文法雜談4： top 1%尖子的遺憾。如果當日有高人指點….

eviepa

這篇是繼續《文法雜談1,2,3》………

https://www.edu-kingdom.com/forum.php?mod=viewthread&tid=3442019
https://www.edu-kingdom.com/forum.php?mod=viewthread&tid=3529631
https://www.edu-kingdom.com/forum.php?mod=viewthread&tid=3533252


中學的三個top 1%尖子同學

中學時，和三個top 1%尖子同學很要好，經常四人出來玩樂。

他們三人會考共取得了13A，5B，1C，5D的成績。要注意的是，當年並非每屆都有很多個十優的年代，而是偶爾才有一個九優的時代。我的那一屆會考，歷史上第二個九優狀元江永嘉才出現。

以他們三人的稟賦來說，只要是一分耕耘一分收獲的科目，拿A是正常，拿B是失手。

當中的一個C是其中一個理科同學鬧著玩地hea讀中史而取得的差劣成績。而5個E都是他們不知怎樣處理的語文科。今次集中討論英文，撇開中文不討論。

他們三人，英文科成績是一個拿B另兩人拿D。這樣的成績遠遠反映不到他們的努力。唯一的解釋，就是他們學習方法有問題。

他們都像我，或絕大部分當年的學生，以為學習英文，最重要是多做練習，多串生字，反而閱讀的效益是次要。


Top 1% 尖子和我女兒英文的比拼

由於他們三人是我的好同學，所以他們的程度我是很清楚的。小學時，他們都沒有甚麼課外閱讀，所以在小學畢業時，他們的英文程度，遠遠低於我女兒小學畢業時。而我一向強調，我女兒的英文程度，在小學時，任何一個我已知的，從小一或以前開始大量閱讀的是最差的一個。

到中學，由於讀的是英中，他們又是勤力得不得了的學生，所以開始大量閱讀課本。因此，在中學階段，我女兒的英文優勢慢慢減弱。到中五時，我女兒英文肯定比兩個拿D的優勝得多，我估計她應比拿B的稍勝（不過我不敢肯定）。

他們是top 1%的稟賦，但在未被英中強迫大量閱讀前，他們的英文程度遠低於稟賦平平的我女兒。可見大方向錯了後，你怎樣優化你的方法也沒有甚麼大幫助，就好像你要去澳門，如果決意要向東行，則無論乘坐任何快的交通工具，到達澳門的時間都是遙遙無期。


英文不濟對我三個同學的影響

小學畢業時，他們開始要讀英文書。由於他們都是尖子，所以在努力查字典的情況下可以看懂教科書，所以成績都是名列前茅。不過，如果他們小學畢業時英文程度有我女兒那麼好，他們的學習效果會好得多，成績會好得多。

三人當中，其中一個是我中四五文科班的同學。他是兩班文科班的第一高手。會考放榜後拿著4A2B2D的成績報預科。報讀的其中一間的是張祝珊。但當這中學的老師看見他的成績時，評語是「中英文攞D就唔好黎張祝珊報讀喇！」不過，最後他被一間更有名氣的學校取錄了。

除了報讀學校因為語文的問題出現胯下之辱外。並不優秀的英文對他的學習造成了相當的障礙。他和我一樣都在預科時選修地理。地理科有一本教科書 “Patterns and Processes in Man’s Economic Environment”我覺得是預科中其中一本最淺易的教科書。我英文不濟，當然讀得十分吃力。但他也對我說這本很顯淺的書讀來十分吃力可見英文程度對這個top 1%尖子的影響。


如果當日有高人….

如果他們三人讀幼稚園時，有一個高人教導他們閱讀的重要性，去澳門要向西行而不是向東行，他們日後所讀的大學可能就不是港大中大，而是牛津劍橋哈佛。


阿女讀中學時的閱讀風氣

阿女中學讀中文中學，享受母語教學的好處，而又不用擔心英文跟不上。可是，閱讀重要，只是小眾的秘密，絕大部分同學都不知。當EK有一小撮人認為今天大部分家長都知道閱讀的重要性，我建議他們真真正正訪問一下親朋戚友，真真正正去了解一下這個世界是怎樣的。

女兒相熟的同學中，沒有一個是有閱讀習慣的因此，我這個在閱讀派中英文最差勁的孩子就在同學中名列前茅。大量閱讀的和沒有閱讀的競爭，實在有如獅子撲兔，根本沒法相比。

偶爾也會和新認識的家長傾談英語閱讀問題，趨勢是越來越多家長認識到閱讀的重要性，可以估計，現在是文法時代的夕陽階段。但只要太陽未下山，夕陽仍統治著大地，星星仍未主導天空。

要香港學生英文真正有大躍進，文法練習、閱讀理解練習一定要降級為輔助工具，而不是主要工具。

sarahdad

eviepa 辛苦您了, 多謝您曾給我的啟發, 女兒可受益終生.

little_yolky

eviepa 發表於 17-10-7 13:14
這篇是繼續《文法雜談1,2,3》………

https://www.edu-kingdom.com/forum.php?mod=viewthread&tid=3442019

雖然你的帖是談英文, 但是中文、英文學習都是一個道理。我大女既中文閱讀, 不論質、量都係同學入面數一數二, 根據你既理論, 我大女中文一定大幅拋離對手們, 但點解事實並非如此? 佢中文成績响學校入面只係中間偏上而已, 未能數一數二, 何解?

HaYi

little_yolky 發表於 17-10-9 12:01
雖然你的帖是談英文, 但是中文、英文學習都是一個道理。我大女既中文閱讀, 不論質、量都係同學入面數一數二 ...

