請教聖馬太家長既意見

elaine407

各位, 我小朋友K2, 九月K3要選校了~ 因為爸爸是舊生, 有20分, 有少優勢....聖馬太很校風嚴, 派中學 band 1 很多, 不過知道聖馬太一向很谷很多功課, 有d直頭話做到喊, 我怕對小朋友做成很大壓力....心大心細中~

你地小朋友都返左一段時間, 想問吓你地有咩意見 ? 跟得辛苦嗎 ? 值得選聖馬太嗎 ?

stefi

Elaine，估唔到呢度撞到你！
我朋友果時都係舊生，佢擔心出去搏機會唔大，明知道程度教深半個學期都要照報，最終第一輪入到，依家讀緊小一

benny2014

我好耐好耐以前都係聖馬太舊生，間學生真係好谷功課，默書又多，我唔止做到喊，直到發脾氣掟書。依家諗番轉頭，好處係可以打好語文基礎，入到好中學既機會亦比較多，而壞處就係無時間做課餘活動，以我為例，我想學琴和游泳都因為功課太多而被迫放棄，令我由好動變為被動。

讀不讀這間學校就見仁見智，要看你的小朋友是否適合這種教育模式。

題外話 :我小學時期立志做工程師，因為想長大之後拆左依間學校(細個果陣以為做工程師就可以隨便拆樓)

elaine407

回復 stefi 的帖子

Stefi~~
你會點抽揀呢 ?

elaine407

回復 benny2014 的帖子

benny2014, 你的志願

所以我真的好猶豫揀唔揀好, 我女好喜歡舉手答問題, 但佢唔 like 抄寫, 我驚佢日日俾人鬧, 怕左返學, 日日都唔開心.....唉, 好煩! 所以想聽吓其他家長意見.........

elaine407

點解聖馬太咁少人講架~~

stefi

因為好多家長未必識得上黎傾(包括其他學校), 所以少人講

jasonhelen

我都係聖馬太舊生，我個女今年畢業(同樣讀聖馬太)，初初佢讀的時候是很吃力，但到二、三年級，小朋友已適應。

heiheikwok

我小朋友依家係小一，我老公係舊生

上學期初初開學都好吃力，不過依家好左，小朋友已經習慣左

Ivy--yeungyeung

我個仔讀緊小二，他是插班入小二的，我又覺得不是想像中咁谷，不過父母一定要跟一跟，我小朋友勁好動，我都有時間出去參加課外活動（over 4種），所以樓主不用擔心，這真是一間好學校！

Ivy--yeungyeung

數一數，除學校的乒乓球班，仲有六樣課外活動起出面学

daisylhn

我都係舊生, 讀上午精英班, 曾經試過做功課做到第二朝六點...

不過確實令基礎知識很穩, 我哋重同小學班主任有聯絡 佢嗰時罰我哋罰得好勁﹗

chakmami

我個女都是讀小二精英班, 功課超多, 放學回家做到9-10點. 其他班應該比較少功課, 如果不是要求小朋友一定要入精英班的話, 功課壓力應該不大.

chakmami

點解咁少人講聖馬太, 因為家長都忙著跟功課嘛

jasonhelen

樓主，請放心揀聖馬太，我個女都挨左6年，今年畢業，返到補習社，補習老師話我個女個基礎(尤其是數學)打得好好，經常影印我個女d數學紙俾其他同學做。

elaine407

見到大家回覆, 放心多了~
剛個星期去左聖馬太 visit, 感覺都ok, 希望無幫個女揀錯啦!

想問大家覺得學校老師點?  另外學校多親子或家校合作嗎 ?

charlottesonl

大家好呀,我都想選擇聖馬太呀,因為自己都係舊生,大家可以分享下.

tongtracy

我女是细b，我有D担心。
如果跟阿哥一定入到，还是c h o i c e  其他 school好呢！

josejandy

請問升中band one 有幾%？