不知在那裏可知中學的文憑試結果？

bigbiggirl2007

WKF已收我小朋友，但想多了解中學概況，因一讀12年，好重要。

chanpa

當然DSE不好，如果好，就大鑼大鼓唱好啦!

terryhau

原帖由 chanpa 於 13-02-19 發表
當然DSE不好，如果好，就大鑼大鼓唱好啦!

好讚成你講法，呢D問題冇人會回答，例如有人話“Net Teacher 越來越少“都一直冇人回應！

kc_01k

chanpa 發表於 13-2-19 18:37
當然DSE不好，如果好，就大鑼大鼓唱好啦!

希望其他家長都好似你咁心水清.  好耐之前我已經覺得上ED呢度問係多餘的, 無人會講真實情況, 不過小朋友讀緊嘅家長都無辦法, 唔通要唱衰自己學校咩?  我經驗係有D家長講咗某些情況出黎, 無人反駁都算係堅了, 家長為子女入學前應做足功課, 以免後悔.  我自己就好彩有好朋友子女讀過, 轉走後講好多真實狀況我知, 所以我仍可縮得切.  學樓上JM講, Net Teacher方面, 真係少之又少, (其實可以講係無, 最多都係留完學返黎嗰隻, 但講d英文真係港式英文囉)仲有一年班一開波已經要好似中學生咁, 本來同一班嘅學生, 但堂堂都要去不同課室分開上堂, 小朋友走黎走去, 根本無心機上堂, 一轉堂就又分散晒, d家長又會, "我小朋友上數學跟邊個邊個老師, 佢應該係算精英嗰批, 呀邊個邊個跟嗰個老師以及同嗰個同學一組, 應該唔係叻囉!"  咁上堂法, 無分精英班你信唔信先.  同埋小朋友都會不知不覺間被label咗.  

仲有上年個女校長Ms. Din走前話咩去教育局幫一幫手會返黎, 不過影都無埋(又係一堆大話欺騙家長, 其實走咪走囉), 而家係只得中學部校長睇晒中小學, 算無人駕駛學校.

以上係真實情況.

我自己COMMENT係 (嗱, 係我自己啫)  學校想比人感覺好國際化, 但software完全唔掂.
教學方法完全偏離, 不西且中(不中不西都唔算了), 入學後去到二年班, 真係local到唔local, 但因一年班時又完全脫節, 唔知學校想點, 你會覺得讀津校好過.

mother904

kc_01k 發表於 13-2-20 09:33
希望其他家長都好似你咁心水清.  好耐之前我已經覺得上ED呢度問係多餘的, 無人會講真實情況, 不過小朋友讀 ...

入學如人飲水，冷暖自知，家長是否滿意學校，自然心中有數，非用家的評語是否真實，由各人自己決定。

但我所知道的真實情況，是小學部絕對不是由中學部校長睇哂中小學。小學部現在有兩位校長，共同管理小學，之上還有總校長。中學部校長亦是向總校長負責。

上學期末家長已明確知道Ms Din是離職，而非借調到教育局，我身為家長，絕對沒有受騙感覺，更加沒有讀津校好過的感覺。

每一位家長決定自己的子女入讀任何學校之前，都應該先全面了解學校，不應單憑片言隻語便輕率決定。

hungchan1234

回復 mother904 的帖子

我完全讚同妳的說話，其實以用家來說，學校已盡心教導學生，一班盡責的老師，是應該讚賞，而不是給一些不盡不實的流言攻擊，他們用意何在，我不知，但我覺得學生們都很喜歡學校，喜歡讀書，那就足夠！

bigbiggirl2007

Hung chan, mother 904,
好多謝你們的回覆。我也覺得你們說得很對，我們為什麼當日會選此校大家也做好了資料搜集，家長們一定要團結，並不是要互相踐踏，講差了學校也並不代表什麼，也改變不了什麼~

cecilia168

先此聲明，小女是該校學生，本人覺得學校的行政安排是有些混亂，但在課程上的編排並無覺得不妥，更從來沒有被欺騙的感覺!  不過，大家都有言論自由，尤其是在BK forum，咩人都可以係到發表意見，真係要自己好好調查清楚!!!!!

li_penguin

今年中一簡介會有提過下，1/3入本地大學，1/3海外升學，第一届來說都OK既

Michelle_Dad

kc_01k 發表於 13-2-20 09:33
希望其他家長都好似你咁心水清.  好耐之前我已經覺得上ED呢度問係多餘的, 無人會講真實情況, 不過小朋友讀 ...

