小六家長, 自行收生選民生要不要寫自薦信

mimikitty28

各位家長請幫忙:
本人真不明白升中的程序, 上次家長會校長亦無詳細說明, 因我見其它學校的家長都忙著問有關叩門信及自薦信的形式, 大家可否告訴我.
另你們知道自己的小朋友屬band幾嗎, 老師從沒有告訴我, 是否要家長自己主動問的呢. 謝謝

mimikitty28

各位家長,

請吾好睇左就算, 幫下忙啦, 本人是一個在職家長, 實在無時間去學校門口同D家長交流呀, 吾該知道的告訴我好嗎...

jw402

通常d小朋友去考學校, 都會搵自己小學ge校長寫封推薦信, 但你係家長會都應該聽得出校長根本唔想你地去考其他學校, 咁佢又點會同你寫推薦信?  

至於自行收生選民生的話, 我相信應該唔洗啦, 寫呢都冇咩意思, 佢地都知道你個小朋友d底細, 而且老師都冇講要.

如有不對, 請各位家長更正.

我相信在職媽媽都唔少, 個個都要番工.  就算唔得閒去學校門口八, 都最好搵三兩個啱咀形ge, 得閒交流下.  個細路係學校d野, 又多又濕碎, 自己邊記得咁多. (以上純屬個人意見)

mimikitty28

20號先開家長會, 到時先知成績, 大家有無心急呢, 大家決定選民生了嗎....... 我自己就決定左選它, 諗住家長會完左就即刻交表 :

patchan3

    你們好，本人亦是今年小六家長，同一樣是面
對"MIMIKITTY28"的問題，是外出工作，對選校無從
入手，但如果你自行收生是選擇民生的話，就無須要寫
自薦信。

     但本人亦有以下分享，於十二月初時本人曾致電班主
任問囡囡是band ? 但老師沒有正面回答，衹回應現階段
只是呈一次分，現時下判斷未免言之過早，對小朋友
唔公平.......

     但本人亦有些疑問想請各家長幫忙 :
      1) 報回民生在自行收生是否要往學校取報名表
             連同過往成績獎狀等一併交回。
        2) 我都聽唔明上次校長提過收回(原校)小六生
              ?% 是否80%  ????

    Tks n regards,

     

    

mimikitty28

我都是不知兒子是band幾, 好奇怪是嗎, 我見其他學校的家長都是知道自己的仔女是何banding,但民生就不講, 我地就話一定會選民生jie, 但其他top ten的學生又點呢, 成績表又要20號先派, 但神奇地又不見有民生的家長投訴, 我都好疑惑.

Patchan,
民生報名表已在堂上派了, 你的孩子理應已收到. 如沒有就要問班主任了.

我對選校都好徬徨, 無人可問, 希望大家得閒交流一下

patchan3

Hi, mimikitty

      多謝你的回應。 幾時有派過報名表 ?? 我亦沒有
聽聞囡囡提起過 ???

     是否就讀"民生"家長好少入baby-kingdom網頁，
所以我呢種早出晚歸媽咪，現在感到非常徬徨無助。

      不過，你是否有入本網頁其他"討論區" EDUCATION
內"初中教育"入面有很多其他家長及過來人的意見，
很有參考價值，由其是"007" 有問必答而且很快便回
覆，對我是"烏啄啄"媽咪好有幫助。

     希望對你都有幫助啦!

         
    

mimikitty28

Patchan,

真好, 終於找到一個同道人, 我有問過007問題, 我亦有看到你問他的問題, 我只是奇怪民生的家長很低調, 他們好像入硬民生一樣, 一些問題都沒有. 大家都很被動. 我覺得很無奈及無助.
報名表我真的記得亞仔已帶左返黎, 今晚再返屋企睇下再告訴你吧.

jw402

Pat/Mimikitty,

兩位好.

其實我相信民生的家長真係好無奈. 原先以為入到小學就唔洗煩中學. 點知去到尾先發覺會有可能入唔到.  但又唔敢自選階段去考下其他學校. 始終民生都係首選. 但如果咩都唔做又驚到時抽獎又唔中, 結果兩頭唔到岸.  再加上學校根本唔想你地出去考其他學校(怕d好學生走哂), 所以咩support都冇.  甚至專登咩都講d唔講d, 等你地心慌慌之餘就坐定定等佢揀你.

我阿B仔d成績大上大落. 未到最後都唔知生定死, 我都唔敢同佢考其他自選. 但就有去考下d直資, 不過考到都唔會去住, 若果到時返唔到民生, 先再作打算啦.

大家不妨多d上來交流下, 唔係吐下苦水都好.....

學校放假前已經派左報名表, 你快d返寺check下.

mimikitty28

JW402,

我看見同樣是有中學的培正小學, 我上過他們的網, 他們很詳細的教你如果選培正要點填, 要交D咩文件等, 真係好好, 好清楚......

patchan3

Hi Mimikitty/jw402,

       首先多謝你們回應，以後可以吐下苦水，我都
好開心，若日後學校有何動態，記得通知我，因我每晚
約九時後才回家，做完家務及check功課後已是深夜
再加上網，每天平均得3小時睡覺     

        另外，今晚入初中教育內有份"Reference
Letter" 你們看看是否有用。

regards,

            

jw402

最新消息, 有d家長收到老師的電話(我未收到), 講個小朋友d成績之餘仲問家長自選會唔會報民生.  有d古怪.   都唔知佢地個心諗咩.

