想請教中西區聖安多尼家長

Babychunma

我想請教現在就讀中西區聖安多尼小朋友的家長，此校的老師質素是否無以前咁好？因為我識人在此校讀，佢哋都話現在d老師冇以前咁有責任感，我想知其他家長是否有此感覺。thx!

Octopusma

我仔讀緊小4, so far我唔覺有咩大問題, 每間學校都總會有好同唔好既老師, 但我眼見既都ok囉...

心朗小B

請問課程比起其他校是否比較淺，功課比較少口尼？派位方面是否只是上年比較遜色，以前是比較好呢！校園大，靚，校方是否有多方面均衡發展，open day .teacher said投資很多在電腦方面，是否呢？先多謝意見，因找不到用家回答，之前帖子很多是2007年，沒有update info

Octopusma

心朗小B 發表於 13-6-17 08:09
請問課程比起其他校是否比較淺，功課比較少口尼？派位方面是否只是上年比較遜色，以前是比較好呢！校園大， ...

心朗小b, 剛剛post左響小一選校大版, 再返來中西區先睇番你呢個post, 我copy番響呢度一次吧.
響番同區講個topic無咁易沉底~~ hehee  希望d資料幫到你.

看來好多家長會好易mix up 聖安多尼同中西區聖安多尼, 我係中西區聖安多尼家長, 大仔小4, 家長之間用中尼(醫院道)同舊尼(教堂隔離)作區分....

大仔入讀初時都上網搵資料, 但真係無乜人講, 可能因為只得10幾年歷史, 又唔係大熱學校, 就算搵到網上評語都唔太好, 成日聽到人講中尼功課多, 好辛苦, 老師無愛心等....

初期我就因為擔心選錯俾阿仔, 所以參與多d義工家長活動, 眼觀接觸到既老師無網上講得咁差喎, 整體我覺得幾好的.  當然間間學校都會有好同唔好既老師, 好睇小朋友彩數....

較多人想知既都會係課程, 功課量, 學校時間表吧.  我只能提供小4大約資料, 小1~3既我答唔到太多, 因為大仔之後果年轉左d書本, 會有唔同.

主科中英數都有作業/補充/工作紙, 輪住黎做或一日兩樣, 唔會日日做齊咁多本. 改正唔計在內, 唔使改正就做少樣.

中文 -
小一廣東話教中文, 小二先開始普教中, 學校認為小一生有太多轉變要適應, 所以定響小二先普教中, 讓小一生無咁吃力.
近兩年轉左書, 用啟思語文新天地., 老師話本書係比較深, 但我唔知有幾深, 因為無同其他學校既書比較過, 我只知d字細隻左, 文章長左...
   
英文 -
小1~3用教處推行果套PLP R/W再配一本Oxford Student  Book. 我唔知好唔好, 因為我仔入讀時未轉呢套課程, 學校因應家長"多年"意見話英文課程太淺, 響舊年轉用Oxford student book, 之前用step up既. (高年班家長講我知轉書原因的, 我其實唔知乜頭乜路)
作文多在校內作, 老師按學生能力分開字數要求, 所以有d學生可能只作60字以上, 有d學生要作90字或120字以上, 我仔學期尾講起我先知.

數 - 無咩特別吧.
常 - 1本作業, 另有專題作業, 一年一次

其他音樂, 視藝, 體育, 宗教, 普通話, 都係果d課程, 應該間間差不.

老師會鼓勵佢地響轉堂, 小息, 午休, 導修課做功課, 每日放學前有25分鐘的導修課, 俾小朋友抄番未抄好既手冊, 一早抄好晒, 就可以做功課, 我大仔小1~3都做得到, 所以返到屋企無野做淨係玩, 去到小4整個課程真係步入高小, 深左, 功課再唔係抄抄寫寫, 要用腦思考, 功課無咁易響學校完成, 但仍有同學可以做晒返屋企, 當然亦有小朋友導修唔肯做功課, 情願睇自己帶返去既圖書.

小一生可以去社工室借小玩具玩, 小息響操場有老師同高年班學生帶小朋友玩遊戲, 幫助佢地適應.  

舊年聽老師講, 今年開始有功課輔導班, 俾一d返到屋企無人教無人睇功課既學生, 留響學校做功課, 連星期6早上都好似有.  

舊年派位, 男生好似派得好差, 原來主因係舊年女生比男生多出近30人 (1級90人), 女生一般響小學階段成績較男生好, 頭30名只得幾個男生, 所以男生派去出名中學人數相對較少, 外人覺得派得差, 我作為中尼家長一樣嚇死左, 後尾見人數差異先放心番... 派位好唔好, 我就唔識答喇....

Octopusma

心朗小B 發表於 13-6-17 08:09
請問課程比起其他校是否比較淺，功課比較少口尼？派位方面是否只是上年比較遜色，以前是比較好呢！校園大， ...

有回覆你既問題:-

我曾問過兩間補習社既miss, 兩間都話st. peter最多功課, 一間話中尼算係第2, 另一間話中尼唔算特別多喇...
好睇小朋友個性, 我大仔小1~3都仲聽老師講, 會響學校做功課, 小4大左精左曳左, 功課寫既字多左又要思考完先答到, 唔願做, 就成日有欠交了.  

但我細仔, 連kg既丁點功課都做到發呆雲遊, 我就較擔心佢未必跟到, 但得10分太搏, 可能最終跟番哥哥, 但課程同學校運作較熟, 我可以早d做準備, 對細仔我都要加倍花時間幫佢先備課(阿哥從來無幫佢備課, 我好懶...)

