不C所謂的X紀

violetma

好激氣......我入咗間咩學校呀?? 有幾好呀? 校方連意見都唔太接受, 態度就更係照舊啦!! 我地做家長仲要受氣添!! 有冇人好似我咁呀? 快來發洩一下吧!

[ 本帖最後由 violetma 於 11-10-5 23:43 編輯 ]

manmanl

請問發生咩事?

黃巴士

原帖由 violetma 於 11-10-5 17:41 發表
好激氣......我入咗間咩學校呀?? 有幾好呀? 校方連意見都唔太接受, 態度就更係照舊啦!! 我地做家長仲要受氣添!! 有冇人好似我咁呀? 快來發洩一下吧!

係咪因為課外活動??

黃巴士

iantsang

溫馨提示:

我們建議有關會員直接向有關機構反影意見。再一次提醒會員，由於文責自負，在投訴文章中，建議先遮人物或學校之局部名稱，亦請盡量留意用詞，免生誤會及負上不必要的責任。

超版 iantsang

violetma

你地冇發現依間SCHOOL好多事都不公平, 不公正更不公開的嗎?? 各位家長想知多D/問多D, 佢地都唔願理架!!
好似每班默書/小測時間上可有3-4日之差, 依個問題的答案---就係由個別老師安排及決定, 連各班公佈各默書的日期都有差別的!  
再加上依排的(課外活動)班, 亦係一個好例子了, 咩抽籤冇抽到你..........其實佢地點抽我地都唔知, 有公開叫家長去睇咩??? 佢地係閉門教仔, 我地邊可過問呀!!
就連飯商都係10年如一間, 家教會投訴年年都有講依個問題, 之前又話合約未到冇得換, 到今年佢地都係用返(美L)!
你地有冇人知點解咁耐都冇換過校長呢?? 我真係好想知!!

黃巴士

原帖由 violetma 於 11-10-6 00:14 發表
你地冇發現依間SCHOOL好多事都不公平, 不公正更不公開的嗎?? 各位家長想知多D/問多D, 佢地都唔願理架!!
好似每班默書/小測時間上可有3-4日之差, 依個問題的答案---就係由個別老師安排及決定, 連各班公佈各默書的日期 ...

係咪隨堂小測呢??  好多時, 由其高小小測/PROJECT/要帶D咩??, 老師只會在堂上講幾時, 唔會寫在手冊上.  依個情況, 小四已有.  第日中學都係咁啦, 係靠小朋友上堂專心&TRAIN佢責任&能力喎!!

默書日子&範圍 - 麥有試過尋日講, 今日默咩??  家長當然想愈早愈好啦, 但早幾日通知已夠時間溫啦!!  有些學校沒默書範圍&日子, 經常QUIZ評估都係咁.

課外活動 ~ 抽唔到.  熱門嘅當然係咁多人爭, 唔會話今年你抽唔到, 出年你會多左機會俾你抽先架!!  

有時真係要體諒, 學校成千人, 點可能咩都透明度呢?? 家教會得幾個人, 個個都是義工家長, 單是集齊通告(有D又無交, 又填少嘢...), 安排4/10要出RESULT課外活動, 已很趕工, 何來公開抽籤?? 你要定位清楚, 校內課外活動唔同YMCA, 明愛, 小童群益會.... 的SUMMER COURSE.  如何可再公開抽籤???  只怕嚇怕了義工家長, 無人再JOIN了!!!  
美利- 我囝囝話最近質素係差左D, 但都勉強可以. 比較朋友仔女小學, 更差都有. 以我記得, 上次解釋唔單係因為合約問題, 仲有是"通脹"飯盒價錢問題喎!!  始終要平衡大多數人意見, 平衡完又要涉及價錢問題.....   
唉!! D飯當然無你煮的咁好味啦!!

黃巴士

YLMBEE

黃巴士, 你講解得好好呀
我姨生仔間學校,偶然都會今日講默書範圍, 明天默, 而我地學校已經好好喇, 最小都響一個星期前通知幾時默書.

wingchu

死啦!點解我乜都唔知!!!!

小測曰子唔同?.....

但我見默書日子.範圍 手册早幾都有寫到.

飯餐難食,阿女有講..但講得唔清楚,只係有次見到佢同學講開才知原來是會有"叔"的情況出現.其後嗰位同學都自已帶飯,但我冇辧法唯有捱多一年,不過自上年下學期開始啲歺單真係撰唔落手....

