08-09年根德園準家長,呢度繼續

stliu

fatbabyfat,
我係呢度呀! 可以繼續喇!
你今日忙嗎? 我都okay忙, 另,要同同事夾做一個project.

大家, 亦都歡迎你們加入啊! 傾下係咪已經決定俾子女明年讀KV?

[ 本文章最後由 stliu 於 08-1-8 10:11 編輯 ]

stliu

fatbabyfat,
又係我呀, 我想話, 我頭先問左我老公, 佢同事話佢仔仔(今年KV讀K3,下年升小學)的女同學有D係去德望, DGS, 宣小, 聖芳濟, St. Paul等, 你係咪覺得點解都係果D名校呢? 我都係咁話呀, 莫非佢果班係精英班?(講笑0者, 我估佢地冇呢D呱!有我都唔會知啦!) 或者係佢地大部份都考直資/私小, 所以出來的結果就好似我地平時所知的. 但照咁睇, 結果都唔錯喎...因為呢D學校都好似幾好咁!
你識唔識人讀St. Cat呀? 唔知佢地今年考/派小學的情況又係點呢?不過講真, 其實好難一概而論呀, 每年甚至每個學生都好唔同呀!

原文章由 stliu 於 08-1-8 09:50 發表
fatbabyfat,
我係呢度呀! 可以繼續喇!
你今日忙嗎? 我都okay忙, 另,要同同事夾做一個project.

大家, 亦都歡迎你們加入啊! 傾下係咪已經決定俾子女明年讀KV? ...

stliu

moonychan,
好耐冇同你chat呀, 諗掂左喇!
之前果個topic俾我同fatbabyfat的回覆蓋過左, 所以開左呢個topic呀!
你都來傾傾啦!

原文章由 moonychan 於 08-1-8 12:22 發表
HI
我都決定左比仔仔 08-09 讀 KV 呀.

佢係 PM CLASS KENT ROAD.

stliu

fatbabyfat,
唔使咁早下定論, 到時K3幫女女考小學先算啦! 哈, 或者到時我地都仲係係度交流心得呀!!!
仔仔而家都係教下形狀呀, 數字呀咁, 好似冇認咁多字添呀, 但係你講果D中文字, 你女女響kinderU咪學晒囉, 會覺得悶嗎?
不過有時我覺得俾仔仔返nursery係俾佢過下群體生活, 好過響屋企對住工人姐姐一個嘛!

原文章由 fatbabyfat 於 08-1-8 12:38 發表
stliu,

我今日有少少忙,所以唔可以成日回應, 我估下午會好d.

哇, 如果我個女去到其中一間就好啦, 不過我估都係得個恨字, 肥妹有少少蠢, 應該考唔到.

喂喂, 我想問下你, 你仔仔而家讀緊的PN, 教緊咩, 我個女有教認 ...

stliu

cacatam,

happy new year to you!

原文章由 cacatam 於 08-1-8 14:31 發表
happy belated new year!!

stliu

fatbabyfat,
其實開頭都會諗,係呀, 咁細個就返學,好似好慘咁, 但係, 其實俾佢成日係屋企對於四幅牆,同埋一個姐姐, 咪仲慘! 每日都係返三個鐘, 又有茶點食, 又有小朋友一齊玩,我覺得好開心喎! 最緊要係小朋友開心囉, 如果佢日日都話唔想返學, 就當別論0者!
我仔其實都好獨家村架, 佢又係人地玩唔會一齊參與架, 佢會響隔離"裝"人地做咩, 之前又係唔肯俾人拖架. 佢係返左學, 開始學習群體生活,多左活動, 先至主動D咋, 又或者佢而家大個左D, 個人變得比較主動咋! 之前佢都好慢熱架, 所以我更覺得佢返學係件好事囉! 之前老師都話佢架, 話同學仔分組活動時,佢唔肯坐定定, 成日走左去呀, 要老師勸止架! 不過佢真係好搞笑, 分組時明明有櫈仔唔肯坐, 係都要企係度, 唔通pat pat真係尖的?

