閱讀與閱讀以外....做家長也要吸收好營養噢

MrBeast

LSKLTK 發表於 16-12-30 11:14
前排發現HBO "Westworld" 好好睇，好多思考位，要追返之前啲集數！

Ek 台的reading world 有些情節也相似

1998Ruby1998

回覆 wan_sosin 的帖子

聽有個教授講過，唔係個個活躍小朋友都一定係 ADHD，有一半被診斷為 ADHD 的小朋友食完藥，冇咩精神，結果發現原來係缺鐵質，食多左菠菜就有明顯進步，其實根本唔需要食藥。
你好有心機，慢慢訓練呢條路唔係個個家長都能夠持之以行。我幼稚園小學初中成日畀學校投訴坐唔定，玩過火，唔舉手就講野，好彩小學已經係 10 年前的事，否則學校會一早踢我去睇精神科，食埋藥，仲要被學校入 record。

其實我覺得 ADHD 小朋友個腦袋就好似德國牧羊犬咁，好聰明，但係需要大量活動，學校困住佢係班房到 8 個鐘，活動量少得可憐，冇老師投訴都要偷笑。如果條件容許，可以畀佢落街跑兩轉，甚至係屋企用跑步機／單車機做運動，消耗咁d 體力，咁樣會冇咁容易「暴走」。我阿爸阿媽都係用呢兩招對付我果個自閉症的大佬，行完街 3 個鐘，返來再用單車機 1 個鐘（當然將難度調到最高），之後再聽下古典同其他柔和音樂，果然成日冇「跳跳虎」。

除左新老師，真係冇咩老師接受到活躍度高的小朋友，中學畢業前幾年，有個 ADHD 學生入 Form 1，學校老師無論咩時候都會安排兩個老師在旁「看犯」，雖然冇事發生，但係個學生一定唔會好受，邊個會想每分每秒都有老師監控？

shadeslayer

wan_sosin 發表於 17-1-5 21:12
行為問題，如果只出現在一個環境，例如在學校，並不能構成一個病症，要最少兩個環境都同時出現，如果單只 ...

我只分享我孩子的個案, 學校己定性為麻煩學生, 提議我地驗下, 她在家的行為也是很一致的。

女兒食藥一定可以改善, 但我選擇比時間她長大。我傾向相信部份A仔其實唔係, 和我女兒一樣。

閣下孩子個案我不會或不能評論。

LSKLTK

MrBeast 發表於 17-1-6 16:18
Ek 台的reading world 有些情節也相似

真幽默，只要有益嘅思考就好，唔好為思考而思考就得！

wan_sosin

shadeslayer 發表於 17-1-6 19:55
我只分享我孩子的個案, 學校己定性為麻煩學生, 提議我地驗下, 她在家的行為也是很一致的。

女兒食藥一定 ...

如果照你所講，只係出下位同無舉手就說話，是不足以話係ADHD，最多只係唔守規矩!
食藥也非萬能，有小部份ADHD食藥都無改善。
其實如果是本身性格唔喜歡按規矩做事，而唔係自我控制能力弱，食藥都未必改到，因為藥物改變唔到性格!
我小朋友亦無食藥，我去評估亦非為了要比佢食藥。

shadeslayer

wan_sosin 發表於 17-1-6 23:16
如果照你所講，只係出下位同無舉手就說話，是不足以話係ADHD，最多只係唔守規矩!
食藥也非萬能，有小部份A ...

阿女明顯係自我控制能力弱, 但到13歲左右便忽然開竅, 控制到自己。

我覺得有人語文遲開竅, 有人數學遲開竅, 有人運動遲開竅, 我相信行為也會有些孩子遲開竅。如果通通去驗, 確疹又吃藥, 即父母同醫生同意老師說孩子有問題, 孩子點會開心。

我唔係話無真實ADHD個案, 你嗰個可能係, 我只係懷疑有好多 case 其實唔係。

wan_sosin

shadeslayer 發表於 17-1-6 23:28
阿女明顯係自我控制能力弱, 但到13歲左右便忽然開竅, 控制到自己。

我覺得有人語文遲開竅, 有人數學遲開 ...