今年中秋阿女話全班得2個抽中,超唔開心...,但佢舊年都抽中有份. 咁其實又係點抽?????

不過其他媽咪可否話我知,課外活動點解係由家教會負責,

睇嚟今年都係要多去聽下,多了解下

wingchu

對於校長,對我來講只有  慈愛  的感覺,想當日幫家姐入小一申請表時,在室內聽到走廊外的學生大聲叫校長午安,剛好我走到門口見到他們一起說笑,充滿歡樂. 又有在運動會時有學生亂走,亂跳.我見到校長不是大罵他們,而係用另一角度耐心向學生說話.及分析.

所以我認為我女有個咁慈愛的校長而開心.

黃巴士

哈哈!! 我&囝囝都知道"中秋晚會"好難可以一PAIR FRIEND的同學抽中, 所以索性沒有去JOIN, 沒有唔開心!! 囝囝多是寄望每年"學校旅行", 一大班同學一齊玩.  
美利- 都有聽囝囝講有一次同學反映D飯有"叔"味"!!!
佢仲好清楚話撰A,B,C餐, 一定唔撰"邊組"餐, 一堆野咁!!我唸"百物騰貴", 唔知加價會唔會可以提昇反些食品質素呢???

csy_ma

原帖由 黃巴士 於 11-10-7 10:18 發表
哈哈!! 我&囝囝都知道"中秋晚會"好難可以一PAIR FRIEND的同學抽中, 所以索性沒有去JOIN, 沒有唔開心!! 囝囝多是寄望每年"學校旅行", 一大班同學一齊玩.  
美利- 都有聽囝囝講有一次同學反映D飯有"叔"味"!!!
佢仲好 ...

因為曾為家教會委員，可以補充少少資料：＂中秋晚會＂的抽籤有優先順序：高年級又從未能抽中的同學，因為之前有家長投訴，所以會先滿足他們。
冇錯，抽籤程序並不公開，近乎黑箱作業。如何做到看得見的公平，有待各位向他們提議。

飯難吃：我囡沒有搭飯，不清楚。但因是家庭煮婦，街市的菜價貴多少，我到每天感覺多一些。不過，飯有異味就不能接受，有沒向老師投訴並要求換飯？

說實在，以前參加茶會，家長感到不滿的，多半是飯商、校車和校服。這些，都關乎校外機構，品管不易控制 因為這些外判機構而否定了學校的重心：老師們的教學努力，是否有點本末倒置 ？

不過話也說回頭，我前幾年加入家教會，最想做的，是增加家教會決策的透明度。現已離開多年，很遺憾，似乎未有多大進展－－單是公開家教會的會議記錄，以及開會日期，以鼓勵家教會成員列席旁聽，但似乎根本沒有人覺得這個有需要

我不認為學校行政十全十美，不過，你有沒在茶會反映過？有沒有加入幾乎每年都是等額不用票選的家教會常委？當然，voice out也不見得不好，看你怎麼提意見吧

[ 本帖最後由 csy_ma 於 11-10-7 13:31 編輯 ]

violetma

就因校長太和順及善良, 以致比了太多權力及空間給老師們自行作決定及處事! 當權力下放得太多, 自然就變成(冇皇管)了! 各自為政的問題就出現啦!! 其實一校之首必須有心有力, 學校先會進步! 表面功夫做幾多幾好都冇用, 欠缺有效的制度又點管理得好? 如果校長可以對老師們要求多D及嚴格一D, 我諗效果會好好多的!! 我都明白每個人都會貪懶的, 所以任何人都需要比人管/比人督促! 唉........... 一間學校好與壞, 真係要睇管理層的班底!

劉健明

從何得知校長比了太多權力及空間給老師們自行作決定及處事 ?
從何得知權力下放得太多?
從何得知校長對老師們沒有要求及不嚴格 ?
建議閣下新學年加入仁紀做老師 , 然後再作評論及判斷

csy_ma

原帖由 violetma 於 11-10-7 17:08 發表
就因校長太和順及善良, 以致比了太多權力及空間給老師們自行作決定及處事! 當權力下放得太多, 自然就變成(冇皇管)了! 各自為政的問題就出現啦!! 其實一校之首必須有心有力, 學校先會進步! 表面功夫做幾多幾好都冇用, ...