原文章由 fatbabyfat 於 08-1-8 14:21 發表
STLIU

我唔係好知佢係KINDERU 無咩野字嫁, 我姐姐只係屋企跟KINDERU 的英文CARD, 中文我地無咩理呀.

咁我就真係唔知佢悶唔悶啦, 我同你的心情一樣, 我比佢返PN, 都係想佢學下同人相處囉, 我之前都同你講,佢好怕人, ...

stliu

fatbabyfat,
其實我覺得女仔大個會顧家D, 同埋嗲D, 不過我一心都係想生仔呀, 因為我老公果邊得佢一粒仔(有家姐), 所以中國人傳統思想,會想要個仔, 佢自己反而話冇所謂, 但果時未知係仔定女時我都好擔心架, 因為如果係女的話,即係一定要再生(雖然,而家都仲諗緊會唔會生), 自己會有壓力呀, 雖然奶奶冇提過, 但我估佢一定想要男孫囉, 嘩, 得一粒男孫叫佢"女麻女麻"喎(其他孫係叫佢婆婆.), 你可想而知我知道係仔時幾開心呢, 好似執金咁架! 其實我自己都鍾意女, 因為可以同佢地扮靚, 不過仔仔都okay啦! 總之係自己生就okay啦!
天神嘉諾撒我聽過呀, 仲好似幾好架噃, 你太謙喇! 我果日都有睇報紙講佢可能同st. mary結龍呀, 係你就唔使煩喇! 女仔的好學校仲有好多都係津貼, 男仔真係轉晒直資咁滯呀, 所以你冇講錯, 男仔讀書可能要使多好多錢呀! 我都好希望仔仔可以派倒好學校唔使交學費(真係好溶架 ), 但係似乎係大勢所趨, 而且我住果區D學校真係麻麻地呀, 派倒都唔知讀唔讀好呀...
我以前間小學又好鬼遠, 除非搬屋, 不過都係諗下咁啦! 好慘呀, 咁早就要煩呢D學業問題...

原文章由 fatbabyfat 於 08-1-8 15:17 發表
stliu,

你個仔都好, 而家都算ok, 我個女到而家都重未同同學相處到呀, 希望佢返完pn, 成年咁耐, 會好 d 啦.

我好似無同你講過, 我係讀天神嘉諾撒的 (可能你未聽過呢間學校), 今年開始可以同st. mary 一條龍, 所以我 ...

stliu

fatbabyfat,
今朝幾忙呀, 同埋仔仔今朝去到學校門口(姐姐湊返學),唔肯入去,又大喊, 唔知點解, 我又同佢D同學仔mami(都係BK人)八下咁囉, 一陣會打去俾老師問問囉. 佢平時好少咁, 因為佢尋日好似放學已經唔開心, 我自己又大頭蝦,尋日放工又唔記得問下佢.

哈哈, 你真係好認真呀, 其實都係好事呀, 起碼你而家對你都有好處, 唔係淨因為為阿女果5分. 真係難為了父母呀! 因為如果淨係為果5分, 你女女可能會奇怪點解要咁做喎!

原文章由 fatbabyfat 於 08-1-9 11:29 發表
stliu,

喂喂, 你好bc 呀, 今朝成朝都唔見你.  不過我都唔係好你好多, 我都係而家先上離look look. 因為我要做功課(為左同個女攞多5分宗教分), 因為要交信仰歷程.

