一呂現家長 / potential 家長會

alicetong

candytl,

一於咁話..不見不散！哈哈哈！

我都算係大件0個隻...哈哈！依家都懶得節食lu...
我就每星期都會跳中國舞,做下基訓,鍛鍊下老骨頭咁囉？ ,有時都會一家人去球場跑番10個圈,不過都少0拿,放工返到屋企先係正場開始..哈哈！ 我對仔女我地唔訓佢地唔訓(真失敗！)..所以基本上完全無私人空間？至於細女想聽故事..我前兩日買左部錄音機仔..一口氣將5本圖書故事錄落去..諗住我返左工,女女都有得聽..當玩具囉？點知聽左2/3次就三分鐘熱度0拿？哈哈..(仍需觀察.. ),最爽0既係同大仔星期日預默完(錄起佢),尋晚佢再自己聽返默中文...真爽！唔駛咁勞氣？坐低睇下報紙都得...一物幾用？      ,shopping..我都鍾意架？不過買仔女野就捨得..孤寒自己囉...

Homama2004

我歸隊,其實只忙裡偷閒而己.傾下計!

Alicetong, (7月19日)我同事放大假去加拿大,所以7月中到8月頭都不用放假. 我只有星期六日可以去書展.

我一向都是胖胖的呀! 無法啦! 肥底無得變. 結婚到現在都係差不多啦! 結婚時穿的禮服/旗袍還穿得下,都算係咁!忙裡偷聚聚都好喎! 7/8個的星期六日都可以,咁我可以拿埋三手書給你哋,看看用不用得著添!! 希望你們不要介意 (到時PM約時間地點好了)

私人時間係差不多係無,因我無請外傭差不多兩年,只請一個鐘點,我由早上六時起床便做到十一時許睡覺,因工作和住所近,我差不多日日煮足三餐. 娛樂便是一至四睇明珠台的1030劇集/在BK同你哋傾下計,間中午飯時和要好同事傾下計吃下飯.我只會在囡囡上課外活動時才會偷空window shopping下,穿不穿到最新一季的時裝對我來說是微不足道的事(可能我又沒樣沒身材啦!!哈哈! )

有小朋友係要付出,不希望有甚麼回報,亦不覺是犧牲只是盡了自己的責任. 有人喜歡打麻雀shopping,但我會選擇陪他們一起成長

昨天那位"非常"代課老師今天又有新作,係好用力地將一隻手指"篤"住一位"頗出名好動"的男同學的太陽穴,話佢"你想死啦!"(事因係做錯learning Sheet某題而己).妹妹話啲同學雖然一向都不大喜歡這位男同學,但都看不過眼,話如這位同學發燒的話一定被佢篤爆咁話!  :evil:  

alicetong

Homama,
就唔到唔緊要呀...我都係順口問下0者？哈哈！
講開結婚時穿過的禮服/旗袍我都仲著得落喎？我地生完兩件都算係咁啦！至於三手書我就求之不得啦...作業又好worksheet都好我實當係寶呀？...真係多謝妳就真...
我有工人0既..佢只係代替做家務..所有仔女0既野都係自己親手代勞最好？(有時我都唔明點解有d工人可以睇埋功課架？)不過諗住做埋呢個合約妹妹讀一年級都唔請0拿？

我都係小朋友讀左一年級無陪媽媽玩麻雀仔0拿..有時佢地喜歡玩我都無參與...自己又要返工,希望以有限時間比晒d仔女,
屋企人就更係話我走火入魔..哈哈！(佢地又唔明白平時星期六、日對我地幾緊要...),預默下書..睇下課外書等等？...老實
過左呢個肯痴我地0既階段...仔女大左有自己朋友、生活就唔會痴我地架0拿..雖然依家有時係辛苦d！但係都可以話係一種享受一種鍛鍊囉？養兒育女責任真係唔細...做左人地阿媽就更加明白0拿？更加開心0既係有緣係度識到妳地至同道合0既媽咪..分享心得？訴訴苦亦都可以講係我自由空間....
我通常晚黑11/12點訓..朝早6點起身執番自己似個人樣先返工囉？哈哈哈...


