K2讀英文故事書能力

elmostoney

能讀出來同comprehension係兩件事, 小朋友學左拼音, 可能可以讀D相對年齡較難的書, 但未必明.  我兩個小朋友讀 IS, 老師首重唔係佢地可以睇幾難嘅書, 而係睇完可唔可以retell, 答唔答到同書本有關得問題.  就算你有能力到level 20, 但comprehension 得個5, 老師都係叫你睇返 level 5.

我個仔5歲前已睇哂peter and jane level 12, 佢可以拼到好多字, 但comprehension都係追唔上, 所以老師反而要佢睇返淺D

elmostoney

另外我想指出, 唔洗執著小朋友睇左幾多本書. 數目唔重要, 反而係閱讀興趣, 而且小朋友係重讀又重讀的過程中, 會對故事更明白, 對語法同詞彙更了解.   

elmostoney

個個小朋友唔同, 只好慢慢來.  我家老大好鍾意睇書, 小時候唔識字就睇圖, 到識字時, 我非常記得, 佢第一本自己睇嘅書, 當時好似人地破解左密碼, 我地開飯, 佢仲攞住個本書係到唸唸有詞, 當然係讀得好唔順, 要慢慢讀, 佢讀完一次又一次, 我睇住都好感動.  我家老二係我自己教的, 但佢唔太鍾意睇書, 係我迫左佢學拼音, 結果佢有能力閱讀比老大早, 但到而家都係睇下唔睇下咁, 我都冇迫佢, 只係因應佢興趣去揀書, 另外我有D audiobooks, 比佢跟住一路睇一路聽咁, 但同老大就差好遠.

elmostoney

個人不是太buy羸左起跑線, 因我個女就係實例.  佢開頭慢, 但後勁又叫ok.  我屋企買書都係爆哂棚, 但唔會理佢睇物.  不過我會導讀下, 主要係買唔同作者的書和不同題材, 唔好等佢睇死幾套書, 等佢接觸多d唔同層面同不同角度的寫作方法. 佢鍾意嘅書, 可以返睇十次八次, 我都唔會理佢.  因我地返is, 有中文家教, 家教同我講, 睇書不重量, 因為每次重睇, 小朋友都會有新發現. 另外, 一位英文老師亦同意, 所以我唔刻意追求數量, 好似st paul co ed, 一年要小朋友交80本書閱讀報告, 於是有小朋友會揀d最短嘅書睇, 對書內容了解亦唔深入.   你問佢讀後感, 佢都係好片面咁答.  睇書係個人發展同興趣, 唔係一場比賽.

個人揀書, 比較喜愛1970之前的兒童作品, 比較有童真, 德育方面意識亦較正面, 而且文筆同用字都比較好.  流行作品我只會買一d比佢, 其他叫佢係圖書館借.  只要佢鍾意, 就算有d難, 佢都會睇哂.  最近搵左套borrowers比佢, 文筆比較舊, 我以為佢會好難睇, 點知佢話係有d難, 但係唔洗一星期睇哂四五本.  另外, Mr. Popper's Penguins, Little House series都係好書.

我個女而家讀緊相等於本地小三, geronimo佢會睇,harry potter又睇, little women呢d, 同一d歷史文化都會睇.  基本上我任佢發展, 最緊要係合適小朋友本身興趣同能力, 唔好成日數住佢到level幾, reading is pleasure, not homework!  剛過去的復活節外遊, 好在我買左本kindle比佢, 佢坐車睇書, 排隊(成45分鐘)睇書...所有空檔都睇書, 冇一刻鐘係悶嘅.  我細個個其實唔睇咁多書, 但比家姐影響下, 冇野做時, 有時攪下家姐, 有時睇下書, 否則我d時間都好難過.  

elmostoney

不看電視這習慣是關鍵, 睇開電視會有心癮, 唔睇開佢唔會問, 好自然會睇書又或做其他野 (我個仔就係踢波).  唔好諗住靠電視教幼童英文, that's not how it works.

elmostoney

我用呢兩套書自己教, 冇請人教, 冇出去學, 學校冇教.  到佢入 IS 小一時, 學校本來要分level, 但佢已學哂, 所以一上堂就係assign 書比佢睇 (當時佢4歲8個月).  唔係所有字可用phonics拼, 所以都要讀書, 英文好多irregular, 不能用phonics拼讀的字.

