一線vs二線小學

mandytanghk

數學資優生在二線小學讀，課程對他來說比較简單，但學校生活ok, 名次前列，冇投訴，算守規，有朋友仔，有課外活動，近屋企。

有次做了朋友仔一線小學既數卷，當然深些，有2，3題要思考。之後小朋友有興趣轉去一線，原因是想睇下D卷有幾深。這間一線離屋企遠些，每天玩少一個鐘，相對少些活動，但升中網好些，程度高些，亦相信他能應付。

其實邊間對佢整體發展好些？
其實打好嗰底（中，英）靠自己得唔得？讀2線但在家都有很多閱讀時間的。

ps: iq 145-150算很高嗎？在普通學校會很悶嗎？

0030

回覆 mandytanghk 的帖子

我覺得可以去一線試下～不然可能會不甘心～但我個人就會選擇在離屋企近的學校，我選小學都係以行路10分鐘之內的學校為首要考量，小朋友/家長都無甘辛苦，題外話數學資優生，系做左咩test確認左？

mandytanghk

0030 發表於 18-12-7 10:19
回覆 mandytanghk 的帖子

我覺得可以去一線試下～不然可能會不甘心～但我個人就會選擇在離屋企近的學校， ...

做左iq test, 邏輯思維最高分。
日常生活，數學方面明顯一點就明。試玩奧數比赛，冇上堂冇操，只做了份past paper, 拿了金獎。

0030

回覆 mandytanghk 的帖子

那去一線試下～我女參加奧數比賽，未操過卷未參加咩培訓，12題只會4題，仲有一題錯的～

lillymarie

回覆 mandytanghk 的帖子

我會留在二線學校, 多點自己的時間去發展興趣.

小曳人

145-150 係算高
>/=145 係1 in 1000
>/= 150 係大約1 in 3xxx (唔記得實數喇~ )

呢個數字响一線學校，一樣極度苦悶，一樣無挑戰，一樣可以好輕鬆
分別係，有中學的話，可以唔駛講太大呈分試要俾心機溫書，可以放手佢自己搞，然後課外加料

Anniemun

0030 發表於 18-12-7 10:19
回覆 mandytanghk 的帖子

我覺得可以去一線試下～不然可能會不甘心～但我個人就會選擇在離屋企近的學校， ...

我會贊成去一線小學，但不是所謂神校，在一線小學，一山還有一山高，比同學有動力再上。反而阿仔要學習與人相處，上到中學，尤其b1a 中學，前嗰浸個個都有實力，無論資優或績優，唔同現在在二線小學名列前茅，可能冇咩其他小朋友會挑戰到，問題未浮出，所以社交，人際關係上亦很重要。

王家爸爸

mandytanghk 發表於 18-12-7 09:52
數學資優生在二線小學讀，課程對他來說比較简單，但學校生活ok, 名次前列，冇投訴，算守規，有朋友仔，有課 ...

145-150算好高，全港同年齡既人唔夠100個高過你。如果無社交問題，係普通學校應該無問題，一樣可以好開心。但是如果唔識社交，係普通學校，一定會悶。

王家爸爸

Anniemun 發表於 18-12-8 13:09
我會贊成去一線小學，但不是所謂神校，在一線小學，一山還有一山高，比同學有動力再上。反而阿仔要學習與 ...

我反而會贊成最緊要小朋友開心既學校，唔好理一線定二線。原因係IQ有成150咁高，去一線小學，甚至所謂神校，有你一樣高IQ既人，最多一個起兩個止，分別唔大。反而喺讀得開心既學校讀，成長會更好，得益會更多。

Anniemun

mandytanghk 發表於 18-12-7 09:52
數學資優生在二線小學讀，課程對他來說比較简單，但學校生活ok, 名次前列，冇投訴，算守規，有朋友仔，有課 ...

個人覺得 iq score 不是最重點，如果是超班，上到一線小學都會超班，但視野不同，出面好多數學科學比賽，入圍都是一線或更出名的學校，因如果組隊的話，會更容易選到能力高的同學一起出賽。還有，要看看同學現在幾年班，和當初做 iq test 的原因也影響轉校與否。

mandytanghk

王家爸爸 發表於 18-12-8 17:51
我反而會贊成最緊要小朋友開心既學校，唔好理一線定二線。原因係IQ有成150咁高，去一線小學，甚至所謂神校 ...

多謝意見，其實現校算ok, 近屋企和多課外活動，每天有幾小時自由時間，他又冇咩投訴，我知他數學已識晒，他有講過悶，但佢話又接受到，當然不會喜歡返學。

反而是語文，他不特別出色，他好明顯是數理人，iq test 主要是邏輯，記憶，速度拉高分，亦可能心理質素好，仲意挑戰難題，做IQ test 時表現好而取得高分吧。
語言只是high average ,所以擔心二線學校令他的底打得不好！自己多閱讀是否應沒大問題？！因沒小孩讀中學，不清楚小學課程對中學既影響有多大。

mandytanghk

Anniemun 發表於 18-12-8 20:12
個人覺得 iq score 不是最重點，如果是超班，上到一線小學都會超班，但視野不同，出面好多數學科學比賽，入 ...