本來係為左肥妹攞多5分, 後來上上下, 又覺得幾好,  ...

stliu

fatbabyfat,
哈, 原來你老公好細心,亦都明白下小朋友心理喎! 我估你問你女女開唔開心佢一定好反應過你問佢有冇曳, 唔好一早定左佢係曳先啦, 小朋友好得意架, 你覺得佢係曳,佢就真係曳俾你睇架! 我每日放工一返到去, 就笑到好似執金咁, 然後話媽媽好掛住仔仔啊! 我仔呢排興幫我將我買返去果D野(麵包/水果)的膠袋接過手, 睇下又幫我遞俾姐姐咁, 好搞笑. 我都照俾佢睇同埋攞俾姐姐, 當係幫手做家務囉.
我仲未知仔仔咩事呀, 未搵倒班主任, 不過會再搵. 佢今朝係同完爸爸講電話, 再由另一個老師氹下咁先肯入課室咋!
係呀, 小朋友真係都好有情緒架! 因為我仔情緒都算幾好,好少發脾氣, 所以我先奇點解佢呢兩日會咁囉!

原文章由 fatbabyfat 於 08-1-9 12:21 發表
stliu,

有時細路仔真係好難明白佢地.咁最後你個仔係點樣, 點先肯入學校呀?有時都比佢地搞到頭痛.

講真, 一日工作都好忙好累, 佢地又少少野又話唔開心唔鍾意, 有時真係無咁細心, 唔知佢係正常的唔開心, 定係係學校 ...

stliu

appleycma,
你好, 我仔仔明年應該都係返KV, 係根德道am.
多多指教.
佢而家返緊N班架, 幾好, 有同學仔一齊玩嘛!

原文章由 appleycma 於 08-1-9 13:32 發表
hi,


大家好 我囝囝明年會在多實上午校上課．多多指教.係呢，妳地現在有冇返n1呀??



appleycma

stliu

fatbabyfat,
我老公eq一定高過我, iq我就唔知喇!   因為佢又係好好脾氣, 所以先頂得我順! 哈哈! 我做野急驚風咁, 佢就慢好多.
你地兩公婆教女配搭得好好啊!!

你再諗下去唔去日本啦! 你女女而家每日幾多餐奶呀? 其實我仔而家仲係有三餐架, 係咪好多呢? 佢午睡前食5安, 當水咁咋. 另外,臨瞓前我地俾佢飲鮮奶, 佢又okay喎. 奶樽仲有steam呀, 同你老公諗法一樣, 唔係多好多功夫,而且, 唔steam, 淨洗,之後用滾水陸都麻煩, 洗完放入steamer仲快, 所以都仲有steam. 不過其實我諗緊可唔可以直情用杯(飲筒),代替, 因為奶樽/奶咀好耐冇換過了...
你女女肯唔肯用飲筒杯架? 如果係, 咪俾佢用杯飲囉, 平時同佢試下飲鮮奶得唔得呀? 我仔好鍾意飲蒙牛架, 不過蒙牛唔係鮮奶, 我冇日日俾佢飲0者. 如果俾我地再同佢去旅行, 我實俾佢飲蒙牛算, 奶粉都會帶, 但唔會餐餐飲囉. 日本D牛奶都幾好味架喎, 聽聞... 俾佢飲唔知得唔得呢?
另, 你女女除左麵包同蛋糕之外, 冇其他野鍾意食喇咩? 日本D野食咁好味, 點都會有D鍾意呱?當然唔係魚生,但係烏冬呀, 果D呢?
諗下啦, 我都係支持你去囉!!  

原文章由 fatbabyfat 於 08-1-9 14:37 發表
stliu,

係呀, 我老公成日都自認iq 同 eq 都高我好多, 不過事實都好似係咁. 同埋佢最勝過我的地方係佢真係好有耐性, 好似個女點都激唔到佢發火咁, 所以而家個女有咩做錯或我想個女改的野, 我都交比佢, 因為佢會處 ...

stliu

applecma,
我仔係根德道啊, 你小朋友係咪多實街? 我自己係最近先至識倒幾位bk媽咪咋, 有兩位係仔仔而家nursery的同學仔媽媽.
你多D上來chat下啦, 而家呢度有我同fatbabyfat傾, 你都來傾下!
你大仔而家幾大呀, 讀咩班呢? 都係讀KV嗎?