均衡發展 - 課外活動有動有靜啦, 課堂上就唔多知, 阿仔唔講就唔知, 無觀課安排.

無open day, 但每年有個校內元宵晚會, 所有家長學生都可以參與, 可以入到學校內遊走玩攤位, 當晚仲有校內籌款活動, 贊助老師校長上台唱歌, 捐多少無限, 我地睇到覺得好有趣... 眼見舊生返黎搵好多唔同老師傾計影相, 有說有笑, 照睇應該老師都唔錯吧.

電腦係更新左, 每個課室都有實物投影, (可能好多學校都已有, 無咩特別), 不過學校係無ipad呢樣野, 我係贊成既, 好壞眼呀...

mymelody2003

Octopusma 發表於 13-6-14 12:24
我仔讀緊小4, so far我唔覺有咩大問題, 每間學校都總會有好同唔好既老師, 但我眼見既都ok囉...  ...

Octopusma... 我囝囝都係小4

我很認同每間學校總會有好同唔好既老師, 最緊要係家長怎樣配合學校, 必定事半功倍呢.

囝囝讀得很開心, 學校程度中等, 小四開始功課量較多, 個人認為學生成績好考入其它中學不是太大問題.

我都睇到去年派位好差, 全級頭10名只有2個男生, 原來是男/女生比率問題, 希望今年派好d.

Octopusma

mymelody2003 發表於 13-6-20 13:00
Octopusma... 我囝囝都係小4

我很認同每間學校總會有好同唔好既老師, 最緊要係家長怎樣配合學校 ...

依.... 同級? 我未試過響bk/ek遇到同校同級媽媽啊... 我同你私下再慢慢交流下呀...
你個login 名都好熟好熟.... 我仔都係2003年啊...

遇到好老師真係好比中六合彩...

mymelody2003

回復 Octopusma 的帖子

好主意

maggieandrachel

多謝你分享咁多！

仲有一個問題係，宜家有d家長話，有好多學校教的淺但考試深。你覺得中尼係咪都係咁呢? 同埋如果真係咁樣嘅風格，小朋友係咪一定要係出邊補習，如果冇嘅話，會唔會考試成績差而冇左自信呢?

Octopusma

maggieandrachel 發表於 13-6-25 08:34
多謝你分享咁多！

仲有一個問題係，宜家有d家長話，有好多學校教的淺但考試深。你覺得中尼係咪都係咁呢?  ...

又唔覺考既比教既深喎, 當然高年級常識有時事題, 要靠自己留意新聞喇,
老師再三同學生強調, 係考番書同教過既野, 唔會考d書無既野.

中英文始終係教文法, 出問題唔會同功課一式一樣, 會有變化係正常, 要識應用, 但肯定唔會未教past tense但要填past tense.

lam_brenda

我想問下學校多机會给不同小朋友上台表演嗎? 小兒較被動，以你所知，學校如何培養小朋友主動學習及建立自信心？

今年派位好像仍是女孩較好，此校是否女多过男？

pinglp

原帖由 Octopusma 於 13-06-17 發表
心朗小b, 剛剛post左響小一選校大版, 再返來中西區先睇番你呢個post, 我copy番響呢度一次吧.
響番同區講個 ...

請問老師流失率高唔高?

pinglp

原帖由 Octopusma 於 13-06-17 發表
有回覆你既問題:-

我曾問過兩間補習社既miss, 兩間都話st. peter最多功課, 一間話中尼算係第2, 另一間話 ...

反而我覺得用ipad唔好。apps有限制。未必fit到學習目標。又有技術困難。開機save野都可能有問題。晒時間。有活動教學已經足夠

Octopusma

lam_brenda 發表於 13-7-23 12:20
我想問下學校多机會给不同小朋友上台表演嗎? 小兒較被動，以你所知，學校如何培養小朋友主動學習及建立自信 ...

要上台表演分幾個情況, 一種係學課既課外活動e.g. 參加左歌詠團, 手鈴或非洲鼓活動, 咁每年下學期考試後都有個才藝晚會, 就會有份上台表演, 另一種係老師問同學參唔參加, e.g. 集誦朗誦, 有時係d小朋友自己傻下傻下舉手報名, 有時係老師選出黎, 呢d活動就響校內早會之類會表演俾同學睇.

中西區聖安多尼年年都係女仔派得特別好, 早兩年女仔多男仔近30人, 剛過去一年相差無咁大, 黎緊一年係平均....
可能又唔同d...

Octopusma

pinglp 發表於 13-9-11 19:54
請問老師流失率高唔高?

每年都有2~3個新老師, 有d舊老師返屋企照顧自己小朋友, 有d係退休, 有d係因病, 但今年有5個新老師, 我仔5年黎最多既一年. 我唔知呢個流失算唔算高喇, 要睇番總教師人數計比例..

Obiepapa

原帖由 Octopusma 於 13-09-15 發表
每年都有2~3個新老師, 有d舊老師返屋企照顧自己小朋友, 有d係退休, 有d係因病, 但今年有5個新老師, 我仔5 ...

多謝你的資料，了解學校許多。

Obiepapa

想問下中尼有無乒乓球課外興趣班？好多學校介紹有寫但中尼就無。

Octopusma

原帖由 Obiepapa 於 13-09-30 發表
想問下中尼有無乒乓球課外興趣班？好多學校介紹有寫但中尼就無。

有乒乓球呀！

Obiepapa

原帖由 Octopusma 於 13-10-02 發表
有乒乓球呀！

可能漏寫左

fannyxdesign

請問中尼是否活動教學？thanks!