04年9月入讀小一家長請進！

MichelleChen

I will pay her $10 a week! Just in case she need to buy her favourite! Besides pick her a snack box like(Oreo, cookie, finger sandwiches or cake....)!

MingMing626

有人教我每日比$1但如果家課冊上有欠功課或唔記得帶

katiema

Astrid,

我諗同佢在幼稚園差不多, 包, cake, 餅 & 佢自己要求的小食, 但冇益就多數唔比, 你有麥提意比我....>_< . thank you

Astrid

katiema,

我就係無咩 idea .... 而且, 我女好少搵野食, 平時係屋企都唔多搵 ...... 如果我無記錯, 佢學校買野食係可以用八達通, 我費事佢跌錢  -.-"

麟媽媽

如果比八達通比小朋友，記緊教佢唔好亂用喎！
我朋友為女兒增值了不久但好快無晒錢，原來女兒覺得用八達通好有趣，站在那vending-machine前不停替人用自己張八達通比錢！小朋友對錢無意識，只覺一拍便有食物出來好好玩，激到我朋友死死下，叫佢唔可以再替其他同學買東西！

你地買邊類型水壺比仔女？我買了成個樽是鋁的，樽口拉出好似運動員飲的那種款式。本來諗住唔想個仔又要揹書包仲要揹埋水壺，咁呢個水壺係無揹帶的，可放在書包側的袋子中。點知朋友告知小息佢地四圍走，無揹帶水壺唔方便，好容易唔見！攪到我心大心細想買過個水壺….但我朋友話唔使住，因好快會唔見左，到時先買都未遲！佢個仔上年小一，佢話已用了好幾個水壺，筆盒都整爛左兩個！佢仲話用筆袋好D，因會輕D，因要帶書簿、又有食物盒、水壺、濕毛巾盒、筆盒….幾十樣野加埋好重架！

Cheung

各位媽咪,

其實我就話最好唔比零用錢, 因為我o地每日都會準備好小食物比小朋友帶返學. 你o地諗下其實小息時間又唔系好長!我想等囡囡升到小二至比零用錢,講真他們宜家對錢認識都唔系好深. 如果過早 比錢他o地我惊會教錯他們.

麟媽媽

我剛問了我朋友，佢話我知原來我個仔間小學係唔比小一學生去小食部的，因佢地太細怕佢地被迫親亦唔想咁細個便帶錢買野食。仲有一年班學生小息時會由老師帶去排隊去洗手間，怕佢地上堂忍唔住！咁都唔錯喎！仲有學校會要求每人有一個斜揹袋，用來放食物盒同水壺，等佢地唔會放低左唔記得。

sisima

我都唔打算給個女零用錢,等佢讀小三時,我才會給佢用.不過,小一,二時我會放幾蚊係個小袋內,講明係有需要時才打開用,因我怕小朋友係學校唔小心倒瀉自備的水或食物時,可以有小量錢去買.

Astrid

咁要再諗下點先 ~.~"

da

我囡囡的小學是沒有小食部，所以她不需要零用錢．

LULU-MAK

我昨日打去我個女間小學, 話想9月1 日幫手做家長義工, 順道了解下小一的學校情況, 跟住再問老師, 我好擔心我個女去廁所既時候, 經常對腳, 鞋及SOCK都會濕, 老師都提意, 叫我帶多對SOCK, 亦可帶多條褲. 老師都話這些情況都經常發生, 叫我唔駛擔心.

jumama

星期三就開學, 心情開始有D緊張, 好似係自己返學咁, 我經已請咗一日假接送囡囡返學。

你哋係咪都係咁?

sisima

上星期,學校開家長會,我都有帶個女去,重有見下班主任,了解下日常問題.今星期三上學啦!我老公請左假帶個女上學.

Easy媽咪

在上星期六學校迎新日,學校安排小朋友上課室,而家長就聽座談會,學校安排得好好,老師仲教小朋友做小導遊帶爸爸媽媽參觀學校,初初我仔仔未返學前有d擔心及緊張,但返完今次迎新日之後,佢好期待返學呀!我真係放心哂! :  :  : 我同老公9月1日齊齊請假送仔仔返學呀~~我大仔上小一,而細仔上bb班呀...我地都好興奮呀!
    

lcf

小公主小王子今天上學去了，不知他們會否鬧出趣來。如有，大家分享一下。

lcf

我同我老公都請左假。當年自己的心情都冇咁興奮。

joey1010

今天她很早起床了，好興奮問我夠鐘返學沒有。

joey1010

我和老公也是遲些少返工，帶她回校。

carollam310

我女女返下午校,11點幾先出門搭校車,我依家緊張到坐又唔係,企又唔係. :

lcf

我個女7點己刷好牙同洗面la。

joey1010 寫道:
今天她很早起床了，好興奮問我夠鐘返學沒有。