呢間小學好不好架！多人選擇嗎？

heinaman

呢間小學好不好架！多人選擇嗎？

heinaman

馮晴小學？好吾好架？

ddvvbb

何謂好呢? 多人選? 課程夠深? 定係老師有愛心呢?

heinaman

我見呢區大部份都是選擇將循居多！
是否呢間学校唔多人報？

ddvvbb

馮晴都OK多人報的.

cleokiko

將循校舍靚，但前身是天水圍循道，朋友以前係入面教，朋友個朋友識將循高層，兩者都說將循不好，教學輕鬆，但小朋友學唔到嘢！

heinaman

請問馮晴是不是一間較吃力的小學？
咁呢間學校是否受歡迎？

ddvvbb

小一功課量ok.學習不算太吃力, 中文深D.
坑口區人一般以馮晴做首選.

heinaman

多謝心,你的意見！

bb20040225

請問有冇分精英班，會否跟成績分班？

happyAJma

回覆 bb20040225 的帖子

三年級開始有精英班, 其實二年級開始在班中都有跟能力而分3個小組, 最醒的一組的功課是深小小的,

sycheung8

回覆 happyAJma 的帖子

二年級已有分組 我仔讀緊P.2但我唔清楚有分組別

Suger

有精英班

豬豬MCK

小一已經分組啦,按能力分組練習,其實都好呀,顧及不同能力.成績差暑假有免費補課,大部分老師都唔錯.
林校長鼓勵多閱讀,所以中文會較深,如果你小朋友係學習上冇咩困難,而父母又著重成績及會跟進督促子女功課,呢間唔錯.
我小朋友今年升三,我同識得一齊讀的家長都覺唔錯.

雨露

可以講下馮中英數係咩出版社嗎？同每日幾多功課啊？

f6f

雨露 發表於 14-6-27 17:08
可以講下馮中英數係咩出版社嗎？同每日幾多功課啊？

我呀女是扣門小一入的, 今年是小六明年升中一.
我女三年級至六年汲都在資優班(精英班)

女兒在資優班成績大多敷是3A1B.


佢地禁多年的功課唔算多, 通常1個小時至1個半小時可以做晒.

六年級有時功課會多D, 有時會做多個2個小時特別是假期前. 伹整體來說小朋友可以接受到.

佢地最難的籽科目當然係中文, 因中文唔似數學及英文有規格跟, 係比較難明特別係重組句子, 有時同個女溫都唔知點同佢溫.


每間學校都有佢的優點缺點, 馮晴亦一樣以我女禁Hea佢都能夠教到我女成績唔差(可能係教學方法夾我個女). 我覺得佢地係唔錯的小學無後悔當初扣門入.

meilo

原帖由 cleokiko 於 13-12-10 發表
將循校舍靚，但前身是天水圍循道，朋友以前係入面教，朋友個朋友識將循高層，兩者都說將循不好，教學輕鬆， ...

真係？呢間返屋企，諗住方第一添…而家有点動搖添

Angelafyfy

原帖由 豬豬MCK 於 14-06-27 發表
本帖最後由 豬豬MCK 於 14-6-27 13:35 編輯

小一已經分組啦,按能力分組練習,其實都好呀,顧及不同能力.成 ...

係網上聽到，好多人話尼個學校好嚴，其實都想知多D，我心中 target 將天同馮晴。我欣賞馮晴重視中文，重視學術品行，同樣，我亦欣賞將天的重視科學，有種植地方，聽聞將天英文程度較深。小二開始普教中。

唯獨，聽了好多馮晴老師冇愛心的資料，有少少擔心。請各位將軍澳媽媽多D分享下。

ddvvbb

回覆 Angelafyfy 的帖子

不如去聽下簡介會先啦, 在問答環節時問下校長, 不要老是"聽人講......點點點" 不用怕的, 我當年都係咁問馮晴校長D老師惡唔惡.

http://www.plkfcmps.edu.hk/new_fcs/news_view.php?id=1424