你的講法我認同,其實什麼病症也會出現誤診!我認識一位資深中學老師,佢亦見過唔少學生,突然轉性,無晒ADHD特質,但又唔代表個小朋友細個唔係ADHD,只係好難預計一個人嘅腦部發展情況如何,唔通年年走去照下個腦咩!
其實點解要去斷症,簡單講一下,如果個情況明顯影響個小朋友的日常生活,例如自理,社交,學習,或好似我個仔咁樣,連人生安全都有些問題(但所有都要排除是教養方法不善),就需要關注了,始終困難重重的童年,唔理是否一個病症,都會影響一個小朋友成長.
大把成年ADHD,或自閉症人仕,可以好正常生活,因為佢哋憑住已成熟的認知能力和意志,可以把弱點克服過來,普通人都有弱點啦,都一樣要慢慢學去克服,這些人只係有同普通人不同的問題吧了.
成年後的ADHD,最少唔會再在地鐵車廂內轉來轉去,捉住上面扶手玩體操(講我個仔)

我當年去評估,係因為我個仔實在乜野事都做得出,今日平平安安無事都已很祝福了!佢一歲時,工人姐姐帶佢去公園玩唔夠一個小時,返到屋企,背脊可以有好幾度幾吋長血痕,我唔怪個工人,因為佢係好錫小朋友的,我知我個仔係好難睇得住,所以後來我唔做野全職照顧個仔,自己一手一腳湊佢,其實都好難搵人搞得掂佢.

wan_sosin

1998Ruby1998 發表於 17-1-6 18:34
回覆 wan_sosin 的帖子

聽有個教授講過，唔係個個活躍小朋友都一定係 ADHD，有一半被診斷為 ADHD 的小朋友 ...

十分多謝你的分享!都講出好多小朋友嘅情況!我上面有個回覆都有講,誤診係一定會有,有些小朋友只係教得唔好,或真係曳!我識一個小朋友,佢都有些過動表徵,但個家長 同CP傾過後,發現好有可能是因為食甜野太多,和有些睡眠不足.
其實我都多接觸呢類小朋友,多少我都睇得出,那個是曳,那個真的過動.

不過最唔好係因為老師覺得個學生麻煩,要求家長用份報告來解決,或要個小朋友食藥,為方便佢哋上堂,事實如果老師識處理,未必要用食藥來解決.但如果真係唔食藥完全聽書聽唔入腦,返學完全學唔到野,都要考慮下用藥物.

講真,ADHD這些問題,是因為人類文明而起,如果返去以前,以狩獵為生,相信只會有"過度文靜症",過動兒應該是極優秀的人種.但始終要生活在現今社會,沒辦法唔去調節來適應生活!

我經常放我個仔盡玩,幼兒階段,每日在公園玩足兩個小時,就算現在小學,一做完功課,就落公園踩單車踢波,玩田徑都玩了三年半了,今年越級參加了學界校際丙組比賽.

學習方面,之前身邊朋友個個為我擔心,這樣的小朋友如何讀書,怕連功課也應付不了,托賴!犬兒犬唔晒!還算有點頭腦!
班主任話佢能自律完成功課,責任感也是我從佢細個就捉得佢好緊的.

不過,這些年來,我身心都累得不得了.

wan_sosin

以下一段短片,我自己感受好深,希望有更多人關心有特別需要的小朋友!

https://www.facebook.com/SenRights/videos/512722832271453/

yovin

已遺忘的電影，得你提起，再看一遍，感觸良多……有一個家（可住的地方）真的很緊要，難怪樓價這麼貴

ABC-DAD

wan_sosin 發表於 17-1-7 01:58
以下一段短片,我自己感受好深,希望有更多人關心有特別需要的小朋友!

https://www.facebook.com/SenRights/ ...

喜歡結尾大合照嘅部分，喜樂的心乃是良藥

本帖最後由 ABC-DAD 於 17-1-4 11:27 編輯

Baruj Benacrraf 寫的其中一段：

我要對年輕人傳達的最寶貴的祝詞：你們的生命為你提供了一個機會，以便在對人類有益的歴史上留下一份印記。只要下決心去取得成功，並且不吝惜自己的精力和才能，就沒有什麼不能完成的事情。
對於生來就有缺陷的人，我的生活和成功的事例會給他們帶來希望和鼓勵。 我生來就有嚴重的閱讀障礙，在學會怎樣讀書時遇到困難，我甚至不能正確拼讀任何一種我學過的語言，是計算機（電腦）和文字處理噐救助了我，它們幫助我糾正錯誤。我希望你們認識到：缺陷應當被看成是一種必須戰勝的挑戰，而不是令人遺憾的缺點，就像閱讀障礙對於我一樣。
#註： 本段節錄自原書，是1980年諾貝爾生理學或醫學得主巴儒-貝納塞拉夫博士應主編之邀專為中國青少年所寫。 廖紅譯。
^2001年初版，2007年至今只借出過16次。繁體字

ABC-DAD

每人都有不為人知嘅（什至自己）缺陷，互相包容善待，遠勝擁有專屬資源而遺世獨立。

ABC-DAD

ABC-DAD 發表於 17-1-4 19:42
剛剛睇完"語言功能與中文教學- 系統功能語言在中文教學上的應用#第二版" 岑紹基，覺得緒論都算淺白易明。 ...