你女的底可能要在中学要求高時才突出，小学中文始終考試模式行先

另一樣，語文，尢其阅讀理解好考"語用"，識字多看書深末必等同語用能力高，呢part 考試失分就總分差

greentea000

little_yolky 發表於 17-10-9 12:01
雖然你的帖是談英文, 但是中文、英文學習都是一個道理。我大女既中文閱讀, 不論質、量都係同學入面數一數二 ...

你點衡量質夠唔夠呢？

eviepa

little_yolky 發表於 17-10-9 12:01
雖然你的帖是談英文, 但是中文、英文學習都是一個道理。我大女既中文閱讀, 不論質、量都係同學入面數一數二 ...

閱讀對英文嘅幫助比中文明顯得多。香港學生，普遍閱讀中文遠多於英文。由於大家都有閱讀，只係量嘅差別,所以分別唔會好大。反之，大部分香港學生嘅英文閱讀近乎零，係有閱讀同無閱之比，所以差別好大。
以我阿女嚟講，佢大量閱讀中文，但中二之前都只係唔錯，但之後慢慢變成優秀，而家更有個將來做個業餘作家嘅諗法。

little_yolky

greentea000 發表於 17-10-9 14:06
你點衡量質夠唔夠呢？

例如睇漫畫啦


俾小朋友揀之飾, 自己都要掀一掀本書睇睇D文字。另外, 我都會買古詩詞小說, 亦會俾早期好既散文佢做賞析。我自己睇書見到一D佳句, 會同佢哋講下, 點佳法。

little_yolky

eviepa 發表於 17-10-9 14:37
閱讀對英文嘅幫助比中文明顯得多。香港學生，普遍閱讀中文遠多於英文。由於大家都有閱讀，只係量嘅差別,所 ...

..........即係............我仲要等到中學.....................

佢前兩年已經話想做作家喇...............................



同埋, 千祈唔好以為依家D小朋友真係睇好多書, 你革命尚未成功, 仍需努力, 佢班同學仔都叫中產了, 睇書多既真係..................阿妹都多過佢哋.....................



同埋, 我發現好多香港睇書多既小朋友, 家長主要係俾佢哋睇英文書, 即係你所講既一係無, 一係好多, 無中間路線。但睇好多中文書既, 其實唔多, 有好多睇漫畫, 家長就話小朋友睇好多書, 又或者睇嚟睇去都係香港出既書。

little_yolky

IloveJJ 發表於 17-10-9 14:32
可以順便同你傾另一問題嗎？
我仔都係睇好多中文書，識好多深字，但佢成日寫錯字。我諗，會唔會因為佢睇得 ...

我阿大都有咁既情況, 雖然唔多。方法係：鬧佢一身！

佢成日錯日字部同目字部, 一邊鬧佢, 一邊解個字點拆囉。我覺得係唔小心多, 因為雖然阿女睇得快, 但會返睇返睇再返睇, 佢係第一次速讀, 之後精讀的。

little_yolky

HaYi 發表於 17-10-9 13:58
你女的底可能要在中学要求高時才突出，小学中文始終考試模式行先

另一樣，語文，尢其阅讀理解好考"語用" ...

佢閱讀理解錯唔多, 係錯D重組句子, 標點符號, 寫錯字..........等等。呢度扣D, 果度扣D, 都幾金下。

greentea000

little_yolky 發表於 17-10-9 14:46
例如睇漫畫啦

你地學校有無指定閱讀書單？

little_yolky

greentea000 發表於 17-10-9 15:14
你地學校有無指定閱讀書單？

緊係無啦。學校俾你先驚, 唔知俾D咩書單你, 又要你睇。

阿妹已經有幾次, 閱讀計劃D書屋企有, 已睇咗。其實, 老師點解係都要迫人哋睇佢哋D指定書? 家姐又唔啱程度, 阿妹又覺得重複。

HaYi

little_yolky 發表於 17-10-9 15:00
佢閱讀理解錯唔多, 係錯D重組句子, 標點符號, 寫錯字..........等等。呢度扣D, 果度扣D, 都幾金下。:zombie ...

我大仔同你大女情況一樣, , 都係睇得明高深書, 但考試成績只是一般, 只是中英不同,



我個已呈分, 老實說我唯有做下補充規範下, 現今的問題是咩補充補佢失分個part, 因為我地英文都是工作紙, 考試又多課外, 所以好難找, 我估你中文可能會好些少, 多數學校中文都在範圍內, 找一本深D的/ even 初中的, 可能得?   

miujoey

IloveJJ 發表於 17-10-9 15:06
講開睇英文書，我仔由去年開始，已每晚睇半小時，但都唔見得英文有進步。佢而家一晚睇一本Magic tree hous ...

你好, 請問如果你小朋友遇到不懂的生字, 會如何處理 ? 叫佢自己查字典 ? 另外如何令佢記住不懂的生字   

little_yolky

IloveJJ 發表於 17-10-9 15:06
講開睇英文書，我仔由去年開始，已每晚睇半小時，但都唔見得英文有進步。佢而家一晚睇一本Magic tree hous ...

你........做乜响樓主個帖講某人............係咪想死呢..............

greentea000

little_yolky 發表於 17-10-9 15:16
緊係無啦。學校俾你先驚, 唔知俾D咩書單你, 又要你睇。

阿妹已經有幾次, 閱讀計劃D書屋企有, 已睇咗。其 ...

1.驚你偏食，只集中睇某一類題材
2.驚你但求興趣，不求甚解
3.驚你睇D太低能既書

所以，睇好多都無長進。

我估咋