:-x      :wink:

Homama2004

還未清晒檯頭的事情呀!! 昨天在家都要上網做工司嘢一兩小時! 悶悶地上來傾下計.

上次綜藝晚會不知是否時間比上次短,又少了新鮮感,感覺沒有上次的精彩. 上次幾個司儀仔的精彩表現令我印象難忘, 猶其那前年當選小太空人的男司儀仔的流利英語和普通話實在太出色了! 今次的司儀仔好像不大合拍, 沒有眼神接觸,但人仔細細有這樣的表現已經非常好了!!

昨天以上提及小太空人的男司儀仔的妹妹和我大囡一起上普通話課時,你一言我一語的告訴我們兩位媽咪聽: 她們上星期到田心某間小學參加公益少年團頒獎典禮,典禮中有一位某中學校長過來用英語+半鹹半淡的普通話問兩位女孩學校的情況,那妹妹仔用流利英文+我大囡則用都算幾標準(係佢哋認為比那中學校長水準來說,我就只覺得係普普通通啦!)的普通話來回答, 話嚇得那位校長目瞪口呆喎!!(<都唔知有沒有誇大) 兩個女仔問第日中學面試係唔係校長見,係唔係啲校長都係咁上下,我們兩位媽咪當然答話只是個別例子,多半兩文三語都很好呀! 我們兩位媽咪就偷偷私底下講: 攪笑!   都唔知係唔係那位中學校長”特登”講到咁. 笑到我哋兩個肚痛!!

一呂的訓練真是不錯呀! 小朋友都幾夠膽對陌生人對答!!

alicetong
我同你真是"同類",也是非常珍惜這段"跟出跟入"的日子,現在很多行業都要北上工作,可能好像美國人到別的洲工作一樣要到大節才見屋企人.

alicetong

Homama,
早晨！原來有d咁搞笑野咩？...哈哈！係呀,以前睇過綜藝晚會小司儀雙語講播真係幾威水架..

我都係長命功夫長命做..耐唔中都要上0黎同大家傾下計充充電...依家有份工作做0既..工作量只有越0黎越多？老板諗住妳唔做大把後生0既做... 所以雙職婦女又要照顧家庭真不易為....)

想問下妳女女係未幾個小朋友去私人老師度學普通話呀？價錢貴嗎？係未第一城附近呀...兩文三語我都想仔仔學下..

candytl

candytl

Alice,

我忠意似你咁呀, 有時都會一家人去球場跑番10個圈, 你平時打唔打羽毛球?
我差不多10年冇打喇, 潯日心血來潮, 叫我老公一起去打下, 點知佢仲懶過我, 最后一家人帶去城門河睇龍舟.
你咁早起身, 夜晚又咁夜訓, 訓得咁少你返工夠唔夠精神?
我見隔離屋個P5生又係揾幾個同學仔上佢屋企學普通話, 老師上門教, 如你有興趣, 我可以幫你問下.

Homama,

你知唔知個”太空人”兩兄妹英語會咁流利? 我每次係樓下見到啲講英文好流利的小朋友都會望多兩眼, 我發覺佢哋同父母日常多數也是以英文溝通, 或者係讀緊英基小學. 我女有個女同學, 爸爸係美國人, 媽媽係新加坡人, 佢講中文冇問題, 但寫讀就吃力啲, 佢同我女都幾friend, 我成日叫阿女多啲同佢講英文, 但我女總係撤手擰頭.

哈哈….., 那校長是否係受家長歡迎中學嘅校長先.

無論係唔係, 你女同佢同學都幫學校同外界樹立好印象.

Homama2004

candytl,
兩兄妹英語會咁流利原因: 小三開始每個星期六到英基學英文,另外他們的質素都非常好. 我大囡都肯講下的,因在小三和小五遇著個好老師的緣故.

Alice,
P5生又係揾幾個同學仔上佢屋企學普通話: 我哋都係四位小朋友一小組.如有興趣可以PM老師電話給你.$280/hr四個小朋友平分.老師囡囡今年都係小五(呈分呀!全小五家長都進入作戰狀態),所以新班可能要到7月才能上.