Violetma:

教改在理念上，其實用意良佳，但為什麼總惹教師，甚或家長的抱怨，就因為管得太死。教育是以生命影響生命影響的事業，校長需要的，應是找信得過、有誠意的團隊，而不是像教局一樣處處設限，藉層層煩瑣而實際作用成疑的行政管理手段來規範老師。這些，教局還做得不夠多嗎？

記得初到仁紀時，有家長竊竊私語，謂此校老師的衣著不夠專業，太隨意了。後來我卻發現，被某些家長評為外型像普通＂C9＂的老師，卻是講故事能手 ，我囡第一本堅持要買的成人版字書，就因為她聽完老師的課後對該閒科感興趣，想知道得更多

又退一步來說，管理老師，某些理念跟教育孩子類似吧？你大概不傾向於給予自己孩子太多自主權和空間？理由呢？他們還小，不知道他們在幹什麼？

那您為什麼給孩子挑仁紀呢？據我所知，隔鄰的姊妹校，對孩子甚至家長都頗強勢，要各方面套入其治校和成功的模式，目標只為成林護中學先修學校，那不是更適合你嗎？

另外，一所權力下放的機構，是一種作風，不會單單只向其中部分基層持份者開放，那您說學校管理層不聽意見，不是有點……矛盾？

關於校政，我知道的實在不多，不過，我囡已小六年，每年，我都聽到她說起老師的更替。自然，有些好老師為追求自身的理想而離開，但更多的是，她或頗多學生不大喜歡的老師提早引退。我不能說學生不大喜歡的老師，就非好老師，那是人夾人緣的問題，但也無可否認，孩子的心眼很雪亮，哪個老師用心，他們總是會感覺到的。

就我個人參加家教會兩年和每天上下學的接觸，很幸運，我囡的老師絕大多數都是非常盡心盡力，且很有好觀察力和溝通能力的好老師 。雖然她們的教學理念各有不同，但都是千方百計要鼓動學生向前的。

說真的，我同意治校亦如烹小鮮，就應該給空間予老師和學生探索，探索之餘，亦給予相關的支援。

csy_ma

什麼是相關支援？就像把課外活動招生、統計、收費等繁瑣的行政工作交由意願做的家教會常委及義工家長負責，讓教職員可以更集中面對學生的教學問題。

係勒，我都試過幫手咗呢壇大嘢，想補充小小：基本上，家教會傾向盡量滿足成員報讀課外活動的意願，若名額少而向隅者眾，會請負責老師跟校外機構商量，可否再安排多一班。前幾年，由於電視劇的影響，拉丁舞班大受歡迎，就是以這種辦法來解決供不應求問題。

不過，得再次強調，由於課外活動是由家教會主辦和協調，所以主要服務對象，是家教會成員，所以，若家長沒有興趣繳交一個家庭二百元（不知有沒記錯）的入會費，即意味着，你的小朋友大概無緣參加大多數的受歡迎熱門課外活動。因為活動班的報名表寫明，家教會會員優先，除非該活動本身報名者不足，才把機會予非家教會成員報讀。

另外，家教會常委亦負有監察各課外活動的權力和義務。學校鼓勵各委員隨時sit in活動班中。

而飯商、校服和校車等招標和監察委員會，亦有家長常委參與。

csy_ma

原帖由 violetma 於 11-10-6 00:14 發表
再加上依排的(課外活動)班, 亦係一個好例子了, 咩抽籤冇抽到你..........其實佢地點抽我地都唔知, 有公開叫家長去睇咩??? 佢地係閉門教仔, 我地邊可過問呀!!

其實，每年搞課外活動呢壇大嘢，家教會都需要大量義工。你咁想知道點抽籤，不妨留個電話俾家教會任何常委，話記住叫你去做義工。雖然好多時家長義工都有基本班底，不過你可以話好想了解課外活動抽籤過程，加幾錢肉緊，照理佢地唔敢唔理？？

但假如唔做義工，剩想見證抽籤時刻，只怕就冇咁易：基本上，好少活動係要抽籤既，都傾向盡量滿足。如果人數又唔夠開多班，先至要抽籤（抽籤是沒有任何儀式的，基本上是當時哪位家長在場，哪位家長願意抽，就抽。旁邊的家長，更關心的是快快脆脆做完趕抄名單、核對同趕出通告。我做果年，試過都接近放學時候才出晒通知，一額汗）。而舊學員優先，亦係同主辦機構溝通咗既慣例。剩返既位，咪就咁抽囉。

