華德上午校

Pkceddie

自行交表前15又16咁
得15分想入福馬又怕官校淺又無愛心
又想怕陳瑞祺分又唔夠爭唔到
自已41綱喇沙白交
究竟華德係怎樣學校大家有冇人幫我呀

little_yolky

我剛看完open day, 又係舊生, 發覺30年前同30年後一樣, 都係咁aggressive。成績真係一流的, 但要你個小朋友頂得住催谷。不過, so far 我見校長老師都okay, 小班教學同活動教學係最好的sale pt, 但最大最大缺點係: 校舍實在太舊了。但如果入到去, 孩子唔會變得太壞, 又如果孩子buy aggressive呢套, 咁升中就唔駛憂了。

但我自己可能會犧牲5分選華德下午, 因為老師校長nice好多好多, 校舍就好似5星級同賓館分別, 成績都係好, 雖然同華德上午差一啲, 但視覺藝術老師差好遠, 我個囡畫畫好靚, 所以要犧牲一下

stone940828

犧牲5分呀!

新華德我d同學仔都好多人揀ga喎!
仲有唔少世襲生.....
今年入讀小一ge校友daddy & mummy..
我哋d同學仔都有幾個.
再加埋有兄弟姐妹讀緊嗰d,
你真係好勇敢呀!

咁夠膽去搏,你本身是不是41網ga?
若果首輪唔ok,都仲可以試大抽獎.

原帖由 little_yolky 於 11-9-27 12:54 發表
我剛看完open day, 又係舊生, 發覺30年前同30年後一樣, 都係咁aggressive。成績真係一流的, 但要你個小朋友頂得住催谷。不過, so far 我見校長老師都okay, 小班教學同活動教學係最好的sale pt, 但最大最大缺點係:  ...

Pkceddie

但有朋友話舊校好d,我仔想讀新校

babych

我囝囝都係讀華德舊校, 我係抽入去, 之前對學校無咩認識, 之前都有d擔心, 但經過2年, 這校比我感覺越來越進取. 上星期剛有一個家長座談會, 學校表明以後都會進取形. 今年增了2位外籍老師, 一星期2堂, 早上有外籍老師說故事. 英文科係中國人教, 但呀囝話老師從不講中文, 有個家長在座談會上說佢囝囝還以為英文老師是外國人. 而學校各老師都非常和藹及有愛心. 數學方面, 這校一直都有好好成績, 取了很多獎項. 前陣子雜誌都訪問過. 學校真是細了一點, 但我小朋友唔多關心大,小問題, 因為他沒有比較過其它學校, 我想,老師在他們心目中比較關鍵及重要. 希望可幚到大家了解多些此校

little_yolky

係呀, 無論30年前定30年後, 都係舊校成績好啲。好似我咁, 當年响華德上午係全級top 3, 唔好彩入咗間band 2學校, 唔駛讀書都考全級第一, keep咗5年都係第一, 所以基礎的而且確係教得好好, 但要你個細路係主動學習型, 否則你同個細路都會幾辛苦。
華德新校唔係成績唔好, 係比舊校差少少啫, 係95分同93分分別, 睇你點睇囉。我個囡啲畫真係畫得好靚, 舊校啲視覺藝術真係嘛嘛哋。
我係跨區, 無得大抽奬, 所以已經準備緊profile叩門了, 我咁有誠意唔報華德舊校, 希望有同情分啦。

Pkceddie

我住41綱交咗表舊校但當天交表見41綱老師問隔離老師41網在那,即時個心有點奇怪,那一刻總之去新校跟住小息問位４年班男生問佢時口震震有幾多外藉老師總之問非所答好似吃咗番薯咁,我個小朋友５歲口齒精伶跟住有令一朋友話new華德開始谷緊

ngwong2

派中學好嗎?

little_yolky

熙fi媽媽  請問您個女最後入讀左嗎?  發表於 4 天前

囡囡最後好叻, 自己考到私校, 入咗培道小學。