週末，有多少少時間睇下，在目錄發現這章相當吸引  運用系統功能語言學理論研究兒童語文能力成長

ABC-DAD

語言功能與中文教學  公共圖書館捜尋編號 802.03 2224

ABC-DAD

wan_sosin 發表於 17-1-7 01:58
以下一段短片,我自己感受好深,希望有更多人關心有特別需要的小朋友!

https://www.facebook.com/SenRights/ ...

謝謝你用自己的休息時間，至少讓我認識特教平權的存在。
http://senrights.org.hk/category/latest-upcoming/
在試卷上畫烏龜的人
[size=0.9em]July 22, 2016

見面那天，暑氣迫人。大汗淋漓赴約，我問：「要不要挑個涼快點的地方？」他有點訝異：「我不熱啊。」但看他豆大的汗珠一滴滴滾下臉頰，浸濕衣領，我遞給他一張紙巾，他擺擺手示意不。

這實在不是一個友善的開場白，但我衝口而出：「其實你屬於哪一個⋯⋯」陳俊傑自嘲的笑一笑，把我說不出口的話接上來：「界別？」社會本來的遊戲規則，就是把人分成不同類別。他想也不用想：「我歲幾被診斷為聾啞，之後說是自閉症，大一點就是有自閉特色，然後學習遲緩，情緒問題，接下來的是資優，嗯⋯⋯成年後，又有說是亞氏保加症。」作為「常人」，最有興趣的大抵是：「資優是指智商幾多？」他輕描淡寫：「智商140。資優對我來說，是一個最沒用的標籤，因為它沒有給我帶來任何幫助和資源，只是多了一個被取笑的花名而已。」

這麼相似，這麼相斥。
我猜這就是陳俊傑和世界之間的距離。

我們挑了間咖啡室入座，外邊是三十幾度的高溫，裡面的冷氣給調至二十度。我窸窸窣窣自袋中掏出一件圍巾，緊緊繞住脖子；一邊聽陳俊傑的自白，我一邊呷著起碼有七十度高溫的熱可可。一時間連自己也搞不清楚，眼前的他有幾「唔正常」，而我又有幾「正常」。

大概當陳俊傑一跟世界接軌，我們就行禮如儀的運用標籤去認識他；那末在他自己和家人的視覺裡，成長的起承轉合，又豈是一樣？

https://youtu.be/HcnfT4arZtI

LSKLTK

ABC-DAD 發表於 17-1-7 19:12
週末，有多少少時間睇下，在目錄發現這章相當吸引  運用系統功能語言學理論研究兒童語文能力成長

...

講開語言（可能有啲題外話）,發現香港有啲中文教科書用於普通話教學，自己用普通話讀過，發覺非常唔通順，又用廣東話讀，又差少少，先發現原文係「兩溝」，主要以廣東話寫再加普通話用語，心諗唔怪得香港中文教育有啲拉牛上樹感覺。去到高小，書本上仍未有咩名篇賞析（可能香港中文老師未有足夠能力教導，例如作者、寫作背景、手法、鋪排、技巧，情感，分段等）。除非學校另加工作紙。

以我所知大陸八十年代初期已將名篇加入小學課本，例如「落花生」、「背影」已在小四、小五教授。感到無奈，因為所謂DSE中文將要求推得高，而係小學方面卻未能一層層將基礎打好。

ABC-DAD

怪只怪一向中文在香港唔受重視，文字媒體質量每況愈下，連EK標榜閱讀嘅會員都經常見錯別字，大底各自修行，宜自己主動調整子女學習態度，虛心求學，實質好學校仍有不少好老師，DSE亦不是洪水猛獸，小學階段基礎打好，自可面對優勝劣敗之殘酷現實，浪費時間在意識型態之爭，愚不可及，時間唔等人。
行文散漫，實力有不遞，見諒。

ABC-DAD

LSKLTK 發表於 17-1-8 00:01
講開語言（可能有啲題外話）,發現香港有啲中文教科書用於普通話教學，自己用普通話讀過，發覺非常唔通順， ...

讀物的質量還要靠家長自己把關，教科書不談也吧。你提過儒林外史是孩子跟你一起看嗎？
可有孩子喜愛的書分享？