九龍禮賢幼稚園K3家長請進！

朱古力

我囝囝讀上午幼勇班，你地呢？

littleeva

我仔讀下午幼望班.  今日返學有我地陪. 我仔仔好開心. 問他明天要唔要返學. 他話要.

今日回家 玩到 5時 45 分 訓著左.  而家都還未醒. 等陣要叫他起身食飯

您地小朋友今天返學開心嗎? 大家一齊分享下.

GraceMami

囡囡今日上堂好好笑, 經常發言, 有次老師問小朋友知不知道甚麼, 她答 "我婆婆知道架"; 有次又突然大大聲說 "我好鍾意禮賢學校同Anfield School", 弄得兩位老師連忙說 "多謝捧場"....

不過, 今日男女分班都覺得很多人, 整班同學一起就更多人哪.  可能她兩歲班時只有十多位同學而又係兩位老師, 所以覺得人多吧.

littleeva

GraceMami

我都有同感. 如果不分男女上堂時, 真係好多人. 不過都時又會少了d 家長. 我仔讀 bb 班時又係 人不多. 有 兩 位老師.  
點都好. 而家大個了 讀 k 1 . 見多d 小朋友 都好. 不同bb 班要老師多些關注.

您呢 grace & 朱古力 請問您們知唔知道 在 kowloon tong 如何 去 禮賢. 唔知那個出口, 應該坐什麼 號 的 van 仔. tks

朱古力

bosze
真係岩喇，唔止同班仲同一組呀，我囝囝都係西瓜組，我囝囝個名叫陳塱生呀，佢未夠三個月我就帶佢返托嬰院，因為我要返工，到今年七月才由公公婆婆揍，佢已經慣左我要返工，所以我都唔膽心佢，但要安排得好ｄ，同佢講清楚現在做咩．

其實囝囝遲ｄ會搭校車，現在我每天都在又一城摸摸下搵出口，果度太大次次都唔知行左去邊，現在我認住在城市大學的出口上一層，但我諗唔係最近的出口，再去小巴站搭車，你唔洗怕唔識落車，因為大把禮賢學生同車．

littleeva

bosze

謝謝您教我如何坐車.  雖然仔仔都會坐校車. 不過我要教定自己 和 工人如何 去學校. in case 要自己接送 都會方便d.

下星期小朋友就要自己返學啦. 希望一切順利.  係呢 您地帶什麼茶點. 我仔話要食提子包.   

朱古力

我諗住買獨立包裝既餅仔比佢帶返去．

littleeva

朱古力

我問過老師如果是獨立包裝既餅 要先行剪開口.  我仔暫時未識自己打開.  星期一有得出去學校公園玩. 希望唔好下雨呢.

Paklamma

請問各位家長，禮賢學校幼稚園的畢業生，通常會派到那一間小學．

tiger

我囡囡讀幼愛班, 她都玩得好開心, 希望下星期一佢自己搭校車會無事.

GraceMami

littleeva,

在九龍塘MTR 出 exit C "又一城" 出口, 你會見到 百佳Superstore, 上多一層會見到 INFORMATION Counter, 再上多兩層, 轉右會見到兩個出口, 左邊是的士站, 右邊是巴士及小巴站.  往小巴站乘41M, 車會沿著達之路行, 你留意左邊, 見到7-11, 就叫 "禮賢", 通常會停在教會禮堂門口.

呢兩日放學, 我都同Grace 去又一城睇人溜冰, 每次佢都唔願走.  

你有無打算參加學齡前保健?  我報了.

GraceMami

關於茶點, 我考慮讓她帶餅乾, 小三文治, 藍莓乾, 花生, 威化, 我有考慮fruit salad, 不過唔知會唔會變壞.

朱古力

littleeva,
多謝你提醒我,我會放入膠盒比佢帶返去.

GraceMami,
天氣太熱喇,真係唔係太適宜帶D易變的食物.

係呢?你地覺得個學齡保健有咩意見呀!

