各位讀梗york既媽咪,請問你地覺得依間學校點??

shirleymatt

純綷路過, 基本上我覺得好多時家長質素真係好重要, 我好多時成日見d 家長自己成日係度鬧學校商業化, 咩都講錢, 又話成日要開支票咁, 我都會好想問到底咩係商業化? 要比錢就商業化??? 呢個世界無free lunch, 作為一間私校, 佢地要負責所有成本, 難道全部野免費比你? 佢地咁有heart 幫家長同小朋友搞活動, 家長不單無感激老師, 仲要投訴要比個$12蚊買張相, 我真係覺得好好笑!!

而且學校表演, 咁當然老師係攞上堂一d時間練習啦, 唔通放學留校練習咩? 一陣又話無校車坐, d家長咪又complaint? 佢地一年先得一次easter party, 搞得咁有心, 難道作為家長真係咁斤斤計較? 我小朋友都有參加, 唔通我又話佢用上堂時間同我個仔練, 唔上堂呀? 同埋佢地都係練幾日, 都係個約十至十五分鐘, 班主任要同佢地排舞, 咁小朋友睇一陣益智卡通片, 我又真係覺得咪大家互相遷就, 互相體諒!!

商業化? 真係搞笑, so far, 我真係報咗一個劍橋course, 仲要係我自己衡量過, 覺得值得, 因為好多小學都會睇呢個試我先報, 坊間要讀都鬼死咁貴, 但唔鐘意咪唔好報, 我識好多家長都無報, 日子咪又係咁過. 反而d家長一陣又話唔報, 一陣又怕蝕底, 我覺得仲搞笑.

今年我個囝u3, 佢呢三年讀得好開心, 而且我亦好滿意, 再加上我個劍橋考得都好好, 雖然唔代表我一定會考到d咩出名小學, 但我會覺得佢地呢三年過得好歡樂, 我亦感受到老師唔係個d做又三十六, 唔做又三十六, 好有心搞好多活動比大家. 活動當然要比錢, 如果唔係, 可以好似我d 朋友咁讀一d社會服務機構幼稚園, 去旅行比幾廿蚊就得!

仲有, 年年好多人都會講一大堆, york 超易入, 又點又點... 但我諗大家都會問, 佢收幾百人, 相對地係會易入, 但易入就代表呢間學校有問題嗎? 家長不要在小朋友幼稚園時便要他同人競爭才顯得有優越了, 人生漫漫長路, 有排爭, 留番d溫馨記憶比自己和小朋友, 老了, 還可以看相, 大家回味笑下吧!

shirleymatt

MATTHEWLIMAMA,

唔好意思, 咁遲先覆你, 我係以中文為主要溝通語言, 但學校學過既英文, 尤其是拼音一定會同佢溫. 我想父母既責任並唔係要教佢英文, 而係要培養佢有讀書興趣, 呢樣係重要過知識既傳授.所以父畆英文叻唔叻並唔重要, 唔駛擔心, 你放心LA, YORK 教英文真係有佢一手, 我雖然可以同個仔用英文溝通, 但我會認為中文既達能力都一定要有, 所以我亦都唔會刻意同佢用英立溝通.

我只會講, 每年YORK 一定有D 無讀過既MAMI 會講一大堆"我聽人講..." 既說話, 你慢慢會見怪不怪, 亦都好少MAMI 會特登出嚟澄清, 因為佢地普遍都懶得講. 如果你問我, 我會好滿意呢間學校, 因為我們要以心彼心去了解, 去感謝老師, 去多謝教誨, 呢樣係身教, 一些家長會因為少少野便發脾氣, 例如考試無名次, 無得做班長, 又或者覺得自己個仔女好叻, 但又攞唔到D 咩獎而周街鬧, 實在太多呢D人, 但我們作為成年人, 應客觀分析及了解, 希望你嚟緊呢三年會喜歡呢間學校!

原帖由 matthewlimama 於 09-8-25 17:40 發表
Re : SHIRLEYMATT

我想問問, 你同你小朋友係家係用中文定英文溝通?
而家我都會同我小朋友用一D好簡單既英文溝通,但我怕吾夠~!

