香港資優教育學苑資優評估 - 資優教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 資優教育 › 香港資優教育學苑資優評估

發新帖

查看: 74198\|回覆: 41	go 香港資優教育學苑資優評估 [複製鏈接]

Rank: 2


	65

1^#

發表於 21-5-23 00:23 |只看該作者 |倒序瀏覽 |打印

最近發現中心有6至16歲資優生的智力評估服務，收費仲好似比平常見到嘅低，是$4200。
請問各位有在學院進行評估嗎？有沒有什麼評價可以提供？

小兒報小一直資學校幾乎全部滑鐵盧，現在有兩間後備等待通知當中。最近同教育界親友傾過，認為其中一個原因係拍片面試中展示的智能或者太高，面試老師怕麻煩，所以直接排除在外⋯⋯
認為如果進行智力評估，學苑能夠提供意見，告知我邊D學校對相關學童的支援較高？然後我就走去叩門？

大家可否俾啲意見我？

Rank: 7 Rank: 7 Rank: 7


	11984

2^#

發表於 21-5-23 10:16 |只看該作者

點樣展示智能太高？
咁聖喇拔應該好歡迎喎

Rank: 2


	65

3^#

發表於 21-5-23 15:00 |只看該作者

cafeva 發表於 21-5-23 10:16
點樣展示智能太高？
咁聖喇拔應該好歡迎喎

本帖最後由 misstiti 於 21-5-23 17:18 編輯

聖喇扙是指？la salle /dbs / St. Paul coed 要求有啲不同。

我們是在片段中用ABC排位講了各種名稱的恐龍，自己計算簡單代數，英文對圖畫講述行星名稱，限時根據圖畫疊起不同顏色的blocks ，讀英文story 。

就係咁樣。

我嘅問題係，急急腳走去做智力測試，在小一入學這個階段仲有用嗎？有用的意思，是用來向一啲支援資優比較好的學校用來叩門用，不是用來到神校叩門

Rank: 15


	132916

4^#

發表於 21-5-24 00:56 |只看該作者

misstiti 發表於 21-5-23 00:23
最近發現中心有6至16歲資優生的智力評估服務，收費仲好似比平常見到嘅低，是$4200。
請問各位有在學院進行 ...

幾乎全部滑鐵盧，咁滑鐵盧嗰啲係邊幾間？無滑鐵盧嗰啲又係邊間或者邊幾間？最簡單既方法係分析收同唔收兩類學校既差異，咁先可能知道收同唔收既原因。

Rank: 15


	132916

5^#

發表於 21-5-24 01:02 |只看該作者

cafeva 發表於 21-5-23 10:16
點樣展示智能太高？
咁聖喇拔應該好歡迎喎

間間既要求唔同，DB同COED對高智力既睇法會好唔同。但係要求係點都好，勁既學校係勁得有道理既。佢哋啲老師，基本上一睇就知道學生有無潛能，適唔適合間學校，好少睇錯。

Rank: 2


	65

6^#

發表於 21-5-24 09:22 |只看該作者

滑鐵盧嘅全部都係用拍video講指定題目嘅學校。仍然有得等候嘅就係親身面試嘅學校。小朋友係唔鍾意拍片嘅，所以我都冇說話好講。不過其實我嘅問題係，有冇人試過喺資優學院做智力評估，同外邊嘅其他機構有沒有什麼分別？

Rank: 15


	132916

7^#

發表於 21-5-24 11:32 |只看該作者

misstiti 發表於 21-5-24 09:22
滑鐵盧嘅全部都係用拍video講指定題目嘅學校。仍然有得等候嘅就係親身面試嘅學校。小朋友係唔鍾意拍片嘅， ...

指定題目既影片，係唔係俾老師感覺家長介入太深？一般而言，學校想要既係家長介入既係資源，唔係內容。

Rank: 4


	940

8^#

發表於 21-5-24 11:48 |只看該作者

misstiti 發表於 21-5-24 09:22
滑鐵盧嘅全部都係用拍video講指定題目嘅學校。仍然有得等候嘅就係親身面試嘅學校。小朋友係唔鍾意拍片嘅， ...