我老板都算唔錯,但已屆退休年齡,可能這一兩年都會退休,候任的老板和我老公(我不大喜歡BK"c6"這稱呼老公,因佢都好好)一樣年紀,幹勁十足!!到時就可能連"蛇"上BK的時間都沒有了.或者是我提早退休!!market上大把人材,用你的薪金可以請2/3個fresh grad都可以,我們這年紀(應是我老很多,3尾了!!)的人所面對的.

我在dangdang訂了十多本書,前幾天看到訂的字典(牛津高阶英汉双解词典 （第六版） )在大眾賣成3佰多圓呀!現只售76.9. 期待他們可以將貨快點送到我手上!!看看質素如何,有信心下次再訂貨. 再次多謝介紹! 不用我周圍找!!

那中學的名字我已PM給兩位! 但我們不是親眼親耳見到所以不能作實呀!可能係我囡囡唔鹹唔淡才真!!

alicetong

candytl,
羽毛球真係好少打..哈哈！可能有飛蚊症添呀...其實有時間跑步當然好,不過就0黎又考試0拿..又要係有限時間閉關自守？妳地(同Homama)開始同小朋友溫書未呀...我次次都自定目標,無次達得到....哈哈哈！

Homama,
我驚怕搵唔到其他同級小朋友組小組咋...請問老師屋企係邊度附近架？其實每堂教d咩呢...初學應該點樣？又要麻煩妳添..哈哈！唔該晒...

我份工就係做得幾耐得幾耐0個隻....無乜前景,所以有時小朋友學課外活動,例如想女女學跳芭蕾舞都驚怕自己一旦無野做就唔可以繼續0拿,所以遲遲未開始....講開我新老細..一開口就話妳仲後生可以繼續進修...就算有錢津貼我都未必有時間啦....(屋企兩個小朋友),無辦法..剩係識得將我地同d後生大學生比.....唉！

  

dangdang係candytl介紹妳架...我本身都唔識睇簡體字..所以無咁大興趣...

其實想問下妳女女課外閱讀有無d睇完可以平平地讓比我,一來可以環保d..二來可以留位置放新書,因為仔仔小三應該可以接到妳女女睇0既課外書都唔定...唔知妳意下如何呢？ :  :

candytl

Homama,

你提醒咗我, 我冇留意過dangdang有字典(牛津高阶英汉双解词典), 真係比香港平好多, 我正想買部字典俾自已.
我哋仔女都有翻咁上下大, 我估大家年紀都咁差不多啦.

Alice,

我潯晚同阿女温常識, 常識我冇任何課外題在手, 每次温都係將課本內容講一次, 温咗約40分鐘, 翻轉頭睇好似講咗等於冇講..
中英數就准備每晚用45分鐘輪流温, 就係同佢做下課外題咁, 做錯過啲就重點講解.

Homama2004

老師屋企在紅磡喎!第日佢囡囡上了中學便要看看她會否搬屋了. 對不起! 我也不大知道每堂教些甚麼,但只小四從上了半年後考試便不用跟,大囡都拿到B+/A-,細囡就次次都拿到那張普通話良好證書.因是在同學家,昨天公眾假期才會上到同學家接放學.便聽到那攪笑事件!

不用讓了,我都是放進回收箱.但要讓我待她們考完試執拾.

對不起! 沒有看以前的,錯將你和candytl調亂添! Sorry!

alicetong

candytl,
聖經例牌背金句..課文間低生字(星期六、日)默下..平日剩問常識同聖經課文內容,中文有時間比習作做..數學派新書、作業時影印佢做下..至於英文平時無溫,影印worksheet叫佢做一次講一次就算(比較唔駛我擔心一科)...

Homama,
即係老師肯上門教0既..對嗎？如果係紅磡..太遠0拿,我想問佢係未北京來的老師？280蚊share..如果一個又如何呢？謝謝妳

妳太客氣0拿...我反而唔好意思？哈哈！
飲茶食飯一定要...



candytl,Homama,
妳地有無同小朋友常識搵時事題架...我每次都有..但仔仔無次答得中...