樣樣都講d唔講d, 等大家估估下咁. 真係比佢玩死.

mimikitty28

我一心一意比個仔讀民中, 希望大家心想事成啦.

mimikitty28

PatChan,

你不要太操勞, 一個成年人每日訓三個鐘點夠, 升中呢場仗不只是你個仔打, 你都要在背後支持佢的, 如果你整壞左自己身體, 你個小朋友就變左孤軍作戰, 就無得同人fight架啦, 你真係要好好保重呀

patchan3

Hi mimikitty/jw402,

    倆位好，報名表我已收到，我打回學校校務處查詢，
他們亦是與你們答案相同，話已派給學生，但亦可自行
在學校正門更亭索取，所以我已叫校車叔叔代勞，今晚
已收到了，謝!

    另外，我女兒昨晚與同學煲粥時，同學仔對我女兒
說，班主任剛剛來電找她媽咪通知她今次考試成績，
女兒還不停問我班主任是否已來電，今晚還在追問，
但我亦真的無收過任何電話。於是，我今晚問囡囡
你同學仔的成績如何??? 佢話媽咪衹是說她各科成
績都OK，沒有提及分數及名次.....

    今晚看完你們留言板後，老師會個別通知家長，
但如果收唔到通知，這樣是否代表 "無機會"???
真是令人費解，無所適從，如果真係唔收的話，
早些通知可另作打算。

      最後，mimikitty28 很多謝你的關心，因為
每次見到其他朋友時都問起我你份"portfolio"
整好末，仲末??唔係呀你仲末諗報邊間學校.......
可能因為之前囡囡由幼稚園直升小一都不須要
傷腦筋，但今天大家都參加上次校長召開家長
會後，令到我好擔心入唔返中民....... 好彩俾
我找到你倆吐苦水，真係好，這是過度期，好似
今晚是星期五，明天囡囡不用返學，今晚咪可
早睡早起。
   
    

    一有其他消息，會第一時間通知。


    

mimikitty28

都是一樣, 老師打來只是說ok, 咩都吾肯講, 好神秘呀, 我問多句都吾得. 不過我聽講話輪號數打的, 如果你個小朋友班號後就要耐心D等

patchan3

Hi mimikitty,
     今晚我囡囡對我說，老師告訴她們未收到通知的家長
稍後將個別會致電通知。

       不過我今晚致電今年升回中一家長，詢問她收回
小民情況，大慨最重要是閣下小朋友是否全級100名
內，如果是的話，恭喜你，你無須再徬徨，中民收回
的機會好大，根據校長上次填表方法，十拿九穩....
不過補充末必年年一樣，可能會有些變動。

      今晚我致電家長，她的孩子是小民全級前五十名，
所以她不用擔心便升回原校。

       如有其他消息，將立刻通知。   

p.s.  你的小朋友有無参加今個星期六舉行的長跑活動呀???

  

jw402

其實我不知道他們打電話給家人的目的是什麼. 我最終都等唔切自己打左去比老師. 佢一樣係講得好含糊, 只係話大致上都ok. 會唔會佢地其實想通知d唔係好掂的同學去試下考下其他學校????  真係.......x@#%(&!!

我都知考前100名就一定入得番, 但老師好似唔會講佢全級排名, 只會講自己班的排名, 然後要你自己估.

仲有, 佢地成20號先派成績表, 但29號就deadline啦, 如果人地要報其他, 實心急都死.  

我阿b都參加左長跑. 星期日我仲同佢試跑左一次, 昨日佢就叫腳痛

mimikitty28

但我小朋友同我講老師話有吾合格的才打, 因為我自己忍吾住打比老師, 老師才在晚上覆我.
咁即係話成績差的,老師才通水叫你自己留意, 都幾得人驚, 即係話收到死亡電話的就有排驚, 我地自己問的吾算, 是嗎?
其實有時我自己安慰自己, 民生成3xx個學生, 收返成2xx個, 應該吾會咁黑仔入吾到卦, 但係一日未放榜, 一日都心驚驚, 我希望七月時再在這裡跟兩位一齊慶祝啦.     

jw402

我阿b都係咁講, 話有唔合格先會收到電話, 但時實上連平時好好成績果個都有電話, 都真係唔知佢地目的係咩.

講到尾都係驚自己果個咁唔好彩.........就係2xx之外.

有家長話, 到放榜個日, 你見到自己個小朋友愈遲出嚟愈好. 因為學校比d唔中ge, 拿拿聲放學出去撲學校, 其他有得留低ge, 就慢慢放都唔遲.  所以求神拜佛個小朋友最後先出嚟......

希望到時大家都係學校門口等好耐好耐, 個小朋友就笑住出嚟........!!!!