何日東係咪真係好難入?

日羲

個女有15分今年9月到我選學校,也想入讀何日東,知道學校對學業成績嚴格,很多人爭!另外我女兒也有參加課外活動 畫畫,芭蕾舞,小提琴.入讀該校機會大嗎?       

anson0727

自行派位就計分, 統一派位就講運氣, 如果兩次都唔得咪叩門囉! 咁你是否71區? 如果區內機會就大d, 跨區就微d, 係呢, 你諗住選上午定下午呀?  

日羲

想選上午校,但何日東幾時會轉全日制,會唔會好似鄭任安建千禧小學?

anson0727

咁你係區內及定跨區呀, 你囡囡15分, 自行選上午校就多數要抽籤, 選下午校就多數得。至於轉全日制, 原先安排最快08,09年下午校與胡少渠下午校合併搬去掃管笏(近愛琴海岸), 但而家遲遲都未起, 我估搬遷日期都要推遲, 傳聞話2010年, 屆時你囡囡都升四年級。

happymother123

入讀津校 真係要靠彩數, 你第一輪15分  , 個個機會均等, 第2輪大抽獎也是靠彩數, 難唔難入在於明年多唔多人考

學野黎講 , 只會係對叩門時有用,
我見人地o個本profile 簡直成本雜誌咁

希望你也同我一樣 幸運地入讀心儀小學。

日羲

但下午校同上午校學生是否程度一樣,總覺得上午校較好!

日羲

我不是住在屯門區,但我會以公公作監護人身份在屯門選學校!因我家住天水圍,太多新移民,學生比較參差!
我又想問吥何式南小學,在區內算是band幾,成績可以嗎?因我是何式南的舊生,阿女可得10分!

anson0727

咁公公住屯門邊區呀? 是否71區?

日羲

是住在屯門71區

anson0727

我又想問吥何式南小學,在區內算是band幾,成績可以嗎?因我是何式南的舊生,阿女可得10分!  ------>  聽人講好似係BAND 2頭, 追緊上黎, 成績係點就唔係咁清楚, 但係聯繫中學就麻麻地。你係何式南的舊生, 咁你阿女係自行派位時就多數入到。