當初升小一，他社交弱，不過又不至於太差，起碼都交到朋友，可能感統問题，他很抗拒觸碰，容易衝動打人，又好容易喊。但現小二了，進步很多，沒有打人了。（只有和哥哥打架 :( ）

他望落去唔似太smart，份人又比較幼稚，似bb 多過似叻人，唔似其它資優小朋咁多深入思考，現在都会和其他小朋友玩得埋。

王家爸爸

mandytanghk 發表於 18-12-8 21:24
本帖最後由 mandytanghk 於 18-12-8 21:25 編輯

多謝意見，其實現校算ok, 近屋企和多課外活動，每天有 ...

語文離唔開多睇多聽多讀多寫，如果小朋友數理無問題，學習能力高，又多啲睇書，其實基楚一定好。讀得開心，先至唔會無興趣，咁先有可能將能力轉化為好成績，咁樣先對升中有幫助。
語言方面，我建議小朋友試下參加寫作比較，英文可以試下HYYWA或者星島虎報既比賽：
https://www.hkywa.com/  或者
http://www.thestandard.com.hk/special/storywriting2018/sw2018.php
中文可以參加香港公共圖書館既中文寫作比賽。
只要數學、語文都叻，升中就唔需要太擔心。

王家爸爸

Anniemun 發表於 18-12-8 20:12
個人覺得 iq score 不是最重點，如果是超班，上到一線小學都會超班，但視野不同，出面好多數學科學比賽，入 ...

絕對同意，好多叻既小朋友因為家長太強調 IQ Score，最終害咗佢哋。將叻變成每一科既良好基礎，最後變成好成績先係重要。

akys

mandytanghk 發表於 18-12-7 09:52
數學資優生在二線小學讀，課程對他來說比較简單，但學校生活ok, 名次前列，冇投訴，算守規，有朋友仔，有課 ...

名次前列，冇投訴，守規
去頂級小學插班啦。第一，頂級小學唔代表多功課，係功課有質量有深度。仍然鼓勵大量閱讀。第二，會碰上一些同等高質同學，可以互相推進。第三，多啲機會，例如有科學，數學校隊玩。

如果諗住喺香港讀大學，放多少少時間在兩科語文，而家作文有沒有問題？腦太快會影響作文的。

akys

mandytanghk 發表於 18-12-7 09:52
數學資優生在二線小學讀，課程對他來說比較简單，但學校生活ok, 名次前列，冇投訴，算守規，有朋友仔，有課 ...

去到這個分数，不論CP，EP，或這裏一些過來人前輩都苦口婆心的建議要注意行為，態度和情緒，而不是學業。他們最擔心的是high intelligence, low achiever。 上網找下IQ150就見到好多失敗個案。

mandytanghk

akys 發表於 18-12-8 23:42
名次前列，冇投訴，守規
去頂級小學插班啦。第一，頂級小學唔代表多功課，係功課有質量有深度。仍然鼓勵大 ...

中文見他作文應ok, 有寫下故事，投下稿。反而英文真係少，學校作緊啲好简單，冇咩機會見佢作。

mandytanghk

akys 發表於 18-12-9 00:27
去到這個分数，不論CP，EP，或這裏一些過來人前輩都苦口婆心的建議要注意行為，態度和情緒，而不是學業。他 ...

其實實際IQ 146, 應該99.9， 應問题少些？！
佢有些自身問题，敏感到高。但好彩整體算好，其實算乖仔，肯認真做功課，驚老師唔会作反，悶但佢會忍耐的，起碼冇行為問题，冇收過老師投诉。情緒真係好bb, 好易喊，但係學校又唔會。

momotang

mandytanghk 發表於 18-12-8 21:31
當初升小一，他社交弱，不過又不至於太差，起碼都交到朋友，可能感統問题，他很抗拒觸碰，容易衝動打人， ...

依家間學校支援夠唔夠，小一學習程度太淺同埋學校對小一生無咁嚴厲，所以社交比較差都無咩問題。小二課程開始密集，對學生要求高，問題先會浮現，始終一線著重比賽同成績，學習壓力大，支援二線又會比較多。（依家間學校小班定大班？一線大部份都大班同超收）
如果只係數理好，可以出去參加數理班滿足佢需要，二線多活動時間有利生/心理成長，因為就算讀一線都係用額外時間同同佢地拔尖，所以活動時間都會減少。

mandytanghk

momotang 發表於 18-12-9 08:43
本帖最後由 momotang 於 18-12-9 08:44 編輯

依家間學校支援夠唔夠，小一學習程度太淺同埋學校對小一生 ...

暫時無需支援，但相信比一線小學好。
其實我地一路中旨係比小朋友玩多D，冇催谷學術，只培養閱讀習慣。所以佢地係玩好多唔同運動。學術只係有時計下奥數，學下圍棋咋。
不過哥哥快升中，面對咁多資訊，家長傾談，難免有D動搖，怕他們基礎不穩。