相信並非智能太高或內容選取問題

而是片中小孩能否表現出良好溝通的能力和互動
例如講述內容是否自顧自話, 雖然所有內容沒有錯誤, 但小孩表達技巧？用語？眼神？甚至最重要一環, 小孩可否講解吓他所學所講的為何？

"show why" is equally important to "showing what and how"

有reflections就更見potential. （尤其你說“限題/設題”的學校唔ok）

我同意王家爸爸的話：名校執仔, 無寶不落, 極少執錯。執仔係睇potential, 而非現在。

大家交流吓（我孩子已大了, 分享下歷年學習心得, 因為功課常有拍片一類, 所以up兩句！）

Rank: 4


	940

9^#

發表於 21-5-24 11:51 |只看該作者

王家爸爸發表於 21-5-24 11:32
指定題目既影片，係唔係俾老師感覺家長介入太深？一般而言，學校想要既係家長介入既係資源，唔係內容。 ...

你的一句“家長介入資源”好到肉！
我打咁多elaboration, 如用語/reflection, etc...都係家長點教(介入）小朋友的體現！

你真係expert

Rank: 4


	940

10^#

發表於 21-5-24 11:56 |只看該作者

回覆樓主:

直接回返樓主問題, 我覺得只要係認可人士負責, 也可信的。

但是否用孩子最熟悉的語言和最佳狀態去做評估, 也重要

Rank: 2


	65

11^#

發表於 21-5-24 12:53 |只看該作者

王家爸爸發表於 21-5-24 11:32
指定題目既影片，係唔係俾老師感覺家長介入太深？一般而言，學校想要既係家長介入既係資源，唔係內容。 ...

本帖最後由 misstiti 於 21-5-24 13:06 編輯

其實都唔係家長介入太多。因為一般都不準家長講嘢，基本上沒有對話互動成份，沒有對話。普遍嘅都係要背書自我介紹。有啲講一個故事。有啲介紹一個遊戲。
有啲，拍片影住佢聽住學校錄影嘅片段，畫一張圖畫，甚至要求對住個電腦公仔sayHello，一take過家長不准講嘢。基本上我喺片段裏面在家長完全冇出過聲音或者對話。
我小朋友唔係能言善辯類型，變咗喺呢啲望住電腦嘅指定項目，完全冇機會表達佢嘅潛質。佢以往仲要好討厭影相，跟住到咗呢種限時拍片upload，簡直係災難一樣，DBs 嗰日真係有一條題目草草收場　。
其實我拍片嘅時候都冇諗咁多，只不過無端端有個親友傾開，叫我比一條片段去睇睇，睇完之後佢話覺得小朋友嗰啲邏輯，同埋記憶力可能太過特殊，甚至會懷疑佢有自閉症，老師唔鍾意，可能就直接reject。
如果真係咁樣我都冇辦法。
不過現階段都好難再向嗰啲唔收嘅學校叩門因為基本上都係睇完片段連第一次面試都冇。

其實我都唔知自己想講乜

或者係，想問吓各位有資優兒童嘅家長，到底向學校提交報告之後有沒有用？還是根本不會向學校提交嗰啲IQ報告？

好老實講我身邊唔認識一啲小朋友係資優的，自己根本亦都唔會夠膽周圍同人商量這件事。

其實只有兒童嘅情況，一般大家向什麼人請教？都是在這裏認識家長的嗎？　　

Rank: 4


	585

12^#

發表於 21-5-24 15:04 |只看該作者

misstiti 發表於 21-5-24 12:53
本帖最後由 misstiti 於 21-5-24 13:06 編輯

其實都唔係家長介入太多。因為一般都不準家長講嘢，基本上 ...

我明白你感受，我仔都係資優交晒test result 都係無直資收

Rank: 15


	132916

13^#

發表於 21-5-24 16:10 |只看該作者

Jerv2014 發表於 21-5-24 15:04
我明白你感受，我仔都係資優交晒test result 都係無直資收

現實係資優報告只對申請二線直資有用。

Rank: 2


	65

14^#

發表於 21-5-24 16:57 |只看該作者

其實係咪政府學校津貼學校都對資優嘅小朋友冇咩興趣？點解二線嘅直資會比較喜歡？

Rank: 2


	65

15^#

發表於 21-5-24 16:59 |只看該作者

Jerv2014 發表於 21-5-24 15:04
我明白你感受，我仔都係資優交晒test result 都係無直資收

請問現在小朋友幾年級了？請問大家嘅做法係咪喺學校如果冇什麼特別資優支援就算數，再喺外邊自己參加活動或者資優課程去培養個小朋友？

有人同我講英基嘅資優支援最好，有冇家長作為真正嘅用家覺得佢哋嘅支援很到位？

Rank: 4


	585

16^#

發表於 21-5-24 18:15 |只看該作者

misstiti 發表於 21-5-24 16:59
請問現在小朋友幾年級了？請問大家嘅做法係咪喺學校如果冇什麼特別資優支援就算數，再喺外邊自己參加活動 ...