Re : MelodyLeung11

其實係同一間學校,只係地址吾同
我只知道佢地有英文,中文同普通 ...

shirleymatt

其實我個仔都搵小學, 我都好少上嚟呢度睇, 但有時見D家長講既野, 真係好好笑.... 你話一D "聽講..." MAMI 都算, 但連D讀緊既MAMI 都係咁講, 所以我實在覺得學校面試都要IN 埋家長...

有好多家長將雜費同D 興趣班, 劍橋混為一談, 到底佢地知唔知咩叫雜費呀???? 興趣班, 例如星期六返D 畫班, 非洲鼓, 體操等, 全部都叫 興趣班呀, 即係你讀唔讀都得呀, 好多幼稚園都會有, 小學, 中學都會有呀, 大佬, 你覺得啱咪讀囉, 唔啱咪唔好讀LAW, 無人搵支槍迫你, 咁都叫雜費, 咁我係出面學一大堆野係咪又入佢數???

仲有呀, D 人好搞笑, 將呢D 興趣班同成績,  名次掛勾, 究竟佢地有無聽書呀? 有無睇通告?? 有無問清楚呀? 人地係講緊校內活動呀! 即係例如花燈設計, 新年吊飾等... 佢地都係想鼓勵家長多D親子活動, 無人話一定要攞獎先有分呀, 最重要都係睇小朋友學校操行, 我識個小朋友, 佢二年都無參加過什麼興趣班, 連劍橋都無讀, 人地咪又係攞足二年操行奬. 家長要學習接受 "天外有天, 人外有人" 既道理, 唔好小朋友攞唔到奬就搵野賴LA,

唉... 我再咁講落去, 遲早實比人話我其實係D學校臥底.... ^^ 但我又不吐不快~ 激死!!

shirleymatt

原帖由 maysiupoon 於 09-10-16 14:11 發表
Hi Chincco,

I notice you have 2 children. Is your younger daughter also studying at York? If not, why did you choose another kindergarten for her?
(I have submitted application for York K1 in 2010)

...

等我幫chincco mami 答啦, 我記得佢講過, 佢好鍾意york, 本打算讓細女跟住讀, 但好好彩, 佢in 協恩, 協恩收咗佢個靚妹妹, 因為協恩可以比協幼學生叩門, 所以佢選了協恩, 但佢仍然highly recommend york.

hehee~~~ chincco ma, 如有錯, 請更正!

shirleymatt

好耐無上嚟了, chinnco 媽好嗎???

都係個句啦, 一間幼稚園難唔難收人對我嚟講無意思, 因為佢教唔教到我個仔先最重要, 如果覺得心理上要幼稚園都爭下先 '開心' er, 咁我唔係呢類人~~

我唔知點解成日覺得d mami 要上嚟報料~ 因為好老實個句, 以前上幼稚園版係收下風, 小學都考完了, 咁梗係轉陣地去小學版la, 都無咩特別, 好少番嚟呢邊~ 再加上, 我可以講york 家長真係唔似其它幼稚園咁終於show off... 唔想大家下下咁要同其它幼稚園比^^

而我所知, 學生考得幾好, 大多數都都考得心目中幼稚園, 去KTS, SFA, DBS, YING WAH, ST. PAUL CO EDU, GOOD HOPE , 陳守仁, 禮賢, 培僑, 等都有幾多人, 基本上好多人都唔止一個OFFERS係手, 所以END UP我都唔知佢地想要咩.

我仔仔就差不多間間都有SEC. IN, 有4個OFFERS, 不過我諗最尾會選SFA.

其實睇入咩小學都好難答你好唔好, 因為都要睇家長心態要咩, 我發現有幾多家長唔似以前咁咁重視傳統幼稚園, 佢地反而真係好CONSIDERED小朋友性格, 讀書壓力等而去'簡', 亦有好多簡政府出名小學咁.

有D幼稚園一收, 收六百幾人, 間間小學都有佢地D學生都唔覺得奇, 但我亦都可以講, 我識幾個 '柑桔' 同'貓咪', 一間都考唔到. 我唔會話間幼稚園唔好, 只會話小朋友準備得未足夠, 還有的是唔夠運~~

所以祝大家好運!!