優才有無人收到offer

魚兒小寶貝

咁Send 求情信既人屬唔屬於有心打尖呢?

魚兒小寶貝

平心而論，上交updated資料呢樣係好正常及正確既舉動，正如考獲左個証書或學位都應該update比公司一樣，而交求情信亦係好普通既求學位做法，做呢兩件事既家長一d都冇錯。

學校因應自身需要而揀人亦好正常及合理，好似d coupon或合約後面有T and C 咁，發出者有最終決定權，佢當然可以因應自己現時需要而upgrade任何人啦。

面試之後，學校便張申請者分左first waiting 及waiting，我好讚成此做法，家長起碼可以初步衡量到個成數有幾大幾細，總好過全部都係無盡既waiting。

學校為左家長多d了解學校及阻隔一d無誠意既申請，花人力物力時間舉辦講座，而講座內容有＂唱好＂成份，我覺得冇問題，在坐亦有好多今年會加入GT既家長，唔通現階段d家長冇權知學校既＂好野＂? 小學概覧學校既版面仲多啦，間間學校既家長都喜歡update學校資料及＂威水野＂，響自己地盤點解唔講得? 因為做人要內歛d嗎? 哈! 冇叫waiting聽講座亦好正常，一來冇咁多位，二來waiting而成功有offer既成數一定低d。

我覺得學校最錯係錯誤估計自己既講座好吸引，其實在座有幾多家長願意上? 上兩、三堂就話遮，既然有d人完全覺得浪費時間（前提當然係未有offer啦），怨恨當然大。第二樣錯誤係學校之前講得太實，話一定要上夠80%，咁d家長緊係企自己角度睇，捉住你呢點架啦，點會企學校角度睇吖。第三，first waiting 既一心諗住位置響waiting前面，當知道比＂唔駛聽講座＂既＂waiting＂ ＂爬左頭＂，唔理有冇理由，心靈上一定受打擊啦! 正如有d學校有第二輪收生一樣，本身waiting既家長，感覺都唔會好受！

希望學校經過今次之後檢討下，出年做返好d。本人係今年將會加入GT既家長，就算呢件事發生響別校，我既諗法都係一樣，分別只在於會唔會花時間打出黎。

魚兒小寶貝

回覆 Kenny08 的帖子

係。大慨10月時，我在GT版曾問過GT家長有關waiting問題，有答話上年學校會叫d有哥哥姐姐讀緊既waiting申請者黎2in，可這不是祕密。

魚兒小寶貝

loveDD 發表於 14-1-11 11:59
容許我用公屋計分制比喻，本身好好地廿分一條隊，十分一條隊，理應廿分輪哂先到十分，如果話廿分中有其中一 ...

我覺得用公屋計分制比喻唔太適合呢。有些學校會特別喜歡某類學生，或有些學校想收運動成績全能兼操行A+既學生，但當然唔大可能盡如學校意啦，你揀人人亦會揀你，所以學校都會盡量平衡它手頭上擁有的，可能係男女比例或學生某方面能力。所以當它失去了某目標學生，自然會再找其適合者填補，當發現了，學校點解唔可以張他upgrade呢? 我之前提過，學校因它本身的限制，亦做唔到叫所有人去聽講座，呢方面係顯易而明的，為何要專登無視呢點呢? 所有唔係做卷的面試，學生面試內容未必一樣，係要計的話都可以話唔公平，點解我囝呢group問題深d? 大學亦有破格收生，你亦可話唔公平。

經過今次事件，學校下回既做法應該會有些少改變，但其實改變好簡單，只要張first waiting人數減少便成，骨子裡是沒有分別的。直私收生根本唔存在公唔公平，最終學校咪又係in 佢想in，收佢想收既。就算政府派位，咪又係有人話唔公平（我覺得公平）？ 先唔好講計分果part，相信大家都好清楚，統一派位是張學生排編號，然後電腦隨機抽no.按序派位。。。即是話如A校有50個位，我no.是揀A校的第49個，那麼是否一定會派入? 未必的，因電腦會預留A校好少量位放在揀A校第二選擇的，即是話第一選擇A校的第49至100都入唔到A校，反而學位會派在第二選擇身上，每年都出現此情況，不滿者更加可以大大力話對第49至100唔公平，但電腦派位根本唔透明，大家冇可能知道自己個no.其實係下一個，連投訴機會都唔會有。到叩門階段，有叩門都可話唔公平，點解唔派埋佢？我明明排緊隊!

仲有一樣野，大家點知upgrade waiting既所有人都冇出席講座? 出席者學校是有keep record 的，學校要遂個case解釋嗎?

當然大家上討論區都係傾下計，發表下意見，我認為唔開心及不滿總會有, 是可以理解，但希望大家可從唔同角度看看。

魚兒小寶貝

講漏一點，如果政府將十分既放上去，唔係首先要諗，政府點解咁做呢? 其理由係乜野呢?

魚兒小寶貝

回覆 loveDD 的帖子

你今年留意下!

講開又講，題外話一則，我呢面有間2線津校，自行階段有18x個申請，但竟然唔收足，令自行分配既學額唔滿，我諗唔明點解，show出黎都唔好睇啦，不明就裡既人會以為冇人報名添，咁做其實係咪可以增加學校既叩門位呢?

魚兒小寶貝

loveDD 發表於 14-1-14 14:56
咁我留意下先  
但以我所知，政府係會以下面的方便去派位。

呀~講番個case, 我地網要加班再加每班人數兼用埋隔離網6間學校學位, 就知道我呢面今年多左好多好多適齡學童, 而搵得直私back up而自行會"搏"2線既人相信唔多, 18x個申請收6x個收唔足額喎, 難道會有一半以上既人放棄嗎?