The Reading Lesson: Teach Your Child to Read in 20 Easy Lessons

Peter and Jane

elmostoney

另外我想指出, 如家長能跟書自己教 (即是家長本身要有點英文底子, 因為呢套書係冇錄音冇DVD配合的), The Reading Lesson: Teach Your Child to Read in 20 Easy Lessons 只要廿幾蚊美金, 已教埋blending, 一套peter and Jane都係幾百蚊, 甚至能係圖書館借, 個人覺得比買d一套二套教材化算, 效果一樣, 唔會比d過千蚊教材差. 之前有朋友比左jolly phonics我, 有埋功課, 錄音, 結果我都冇用.  分太多本書, 我覺得好麻煩.  以下是該書的連結, 大家不妨睇下外國家長及老師意見.

http://www.amazon.com/Reading-Lesson-Teach-Child-Lessons/dp/0913063029/ref=sr_1_1?ie=UTF8&qid=1429064464&sr=8-1&keywords=The+Reading+Lesson%3A+Teach+Your+Child+to+Read+in+20+Easy+Lessons

至於peter and jane, 是一位本身小時侯讀國際學校, 唔識睇但識講中文的朋友介紹的, 佢以前係某有名女校中學部教英國文學, 佢都係用peter and jane教自己仔女讀書.  後來我先知, 不少三十幾四十歲, 係外國生活或出世的媽媽朋友中, 原來好多人細個時都係讀peter and jane. 呢套書已有成50年歷史, 以教keywords為主, 到而家都仲有好多人用, 不無原因.

elmostoney

樹熊包包 發表於 15-4-16 12:58
我個女都係咁，佢好鐘意中文，英文閱讀就.....雖然聽無問題，但要自己讀英文就話好難，學校已經有學phonics ...

Depending on the age of you daughter, if she is in K1/K2 and has  just learned phonics, books like BOB books are a good choice.  It's simple enough for a beginner and gives the child the satisfaction of finishing reading a book on her own.  

elmostoney

bob books are short readers catered specifically to groups of phonics.  It's quite popular in English speaking countries as a supplemental reader along with phonics learning.  You can search on Amazon to check it out.  I believe they are available at local bookstores and on taobao.

No disrespect intended, but a lot of the popular, branded programs used by HK tutorial centres are just marketing.  Letterland has been on the decline for many years in the UK.  My company used to make learning toys for a British company in the UK using the Letterland license, but they quit using the license more than 10 years ago because sales were on the decline as well.  In fact, I had a set of the Letterland material myself from my job, but I never used it to teach my kids.  Colorful, expensive, and audio doesn't necessarily make it better than something simple, IMHO. Below is an extract from a British mom's discussion forum about Letterland:

"It covers 26 letters (but no digraphs like sh, ch, or th) and 31 sounds.

That is not how English works. There are 44 phonemes, each of which can be written a number of ways. Letterland simply doesn't cover this."

My friend and I had once toyed with the idea of opening an English learning center for preschoolers and one of the criteria is getting a "branded" program because many HK parents just buy into a program more than how well it really works.  For me, I used a combination of different approaches, but never a fixed set of books.  Improvisation is very important in all types of teaching.

elmostoney

理解，對答同用物野教材學phonics冇關.  首先要多讀, 增加詞彙.  如果連字都唔明, 齋拼個字出來, 又何來理解?  所以讀書不能講識拼讀幾多個字, 完全冇意思.  phonics只係一種幫助孩子閱讀的工具, 但理解同講返個古仔出來, 答到相關題目, 甚至expand加自己個人意見上去, 就係兩件事.  