Homama2004

alice,
老師係可以上門,但要看她的時間.她從南京來的.連"小太空人"的媽媽都對她都讚不絕口,那媽媽對子女教育都非常重視.

candytl & alice,
嘩! 你哋小朋友都唔係呈分試都咁勤力.我真真要加把勁!

以我經驗:常識時事題係無得溫,不如用時間溫課文好過囉!
我"tip"出濕地公園-天水圍, 你們有沒有心水題目???集思廣益呀!

我除了買字典外,便買了差不多10本black cat系列的書(16.6@)很便宜呀!香港賣緊4/50@.不識簡體字都可以買,因是英文書,只是每頁幾個生字的中文解釋是簡體字而己.又有CD聽,超值呀! 暑期讀物

candytl

我冇, 阿女平時都幾忠意睇報紙新聞, 所以一般嘅時事題佢都OK.

HOMAMA,

我唔算喇, 我平時冇比課外題佢做, 每次都係臨考前兩星期溫. 如果佢合作, 都足够囉, 但係好多時唔係.

candytl

印尼地震, 賴昌星遣返令,足球世界杯, 中行上市, 陳易希被科大取錄, 油尖旺升中學誤額風波...........
暫時諗到咁多.

alicetong

candytl ,HOMAMA
哈哈！差唔多比妳地講晒添...其實我未有時間搵呀？印象中記得有個地方唐人街比人搞亂..唔記得左地點添..( 我搵到其它再post上
0黎啦！)

HOMAMA,
我小朋友溫成咁都係成績一般..唉！都要睇佢自己做化0拿？佢擺少d烏籠我已經老懷安慰0拿？

一言驚醒,英文書未無問題囉..哈哈！不過我剛訂左上次學校推薦過好簡單0個份小朋友英文報紙，希望暑假有時間睇..好似訂左3個月...

其實我連妳地成日提0個對小太空人都唔知係邊個..只知道學校有學生被選中做小太空人？係我唔識野就真... 咁師資一定有保證啦！等我問下其他同學仔有無興趣學普通話先？如果2個同學仔..係未一人140蚊一個鐘呀？

Homama2004

如果2個同學仔..係未一人140蚊一個鐘呀？<應該係.

我小朋友溫成咁都係成績一般..唉！都要睇佢自己做化0拿？佢擺少d烏籠我已經老懷安慰0拿？< 對呀! 又要佢哋考試那幾天狀態好添! 唔好有甚麼病痛添!(大吉利是)

我細囡昨晚出到成身"風疹",我老公應酬吃飯回來立刻帶佢看仁安,好彩今早沒事.我老公真是唔話得,自己累到死下死下,都二話不說車個女去看醫生, 昨晚還半夜餵女吃藥(我瞓到"隻豬"咁!現在因太早起,很難半夜起來,我老公話我聽到鬧鐘只是張開眼睛一下看到佢起身便繼續瞓,真係.... )

小太空人的資料,我PM給你們.因她媽咪可能不想太高調,你們看完便會很羨慕! 如你們見真人就更驚為天人呀! 又靚仔又乖仔,落水能游出水能跳.

candytl

真係好靚仔!!
另外兩位男仔也好靚仔!!
我知bk都有小朋友係其中一位小太空人.

homama, 你老公真係唔話得

alicetong

(  剛紅雨呀...  )

Homama,
係喎...幾靚仔又叻仔,個名我都聽過...有時生到d咁醒目小朋友都要睇自己福份...

早晨！今朝問過相熟同學仔..佢地都無乜興趣學普通話,如果
我一個又太貴0拿？有乜計仔呢....

講得0岩,就好似上次考試咁,我感冒傳染比個仔、老公、女,睇醫生都睇到窮...所以仔仔考得差d..我都好sorry呀...

妳先生真係好好DADDY,又好體諒妳呀...希望女女快d好番晒啦！

alicetong