瀅瀅媽咪

Hi, 妳們好
我囡囡明年讀k1, 請問這校interview難唔難考呢? 多數考什麼? 比d意見我la?
thk.

BoBo_媽咪38

瀅瀅媽咪,

一D都唔難, 大約有六對小朋友及家長係課室, 分咗好似有四張枱有好多玩具, 小朋友一定會玩玩具, 我覺得最緊要教小朋友唔好爭玩具, 因為有二個老師會係課室觀察佢地, 仲會走去同小朋友傾吓計, 又會同家長傾吓計, 氣氛好輕鬆.

不過我覺得interivew 當日, 要keep住個小朋友既情緒, 事前解釋比佢聽, 等佢當日開開心心, 應該無問題. :wink:

littleeva

朱古力.

不用客氣. 我都唔知帶什麼. 惟有問仔仔.
我會叫工人留意下每次有否食唔晒. 從中希望知道仔仔最喜歡食什麼茶點.

grace

謝謝您教我坐車. 我會下星期5 接仔仔放學. 比他一個

surprise .
至於溜冰 我暫未有諗過比仔仔學 大多少少先啦.

瀅瀅媽咪
interview 都唔係好難. (係我和仔仔考的最易一間. 感覺很好.老師親切 )  只是傾下計. 問下小朋友什麼名.  和家長反而傾多d. 大多數都係圍繞 邊個湊, 小朋友生活上的問題. 一d 都唔難. 至於收唔收. 就真係要睇果年多唔多人考.

Paklamma
小學派位係跟自己的住宅區而派. 不是跟幼稚園. 禮賢都有自己的小學. 是私校. 要比$$$ . 好似是 around  26,000 一年.  不過聽講不是收番昨全部幼稚園生. 係要面試.
我都係新生. 有成 2, 3 年時間去了解. 都時至決定會否讀番禮賢小學. 對我來說最大問題是交通. 和 要交學費.

瀅瀅媽咪

BoBo_媽咪38,
多謝妳的意見, 希望可以考到la。

thk.

朱古力

yy13,

1. 唔怕架,佢地既宗旨係要係好平靜既環境觀察小朋友,唔會比小朋友有壓力感覺.
2. 家長可陪小朋友一起入課室,約十幾二十人一組,老師會同家長和小朋友傾計.
3. 最低限度早晨拜拜都要敢講架.
4. 我搵左4間.
5. 個個媽咪都想見完就知結果,但無可能,除非你走後門,(識人跟本唔洗面試)
6. 其實出名果d或一條龍果d就算果年出生率幾低都係好多人考.

penpen

我個囡頭兩日返學都好怕醜,平時都唔係咁! 希望佢星期一返學見到左右既男同學之後會好d啦~ 因為佢鍾意同男仔玩多d!!

朱古力,
我呢排都係諗住俾阿囡帶d餅仔返學校做茶點咋~ 所以家陣已經買左好多種唔同既餅乾,間中應該仲會整d cookie俾佢帶,食物盒我見到靚都忍唔住手買左3個 ,諗住遲d天氣涼番d就會整d小小三文治同埋烚下腸仔俾佢帶,以後醒起有d咩可以帶大家分享下啦~~  
學童保健果個計劃我都諗緊, 因為見佢好似冇咩特別都要$400仲要去到觀塘, 都唔知join唔join好!  

littleeva,
我都諗住星期五去接我個囡放學呀~ but係再跟住果個, 因為阿囡生日, 去接佢放學同佢去玩下!   之後我都諗住每個月都起馬會去接佢一次架! 等佢開心下都好嘛~

朱古力

penpen,
好呀!如果諗到帶d咩食物,大家交流下,

我囝囝好鐘意thomas,所以水壼食物盒全部都係thomas,明天要留低佢自己係學校,我諗囝囝就唔會喊,不過如果其它小朋友喊,唔知佢會唔會呢?我已經講清楚比佢知,放學要搭勞叔叔的車,然後去亞公度,囝囝好鐘意勞叔叔個名,成日邊講邊笑.

我都會安排一下隔段時間去揍佢,等佢有個驚喜.