原文章由 appleycma 於 08-1-9 15:10 發表


hi,stliu


妳好,唔知大家會做同學嗎?我都識左好幾位bk媽咪，之後大仔都同佢地小朋友一班.


appleycma

stliu

fatbabyfat,
其實之前我都唔敢俾我仔飲鮮奶, 都係怕佢腸胃唔好, 但我老公後來建議俾佢試. 我地係澳洲時俾佢飲當地牛奶, 仔仔不知幾鍾意. 返到來香港諗住又俾香港D鮮奶佢飲啦, 第一次係飲牛X公司屋仔奶, 嘩, 佢當場飲完嘔呀, 搞到我有少少陰影唔敢俾鮮奶佢飲, 同埋我覺得牛X公司D奶好稀, 後來再俾維記佢飲, 佢又冇野, 味道okay, 但始終冇澳洲果D牛奶咁香奶味.
所以如果你俾女女試, 最好飲十字或者維記, 但事先要同佢講明係鮮奶喎, 費時味道唔同佢唔肯飲. 我有次同仔仔一齊去超市買奶, 買完佢爭住幫我拎, 果晚佢飲奶時就話係同媽媽買的(奶).
我仔都okay鍾意飲奶, 佢都接受倒飲維記. 最搞笑係之前同佢去街, 攞左包蒙牛俾佢飲, 一攞俾佢飲, 問佢好唔好味, 佢都費時啋我, 係咁啜, 唔使一陣, 成包清晒 , 我估佢好鍾意蒙牛好香奶味呱! 所以如果日頭同佢去街, 我地有時都係帶包蒙牛佢飲, 唔使再帶奶粉呀滾水咁麻煩了.

原文章由 fatbabyfat 於 08-1-9 15:18 發表
stliu,

我未試過比肥妹飲鮮奶呀, 你指的鮮奶係唔係屋仔奶呀. 我連紙盒奶都未比我個女試過呀, 我老公怕佢疴喎.

不過都諗住今個月開始比佢試下.  我個女就一日兩餐奶, 每餐8安, 早餐同臨瞓前都要, 佢好緊張支奶嫁.

...

stliu

fatbabyfat,
你點會係多口呢, 多謝你提就真, 之前佢細個, 我地真係差不多半年就換一次, 係而家大個左, 我懶冇同佢換咋, 此亦係引發我考慮不如俾佢用杯飲奶的原因啊!
不過, 有時我得個諗字, 因為要返工, 始終要假日先至可以好好諗下用咩杯呀咁, 所以我的實際行動通常都比思想來得慢好多...

原文章由 fatbabyfat 於 08-1-9 15:37 發表
stliu,

我頭先唔記得同你講喎, 你有無聽過奶樽同奶咀要半年換嫁, 因為 steam 得多, 會有d 咩東東發放出離喎.

因為我 d 朋友對奶樽好有研究, 所以我一向都係用話無雙份 a 的奶樽嫁, 呢d 奶樽可以唔使半年換一次奶樽 ...

stliu

appleycma,
咁你應該對KV印象很好吧, 因為兩個小孩都(會)讀KV.
你大仔考小學了嗎? 我老公都有朋友仔仔今年讀KV的K3.

原文章由 appleycma 於 08-1-9 16:16 發表



我囝囝係多實街,我大仔讀KV,現在讀K3.

stliu

大家早晨!

fatbabyfat,
今日係星期四喇, 係咪好開心! 因為今個禮拜六係第一個短週!好好enjoy! 今朝我仔瞓醒覺就同我講話要去街 我話今日星期四咋喎! 係要返學... 後來佢又冇野喇!

stliu

fatbabyfat & jumbo_mandy,

jumbo_mandy, 點呀, baby, 一排唔見你! 我去左KinderU聽talk架喇, 係未試堂囉, 因為試堂要俾錢, 雖然可以扣返響之後報D堂度, 但我未知仔仔會唔會上, 我地時間上安排又點, 所以未諗掂幾時俾佢試堂呀.
哈, 你地兩個都係女, 真係可以傾傾去邊間小學喎.
我阿仔都好慢架, 要25分鐘, 到時佢7:20分要上車, 好早就要起身, 我而家都好擔心. 其實夏天仲好D, 佢好早醒, 但冬天就



嘩嘩! 我朝早做左少少其他野, 你地就有咁多個post了, 好勁啊!

