係協康做完評估！係咪準確？

mslala

心理學家做完評估！話亞仔發展有少少慢左，唔係自閉！只係言語影響社交同情緖弱差，評估一次係咪準確？而家建議參加社交同言語班！

Glory88

我仔20個月時响協康評估為發展遲緩6-8個月，當日無喊，有eye contact，做到部分指令。之後一個左右响CAC評估為自閉譜系，當日喊，扭計唔合作，心理醫生在旁觀察，過咗一個鐘頭之後先warm up肯做指令。

mslala

但我仔32個月！eye contract 冇問題！係協康評估時都好合作！只係擔心評估準確性！因有時佢叫極唔睬！同小朋友唱歌唱得好開心時！但唱到尾突然又扁咀喊！冇固執行為！

darichie

或者睇多間攞個second opinion?

mslala

原帖由 darichie 於 15-11-03 發表
或者睇多間攞個second opinion?

聽人講咁短時間好似唔可以再做多次！協康睇一次都5800喇！真係好貴！另外之前我有帶過佢上過8堂小組見過oT同st！oT話佢應該唔係！所以有時諗係我多心！可能真係言語遲影響左！而家我都唔知可以點做！定俾佢上下社交同言語睇下情況先？

kittyeva

返學未？

mslala

番左學！老師頭一星期話叫佢名唔應！但我地叫開英文名可能有影響！不過而家都冇問題！係有時話佢情緒唔好囉！

conniewktang

原帖由 mslala 於 15-10-31 發表
心理學家做完評估！話亞仔發展有少少慢左，唔係自閉！只係言語影響社交同情緖弱差，評估一次係咪準確？而家 ...

協康做的test, 政府認可的。這是社福機構，怎會不準！

hha

原帖由 Glory88 於 15-11-02 發表
我仔20個月時响協康評估為發展遲緩6-8個月，當日無喊，有eye contact，做到部分指令。之後一個左右响CAC評 ...

其實係咪自閉都只係一個名，無需太介意，自閉都有好輕微同嚴重，依家CAC評咗仲好，可以比你排E/I 位。我個仔五歲評為有自閉特徵，都有快隊排到E位，今個學年有好多training, 之前去私家上社交/言語班要幾百蚊一堂，依家二百四已經有三個月training, 超感恩。    上training嗰d導師都覺得我個仔冇乜問題，好輕微，但亦會安排好多小組比我仔上，來準備升小一。我唔講，從來冇人覺得佢有問題，好多人仲覺得佢叻仔，不過玩時有時會太hyper，就要提點控制一吓。

Fchu

回覆 hha 的帖子

咁其實你個仔有乜問題、特徵？當初點解要去評估？我囡3歲幾成日都好hyper.同你仔一樣。有時聽到但吾應人，扮聽吾到

hha

原帖由 Fchu 於 16-05-11 發表
回覆 hha 的帖子

咁其實你個仔有乜問題、特徵？當初點解要去評估？我囡3歲幾成日都好hyper.同你仔一樣。有 ...

我由我個仔兩歲左右開始覺得佢有d奇怪，沉迷轉的東西，如風扇、車輪、理髮店門外的轉燈。未說話前唔識用手指指嘢、有parrot式重覆別人說話、情緒大起大落，例如喊緊，一氹佢或引佢就會kaka笑，但幾秒後又可以繼續喊。理解力弱、三歲都分唔清你同我、常問非所答。三歲前喺屋企愛腳尖行，但有鞋時唔會的。眼神弱，會望人但幾秒就閃開。沈迷數字英文字。三歲前極活躍，之前驚佢係adhd多。另外有感統問題。但k1後冇咁活躍，加上老師認為他理解力及專注力弱，會遊魂，所以都同健康院提出。排期間有重覆行為（開関門或櫃桶）幾個月，但冇乜固執行為，所以最後只評為有自閉特徴(5yrs)、理解弱，言語弱，有E位排。排到E位後都不斷有評估，中途言語治療師話佢已追到同齡，甚至有part超咗九個月，但自制力同眼神到依家都依然係弱。

hha

聽到唔應人到依家都成日發生，有時佢會話聽唔到，有時話唔應因為唔想做我的指令。

Istonvia

不妨睇多一間, 咁就安心

imfancyfancy

回覆 hha 的帖子

你小朋友情況跟我個仔有點似，但他就無重復行爲，也無愛看轉的東西，眼神弱，叫他都係慢半拍，做咩事都是拖拖拉拉，早上起來穿衣服都係，要穿10分鐘的，你兇下他，他就馬上做那種~~~
但言語超慢，在協康評估了，發展遲緩，自閉症狀，好傷心啊。姑娘仲安排他去上s位，之前一直上主流幼稚園架，平時就是老師說他上堂有行來行去的現象，不同小朋友玩，但不算固執，也不算大脾氣，都算好湊的，跟家人超親近，各種錫錫，攬攬。

而家五歲了，卻落後2年半的語言能力，認知也是落後兩年，在做各種訓練
我都好想個仔好似你個仔甘叻啊，追番曬啊

hha

原帖由 imfancyfancy 於 16-08-19 發表
本帖最後由 imfancyfancy 於 16-8-19 12:33 編輯

回覆 hha 的帖子

加油！我仔剛完成E位，已經close file冇需要比小學跟，當然佢仲有不足之處，但已經比以前進步好多，亦叩到幾間非常不錯的小學，希望佢能夠順利融入校園生活。

peonybibi

原帖由 hha 於 16-08-20 發表
加油！我仔剛完成E位，已經close file冇需要比小學跟，當然佢仲有不足之處，但已經比以前進步好多，亦叩到 ...

多謝你嘅分享，見到你小朋友嘅進展好高興！

hha

原帖由 peonybibi 於 16-08-23 發表
多謝你嘅分享，見到你小朋友嘅進展好高興！

其實有E位前我地都報咗一排健苗軒的言語、社交、感統班，都唔錯唔太貴，所以大家一齊努力就會見到進步！

lingHLL

JM放鬆點吧,見你太緊張了,我覺得協康比CAC更可信呢。
我好多朋友的小朋友都有輕微發展遲緩,但入到KG同升上小學後都見有好轉。
不用過份擔心,我仔仔都確診自閉症,而家都在努力中!

Sask999

原帖由 imfancyfancy 於 16-08-19 發表
本帖最後由 imfancyfancy 於 16-8-19 12:33 編輯

回覆 hha 的帖子

我仔同另一位jm一樣，在E位已close file 及小一不用再跟進。3年E位training＋日常家居訓練對我仔好大幫助。
你小朋友已經5歳，如果仲差2年，會否考慮一下讀多一年幼稚園。我仔K2時由於小肌肉差，每晚寫字好辛苦，所以我們比他讀多一年K2。第2年明顯改善了小肌肉。
依家6歲半，9月入主流小一。大家加油！