而家一年級，學校係無支援的（純講學術上），唔會有咩extra野比你。我都係自己出面按興趣搵老師教。

Rank: 2


	65

17^#

發表於 21-5-24 22:52 |只看該作者

Jerv2014 發表於 21-5-24 18:15
而家一年級，學校係無支援的（純講學術上），唔會有咩extra野比你。我都係自己出面按興趣搵老師教。
...

請問一下，進一步安排小朋友的課外學習時，其實點樣處理？打電話去啲組織要求小一學生報名參加小四小五的課堂？點樣為之適合到底要問邊個？
你會和其他同學家長傾談這些問題嗎？除了有相熟朋友經常向我說懷疑我的兒子是資優，然後我就隨便支開話題之外，我其實都不知和什麼人傾談？因為朋友的小朋友又差不多大，我很難太多討論自己的兒子到底發展得怎麼樣。

Rank: 4


	827

18^#

發表於 21-5-25 09:44 |只看該作者

misstiti 發表於 21-5-24 22:52
請問一下，進一步安排小朋友的課外學習時，其實點樣處理？打電話去啲組織要求小一學生報名參加小四小五的 ...

我明白你的感受，做家長有時真係會覺得孤立無援，好無助，好多frustration, 但呢幾年我都慢慢學識咗主動去尋求啱自己小朋友嘅學習模式和本地有嘅資源

我小朋友啲課外活動大多數係一對一嘅，坊間啲機構，特別係大型嗰啲，係唔會俾你跳級，亦都唔會因應你小朋友的程度去教，所以上嚟都嘥時間。搵到啱嘅老師唔容易，未搵到之前，父母就自己喺屋企Backup佢。不過因為covid的關係，好多老師或者機構都有Online class，變相選擇多咗，搵老師唔使局限喺屋企附近嗰啲，當然你都可以搵啲一對一上門，但有時真係唔易搵。

呢一刻我覺得你不必介懷小朋友入唔入到你心目中想要嘅小學，如果目前有嘅Offer，校風好，學習輕鬆，已經係一個好好嘅環境俾你小朋友發揮。最緊要係學習輕鬆，因為佢有大量其他時間去發展佢嘅專長。我小朋友停課期間好開心的，有大量時間學佢想學嘅嘢，復課後學校開始追功課追測驗追考試，變咗時間少咗好多，雖則佢能力夠，學習內容對佢來講亦都冇咩挑戰性，但功課都係要做都係要交，考試嘅答題技巧佢都係要識，所以都係要花時間的，如果唔想煩呢D，其實真係可以考慮國際學校。

至於拎唔拎個資優報告去搵學校，我覺得冇必要，真係冇聽過邊間學校淨係因為你IQ爆燈而收你，用一個數字去定義一個小朋友嘅能力，其實我唔認同，我細個都俾人捉咗去Test IQ，我明白箇中感受，所以我絕對唔會帶我小朋友去做Test，但佢平時嘅學習進度同成果已經反映比我睇到佢嘅能力

共勉

Rank: 4


	585

19^#

發表於 21-5-25 09:54 |只看該作者

misstiti 發表於 21-5-24 22:52
請問一下，進一步安排小朋友的課外學習時，其實點樣處理？打電話去啲組織要求小一學生報名參加小四小五的 ...

我自己上網搵老師，如數學科我會先同老師講佢咩程度，再由老師制定課程，主要都係一對一。

我主要資訊都係呢個forum睇，其實個個小朋友都唔同，都係自己諗有咩幫到佢。通常其他非資優小朋友家長好難理解我地面對咩問題，所以我好小同人傾。

Rank: 2


	65

20^#

發表於 21-5-25 23:50 |只看該作者

Jerv2014 發表於 21-5-25 09:54
我自己上網搵老師，如數學科我會先同老師講佢咩程度，再由老師制定課程，主要都係一對一。

我主要資訊都 ...

我都係覺得好多嘢都只能夠喺呢個forum 睇到。

實在，都冇可能周圍問其他親戚朋友，講咗出嚟都唔知人哋有咩感受，尤其是他們的小朋友年紀相差不遠的。人哋仲講緊默書串字記唔到嘅問題，好難商討...

如果朋友嘅小朋友大啲，面對嘅問題又不一樣，所以其實都好迷惘。

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2025 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