會唔會有拍膊黨希望自己友抽咗先？我親歷的就冇，但係，每屆常委同義工皆不同，不能保證。不過，義工家長願意把時間貢獻給學校，假如他們希望子弟能有優先權參與家教會主辦的繳費課外活動，作為人情和常理，我覺得這優先權亦不為過 。呢個都係歸屬感既培養項目之一？

咪以為參與常委吓吓都有"着數"。我做果年，游說咗兩位普通話為母語既家長，免費替學生開辦普通話班，但我囡卻因為課外活動撞了期，根本就未能參加 。有義工導師家長的子弟亦沒有興趣參加其家長舉辦的活動班等……

老實說，而家既小朋友，是機會太多時間太少。據我的印象，因為場地的限制，通常是球類活動需要抽籤，而武術等，反而是要求多派導師來就算。

其實，學校在這幾年間亦逐漸步向更透明。例如制服團隊的招生。以前是沒有派通告予家長公開招生的，我囡講過老師有叫她參與，但當時她初小，也搞不清開咪宣佈還是老師在課堂上問她。

[ 本帖最後由 csy_ma 於 11-10-9 18:28 編輯 ]

csy_ma

原帖由 violetma 於 11-10-6 00:14 發表
好似每班默書/小測時間上可有3-4日之差, 依個問題的答案---就係由個別老師安排及決定, 連各班公佈各默書的日期 ...

據我所知，小測不特有日期之差，甚或有頻率和題目之差。我校小測一向不計分，有些老師會藉著小測幫小朋友溫習，有些則另有方法。至於默書，是盡量遷就到同天進行的，但實際可能沒有那麼完美。

csy_ma

原帖由 violetma 於 11-10-6 00:14 發表
就連飯商都係10年如一間, 家教會投訴年年都有講依個問題, 之前又話合約未到冇得換, 到今年佢地都係用返(美L)!

都話咯，茶會最多家長投訴的，例必是飯商，校服和校車。

我做常委時雖然不肯加入任何一個監察委員會（自願參與），但都有參與一次校車商的招標面試（因為校長希望有更多家長參與）。

當年，我都將我果票，投俾其實幾唔鍾意既楊生（現時的校車商） 。因為，這是選擇的問題，現實既情況，唔係可以叫校車商嵌入我地家長既理想裡面，而係價錢、服務質量、溝通誠意等平衡既問題。

假如你係我，最注重既校車商條件係咩呢？我既理解，係前線員工如司機同保姆既質素，因為人既因素係最影響小朋友，亦係最難管理既。

至於校服商，我知道有前任家教會常委跟他們鬧得很不愉快，很想轉換。不過，這也是個平衡的問題。我校的校服，因為設計美觀獨特，工序繁多，我出去搵做校服既公司個別做，都冇公司肯接。所以每次招標，所得的回應都不多，縱有，價錢亦貴近倍。
作為家長，可以毫不留情地批評，但作為校方，就要考慮同佢決裂時可找何人替代的問題。假如不能以向同一個目標雙贏的方向出發，受害的，只會是負責溝通的老師 。

至於美利，之前是有好評的，但食材價格每日鮮之下，食物供應商很難做。去年，有他校的校長來我校做外評，他講了一句近乎真理的話：無論選哪一個飯商，都一樣會有投訴和不滿。所以，他在其校就做了一場大龍鳳：定一日，邀請所有投標的飯商來校做示範餐，出通告請家長積極參與。然後，再請家長即場投票選出。

用這個方法，其實不過是絕了家長的口吧了。所有飯商做示範餐時當然水準不賴，如何維持下去才是難題。

我屢次強調，不覺得學校的決定是十全十美的，很多前任的家教會常委也因為種種原因而離去。但是，深覺學校有不斷推前的意願，亦較為容納家長的意見。而仁紀大部分的老師，真是，較很多名校老師的質素高好多  

csy_ma

原帖由 violetma 於 11-10-7 17:08 發表
一間學校好與壞, 真係要睇管理層的班底!

辦教育，更要看誠意。

管理層不單看最高金字塔的。以我個人兩年家教會的接觸，學校管理層平均質素很高 ，所以校長可成烹小鮮的高手