-29 19:02 編輯

我地係音樂啟蒙班，已經唔係學學器嗰啲，亦都無諗住要參加 ...

我哋都係雙職家庭，晚上回家仲要同佢溫習同埋練樂器。
我小朋友集中係平日學嘢，所以星期六日可以帶佢去玩。

ecila123

fmf903 發表於 24-8-29 23:35
本帖最後由 fmf903 於 24-8-29 23:36 編輯

K2 係最燒錢的一年！

而家先知原來咁多人都無補中數
我以為好多人都補曬

ecila123

fmf903 發表於 24-8-29 23:38
我哋都係雙職家庭，晚上回家仲要同佢溫習同埋練樂器。
我小朋友集中係平日學嘢，所以星期六日可以帶佢去玩 ...

請問你哋小朋友幾多點瞓覺，返屋企仲可以做咁多嘢？

游水我哋想自己親自帶，所以揀咗weekend，音樂本身佢就只得weekend先有堂

面包超人360

ecila123 發表於 24-8-30 07:38
而家先知原來咁多人都無補中數
我以為好多人都補曬

所以諗清楚係咪真係有需要幼稚園已經要補哂全科
有冇咩可以自己教

fmf903

ecila123 發表於 24-8-30 07:38
而家先知原來咁多人都無補中數
我以為好多人都補曬

我知好多人outsource, 但outsource 都要自己跟。
中英最重要係伴讀同認字，上學術班都幫唔到。數學計得快係要操。
英文我們只學phonics。
我小朋友9:30訓。食完飯約8:00 開始開工。
都要學識分配時間、每日教啲乜。

ecila123

fmf903 發表於 24-8-30 20:11
我知好多人outsource, 但outsource 都要自己跟。
中英最重要係伴讀同認字，上學術班都幫唔到。數學計得快 ...

可以分享下你每日教咩嘅schedule?