千祈唔好去SxM爵士芭蕾舞學院跳舞

yeunlm

好多家長都話呢間學院商業化、行政混亂、樣樣嘢都要賺到盡，依家我終於感受得到了。
我囡跟呢間學校跳舞已經有10年以上了，雖然知道呢間學校唔係好好，就是因為跳咗咁耐，所以我個囡都唔肯去其他學校跳，唸住用家又唔係我，我囡鍾意跳就算。但係近呢半年，佢跳果班的老師不停轉人，間接令我囡都無興趣再繼續學落去，所以我哋決定不再續報課堂，因此我們要於學費期內完成全部補堂，由於分校現在只得一班是適合我囡既程度(交學費時係有3班)，所以分校職員便叫我們前住其他分校補堂，但由於他們所提供的分校及時間，我們全部都不能夠安排到時間上課。因此，我也有向分校職員和客户服務部職員W小姐反映相關情況，並要求全部補堂於原來的班別補回(即我囡現正上堂果班，即想把所有課堂順延)。經過多次溝通後，客戶服務部職員W小姐答應了我的要求，而當日她們說是有電話錄音的。

直到我向分校職員預約補堂時，我才知道這位W小姐反口，於是我便立刻致電W小姐查詢，W小姐的回覆和之前的回覆是完全不同的，她說沒有答應過我可以把所有課堂順延，我即時叫她聽返錄音，但她仍然堅稱已經聽了錄音，自己係無講過，這時我聽到真係超級生氣，他們貴為上市公司，居然可以答應客人的要求之後反口？這樣令我感到極度反感，不受尊重，也嚴重侮辱我的人格，她這樣說即是說我講大話？無中生有？冤枉她講大話？而在這次通話完結前，我要求她必定要再回覆我，也有要求她的上司C小姐回覆我，但直到現在仍然未有任何人致電覆我。其間我分別在客戶服務熱線留言了10多次、也透過whatsapp聯絡他們，他們唔肯回覆我就代表已經解決咗件事？

由於我們報讀的分校，所付出的學費價錢是比其他分校貴的，為何我們不可以全部課堂在原校補堂呢？現在即是我付了學費，又得不到相對的課堂，也得不到相對的服務。

現在他們不肯將所有課堂順延，又不肯致電回覆我，令我深深體會到乜嘢叫行政混亂、樣樣嘢都要賺到盡。

dbchu

yeunlm

回覆 dbchu 的帖子

我囡學果班呢半年成日都轉老師，老師師資又唔得，可能因為咁好多學生都走哂，所以咪由3班cut剩1班囉。我囡其實今年年尾要考試架，但依家突然唔肯再學跳舞呀，所以我都唔知咁大個邊度仲有得學呀。

M4ryCh4n

規模咁大, 真係好睇前線員工做得好唔好
就算管理層做得好, 但前線員工冇做好/ 唔跟規矩都死
唔可以話間間都係咁, 可能咁啱你遇到呢間個員工衰. (幾年前有上過覺得幾好)

yeunlm

回覆 M4ryCh4n 的帖子

前幾年其實都ok，但依家真係好多嘢都唔得。特別係師資，之前COVID試過上1對1，收費超貴，上30分鐘要扣2堂，即係上1個鐘算於比咗1個月既學費。
但我囡當時因為要考升級試，所以我都照比佢上咗5、6堂單對單。當時我有問老師我囡跳成點？有無大問題要注重？當時老師講佢跳得好好呀，放心無問題呀？
點知我囡考試成績一出，真係嚇咗我一跳，考得超差，比之前跌咗2個grade(之前我囡年年都係拎Honor級架)，我隨即問我囡考試時有無失誤，佢好肯定答我無，佢話咪好似平時上堂咁。
所以我真係覺得佢哋依家啲師資好唔得囉！

LittleCherCher

回覆 yeunlm 的帖子

好像曾經聽過呢個學校比人追數