小學插班後感

ferrymama

其實小朋友都成績不錯，做父母希望可以搵一間更優質既學校，因材施教。
自己學校考試後，就係接踵而來既admission test, 一考考兩三個鐘，當中都要有不少預備；中小就要讀下英數，英小就要讀下中數咁….
不過競爭真係好大，好多數學都要千挑萬選咁搵學生，每次望著小朋友獨自走入陌生既校園，有時都會諗自己做得啱唔啱….
突然感觸…要搵個地方舒發一下

lflxl

完全明白 有時會覺得幾分心酸 會質疑自己 逼佢地離開舒適層去競爭 究竟係為佢地自己？定為父母？但初衷一定係想佢地未來行得順啲

Jean1769

我就不贊成為更上一層樓插班
為一條龍/原本學校不適合/寶校都情有可原

如純因父母虛榮而要小朋友離開熟悉環境及同學真係唔係咁好，叻的細路去邊都叻。如果普通學校考級頭入到強校要做尾列就仲慘。

更加好反對repeat小一考學校。如何向小朋友解釋呢？而且間間學校課程差不多，又讀一年會否無哂學習興趣

szeszeeee

ferrymama 發表於 21-7-10 09:52
其實小朋友都成績不錯，做父母希望可以搵一間更優質既學校，因材施教。
自己學校考試後，就係接踵而來既adm ...

講得岩，三個月內計埋校內考試，小女共考6次試，每天佢放學回來同星期六日都不停溫習….非常辛苦

但turn out 考4間，4間都有收到call，而小朋友知道努力有回報佢都好開心嘅，而且頭也不回，問我點解唔可以即刻返新學校，要等9月

Jean1769

lflxl 發表於 21-7-10 10:29
完全明白 有時會覺得幾分心酸 會質疑自己 逼佢地離開舒適層去競爭 究竟係為佢地自己？定為父母？但初衷一定 ...

如何行得順d?

普通學校考前列都可以好好，神校都有包尾自信低落。如果小朋友已適應學校、享受學校生活同埋識落一堆好朋友，真係唔係咁好。

幼稚園轉校都還可考慮，始終細個任你舞。

maywong28ab

我都好明白樓主感受，所以父母在插班轉校之前，一定要同小朋友傾好，如果佢係冇意願的，就無謂去考插班了。

happiness1234

ferrymama 發表於 21-7-10 09:52
其實小朋友都成績不錯，做父母希望可以搵一間更優質既學校，因材施教。
自己學校考試後，就係接踵而來既adm ...

好明白啊，但你喜歡原先學校嗎？如果都鍾意就冇咁大壓力

Jean1769

maywong28ab 發表於 21-7-10 11:05
我都好明白樓主感受，所以父母在插班轉校之前，一定要同小朋友傾好，如果佢係冇意願的，就無謂去考插班了。 ...

yes, 如果小朋友讀得好開心，有一班好朋友，除非是不好的學校，否則一動不如一靜

happiness1234

szeszeeee 發表於 21-7-10 10:46
講得岩，三個月內計埋校內考試，小女共考6次試，每天佢放學回來同星期六日都不停溫習….非常辛苦

但turn  ...

小朋友好叻叻，恭喜晒你地呀(emoji)但係請問如果四間同時收Offer係咪可以hold四間？因為我只報咗一間插班,只係waiting offer,唔知道我心儀嗰間學校攞正取offer嘅小朋友會唔會都有hold左幾間，到時會放呢？

gogymiu

Jean1769 發表於 21-7-10 10:44
我就不贊成為更上一層樓插班
為一條龍/原本學校不適合/寶校都情有可原

ferrymama

gogymiu 發表於 21-7-10 11:15
其實更上一層樓有好多原因。

或許有d 小朋友係向原校年年級頭，家長想再提供一個追趕目標比佢，唔想佢地 ...

我係用呢種心態幫小朋友報插班，不過競爭真係好激烈，想多謝小朋友既努力同忍耐。

圍爐取暖一下，純個人意見。

Jean1769

gogymiu 發表於 21-7-10 11:15
其實更上一層樓有好多原因。

或許有d 小朋友係向原校年年級頭，家長想再提供一個追趕目標比佢，唔想佢地 ...