原文章由 fatbabyfat 於 08-1-10 11:50 發表
jumbo_mandy,

我明你講咩呀, 我就係叫你唔好灰心得 15 分呀, 佢地讀得完kv 都應該唔會太差, (我又唔係好明, st. mary 無得自己去考嫁, 其實呢方面我唔係太熟呀).

其實我另一d 朋友話, 大抽獎的機會都幾高嫁喎, 你 ...

stliu

fatbabyfat,
哈哈! 我個仔同你個女一樣呀, 返學又係唔願起身, 放假又走來7點就醒, 好在佢而家都有D同情心, 起身之後唔一定來摷醒我地, 等我地瞓多一陣, 係一陣咋喎, 8點都係要起身架喇.
差D唔記得答你添! 我仔仔每日睇好少電視,暫時係臨瞓前睇一陣, 大概10分鐘, 佢而家睇緊"Cars"反斗車王, 其實已經睇左幾個月呀... 我已經全部劇情識背喇, 不過仔仔都仲係要睇囉, 佢好鍾意車架!


jumbo_mandy,
好喇好喇, 我唔會再叫你"baby"喇, 只係咁耐冇見你, 一見你來chat我又諗起點解果時我會咁手快快打錯你個名囉!
其實KinderU的理念我好buy架, 不過同你一樣都係覺得我仔仔好似"老"左D, 你去完試堂話我知啦, 你響邊個centre呀? 如果我上都係MK. 我之前都同仔仔閃過一排咭架, 不過後來佢冇興趣, 停左咯!

原文章由 fatbabyfat 於 08-1-10 12:23 發表
stliu,

哇, 你今日好忙呀, 我同jumbo_mandy 講左好耐都唔見你回應喎, 好在, 你而家都出現啦.

有時真係比肥妹激死嫁, 佢放假日日都準時7點起身, 想佢遲 d 起身都唔得 (因為大小姐起身即係我又要起身), 到返學啦, 想 ...

[ 本文章最後由 stliu 於 08-1-10 12:56 編輯 ]

stliu

jumbo_mandy,
其實佢應該係CWB最多課程呀, 我對法文同西班牙文有興趣, 可惜MK未有導師住呀, 希望佢遲D可以開多D course啦, 因為唔可能個個禮拜同仔仔過海上堂呀, MK算近D囉.

原文章由 jumbo_mandy 於 08-1-10 13:04 發表
stliu

我都係mk上呀, 我個女仲大妳個仔成個月, 仲老B呀 , 而且即使join, 我都要3月份至得, 我問佢地咁3yrs.後讀有乜course, 佢地話只有pth, 冇英文course, 到時.... ...

stliu

fatbabyfat & jumbo_mandy,

咁我都認真諗諗同仔仔報咩興趣班先. 其實佢而家除左返nursery就冇上其他興趣班, 想同佢報但又未知上咩, 都會俾佢學琴, 但諗住三歲先開始. 睇來, 都應該要幫佢報下其他. 唉, 真係條數好kum 計呀!

原文章由 fatbabyfat 於 08-1-10 14:33 發表
jumbo_mandy & stliu,

jumbo_mandy, 你要比囡囡學咁多野, 真係諗起都驚喎, 重有就係條數好kum 計喎

我自己諗住肥妹3歲會同佢轉呀, 之前我係紅磡都會海逸上my music box 同 my gym 時, 個到有間教英文好出名 ...