第一, 多讀書.  唔係個個字都要查的.  讀書有一種叫context clue, 就係睇上文下理, 你自然識解個個字.  如果下下查字, 小朋友會好悶.  所以最好唔好為求速度, 谷小朋友加快程度去讀d深嘅書,  比較邊個讀到幾深嘅書, 讀左幾多本, 呢d除左滿足大人外, 對小朋友學習係冇意義嘅.  慢慢由個小朋友遁住自己程度去發展, 佢想重讀一本書由佢, 佢重讀時, 理解會加深, 學的生字會自然多.

要求小朋友朗讀比你聽, 你亦要講故事比佢聽, 佢一邊聽, 會一邊問你問題 (點解個個人會咁? 呢個字點解?), 你讀比佢聽同時, 亦會提高佢嘅興趣.  不論佢朗讀或是你讀比佢聽的書, 可以抽一d相關問題問下佢, 呢d就係理解.  如果佢都講唔返比你聽, 就未必係好理解啦.  所以你要因應佢年齡的理解能力同閱讀能力去讀書.

elmostoney

琴晚我個女發現左一本佢唔知我地屋企有嘅書(我買到都唔知有物係屋企). 呢本係一本好簡單嘅圖畫書, 佢叫我讀, 我最初唔太想, 因為佢都睇到 Little House on the Prairie呢d, 點解仲要我讀d咁淺嘅書?  我最後都讀左, 後來上網睇返, 呢本書人地外國中高小(小三以上)的老師都用來教寫作呀!  因為個故事寫法好特別, 所以今晚我會攞出來同佢地重溫.  唔好睇少簡單的書, 睇書唔係闘勁, 切記呢點.  好在我琴晚冇dismiss呢本書, 叫我個女自己讀, 唔係我就錯過左呢本好書, 好攪笑又用對孩子來講好特別的手法去寫, 我個女剛好到左一個階段, 同佢分析呢種手法佢會明.

elmostoney

我只想講, 早學係冇必要的. 小朋友到適當時間學, 會水到渠成.  你太早比佢, 佢做唔到, 可能仲生挫折感, 過一段時間你想再試時, 佢如果associate呢樣野同之前挫折有關, 可能仲抗拒, 學得仲慢, 咁又何必呢?  個人認為, 視乎個別小朋友情況, 但學phonics, 最早都係3歲, 如果未ready, 再遲d都得.  早學d, 就學得慢d.  遲學d, 就學得快d.  我家老二, 四歲1一個月開始自己教佢, 八九個月嘅時間, 基本上已學哂所有phonics (包括blending), 睇哂peter and Jane, 但係佢讀到唔代表理解到, 四歲九個月, 佢有能力讀到Nate the Great (當然係我坐係到夾住佢讀), Magic Tree House比較簡單的 (後期的比較難), 但係佢根本心智未到, 只想睇圖畫書 (如Curious George), 咁又何必呢?  可以講比人聽我個仔未夠5歲就可睇到入門chapter books, 意義何在? 對佢長遠發展又冇幫助.  佢5歲幾時, 老師讀Flat Stanley比佢聽, 佢都覺得唔好聽 (唔洗自己睇), 但一年後, 佢又覺得幾好 (6歲幾), 甚至會自己睇下.  大家的目的, 都係想培養小朋友閱讀興趣, 唔係要佢死趕程度, right?  

而家睇返轉頭, 當時我個仔算學得好快, 一返Year 1, reading 係最勁個幾個, 但係(當然我中間放鬆哂, 唔想迫佢)而家佢7歲, 最後咪一樣冇快過人.  so what's the point?  我甚至唔係2歲叫佢學phonics了, 都過左4歲先開始.  佢有能力, 唔代表一定要做, 要佢係其他方面都能配合, 咁先可以持續.