「或許有d 小朋友在原校年年級頭，家長想再提供一個追趕目標比佢，唔想佢地盲目認為自己已是最好，見識天外有天。」

這個原因不能苟同。人生在世幾十年，大學畢業後出到來社會已天天競爭，有需要咁細個就出盡全力？可能我個人比較隨遇而安

而家已經不錯，有需要去到最top嗎？而且去到神校，神校以外都有再top?到何時止步？要push勁谷先去到更上一層樓，就不是天資特別優秀。

當然，如果現讀學校真是太easy, 咁轉去間challenging d 並無不可。好似沈神童咁跳讀大學。

gogymiu

ferrymama 發表於 21-7-10 11:20
我係用呢種心態幫小朋友報插班，不過競爭真係好激烈，想多謝小朋友既努力同忍耐。

圍爐取暖一下，純個人 ...

明白呀 唔係否定樓主，我今年都有幫小朋友考插班。

所以我理解當中感受。 相信好多家長係有充足考慮才做呢個決定。

我自己係抱住比個女見識下嘅心態，初時只係睇下有無機會被選中，參加下人地學校嘅考試，以往從未考過插班。但估唔到現在佢鬥心比我更強。


加油呀無論成功予否，我覺得係一個好難忘嘅經驗

gogymiu

Jean1769 發表於 21-7-10 11:21
「或許有d 小朋友在原校年年級頭，家長想再提供一個追趕目標比佢，唔想佢地盲目認為自己已是最好，見識天 ...

明白嘅，每個人在世社會經歷不同，心態鬥志各異。 其實無對錯之分。

最終不要苦了孩子為底線。

szeszeeee

happiness1234 發表於 21-7-10 11:14
小朋友好叻叻，恭喜晒你地呀(emoji)但係請問如果四間同時收Offer係咪可以hold四間？因為我只報咗一間插班, ...

插班係可以hold幾間的因為唔洗註冊證，我識一個媽媽，hold左三個offer

不過我只註冊了最心儀那間，其他放曬了

happiness1234

szeszeeee 發表於 21-7-10 11:38
插班係可以hold幾間的因為唔洗註冊證，我識一個媽媽，hold左三個offer

不過我只註冊了最心儀那間 ...

明白，我以為除咗私校之外同考小一一樣只可以hold一間 ，請問介意分享你是心儀決定去邊間呢(emoji)

lflxl

Jean1769 發表於 21-7-10 10:47
如何行得順d?

普通學校考前列都可以好好，神校都有包尾自信低落。如果小朋友已適應學校、享受學校生活同 ...

咁實有啲錯配。例如本身學術好抽左入較淺嘅學校，輕鬆做級頭但拖累進一步成長；入讀後先發現同學校唔夾之類。
轉校從小朋友能力意願出發就得。

happy.4ever

回覆 ferrymama 的帖子

我都有呢種感受... 當初都係試下心態，想睇下自己小朋友能力去到邊，都冇特別加操....  可能因為本身學校都係區內熱門，小朋友又唔想轉.... 到真係考到又有D糾結，問自己其實轉校呢個決定係咪啱，始終去強區勁校，競爭又大D，車程又遠左，小朋友又要重新適應

kisani

happy.4ever 發表於 21-7-10 15:12
回覆 ferrymama 的帖子

我都有呢種感受... 當初都係試下心態，想睇下自己小朋友能力去到邊，都冇特別加操. ...

同感，不過好彩係新校同舊校都近屋企&步行距離。新校有聯繫B1中學又的確好吸引，剛剛都已經退左學了。小朋友適應力好強，剛剛問佢佢都話想試試去新校接受新挑戰，加上過去一年疫情影響都唔係返左好耐學(面授)，都ok ge

Reitsal

我都有個迷思，係咪叻嘅小朋友喺普通學校同叻嘅學校幾年後真係冇分別呢？最終小朋友在那個環境受益多啲？小朋友學術好口才唔好，考小連番失敗，抽入津小，校內成績好，冇操練，考插班，成功左，係咪代表小朋友有能力學深啲呢？插班唔係為滿足父母虛榮心，係父母都想為小朋友預備最好，亦需要很大的勇氣。