我女正在本校讀P2。
本校是新校、歷史短，既非津貼、也非名校，中學收生不容易；DSE就更新，幾無參考。如果中學在第1次公開試就有1/3人入本地大學，算是不錯了。須知普通屋村band one也只有5、6成人入本地大學、band two得1/5；傳聞說那幾間傳統名校更於今年9月出現逃亡潮（有學校走了100人）…僅從大數比較，本校暫算不錯了。

當然，5年後才有從本校小學直升上來的學生應試；那時家長才能知道學校真正的應試實力。我現在只能靜靜觀察。幸好，有家長將兒女都相繼送進本校，增強了我對本校的信心。


觀察所得，本校前年是有3位西人教英文。其中1人被安排跟隨第1屆小學畢業生上中學，另1人離職，今年只有科主任留下。單看西人數量，真的連一些參加了EDB program的津小都不如。我也希望本校能夠認真關注、處理這問題。然而，課程結構並無大變，spelling（澳洲書）、phonics（美國書）和reading（英、美書）照舊，暫時多了skill book（美國書）；show and tell 次數少了，但book report做多了、做長了和做深了。似乎由P1升到P2，英文重點由聽和講轉進到讀和寫。


除了西人數量，我們可以質疑甚麼？本校考DSE，既無辦IB、又無收西童，屬何種國際化？又曾否自我宣稱哪樣國際化？我們或許批評這樣為不中不西；但至少，我替女兒報校時，本校就是這樣，這點人盡皆知，我從無受騙感覺。更何況，人們總可以將中西薈萃、中西合璧、中體西用、西體中用…等說成不中不西，究竟本校具體的問題在哪—如果本校學生可以自覺運用中英普並擁有國際視野和培養多元興趣？這就得要看看學生的學習成效了。


其實要看學習成效，只要參觀PBL的簡報日就知一大部份—雖然今年PBL很令我失望（跟前年我的驚歎比較，這可能跟2位校長離職有關；有機會再談）—但至少，學生仍是自主學習、自主協作和自主簡報，全場英普對答—他們自P1始就已經如此了。


最後是按學生學科能力分組（小班）上主科課堂的問題。學校這樣做當然是為了照顧學習差異，也是為了減少標籤效應，才只將3主科分開來按學生能力編組、其它課節全班（各班整體能力應該幾均勻）同上。我自己就不曉得如何分辨哪個split class是精英班…當然有家長是會因未能分辨而感焦慮。至於轉班混亂，坦白說，一分組就難免了；但不分組，如何照顧差異？如搞精英班，標籤效應就會出現…頭痛啊！但至少校方沒有將行政管理的方便放在首位。我們作為家長的，也應當相信自己的兒女—他們都是可教的和可塑性很高的—畢竟他們仍是初小，怎會不受教呢？初期的混亂不難被管教好！


無論如何，本校仍是EMI（LA除外）、普教中、有課業（但不多且有時幾有趣）、有科學課、多元活動（OLE及課後OLE、PBL）、照顧學習差異（按學生學科能力分組上主科課堂）、鼓勵閱讀（guided reading、book report）、鼓勵協作和自主（PBL）、擴闊視野（各色參觀、宿營、試後活動…）、教會背景（但不濃厚，合我心意）、會講64且無國教（不好意思，越寫越有…），這些仍然保持著。


第1次寫，不喜勿插，多謝各位！

Doray

謝謝各位分享，讓我們從多方面瞭解學校！！

mother904

有幾點想提出來讓大家思考的：Native speaker一定是西人嗎？ABC, BBC, CBC不是native speaker嗎？教英語又是否一定net teacher教得更好？

如果我們要求英語一定只有外籍老師才教得好，那麼我們又是用那一種標準來判定？英式英語和美式英語已經有不同的口音和intonation，再加上蘇格蘭、愛爾蘭和澳洲，到底我們追求的英語水平是甚麼？

不想評論net teacher的問題，這些客觀資料輕易便可找到，每年在學校的校刊都刊登了老師的照片。有多少外籍人士一目了然。家長不是sales，沒有責任和義務替學校美言。

事實上，我對學校最有信心教得好的科目，便是英文。而我看到女兒有最進步旳科目也是英文，她用英語和外國人溝通的能力，甚至讓美國朋友誤以為她是讀國際學校的。

idy926

我個女英文都很大進步，佢由p1至今P3，最like就係英文堂同d Eng老師, 雖然吾係net，但佢地本身吾識中文的，我又吾覺有嘜問題！又吾覺我女本地口音喎。

另外，我女由一個不敢發言怕醜妹（應該仲係有少少兒童焦慮症），到現在終於夠胆大大聲的做個人show & tell了，此校培訓到自信心，這點對我黎講，比學術更重要。

跟程度分小班，幾好呀，開頭亂d(成日吾見野）但小朋友好快適應的

lonelyranger

我記得briefing講過，分班並不是精英制，是根據小朋友的不同範疇的能力而因材施教。就以語文為例，有小朋友強於寫作，有的強於會話。並且會避免同學被標籤，所以所有分班名字沒有任何有關能力的提示（如英文班，是以老師姓氏的首字母配以物件名稱）。若家長強要從中猜出可能並不存在的精英班，只可說，認為有的，便會話有。

kc_01k

see!   大家明白啦! 就係咁架喇.  

terryhau

kc_01k 發表於 13-3-12 11:28
see!   大家明白啦! 就係咁架喇.

我就曾是用家， 就是十個NO已經轉校了，在這不想多提！

waiwaimam

原帖由 kc_01k 於 13-03-12 發表
see!   大家明白啦! 就係咁架喇.

明白咩野？我唔係好明！

bigbiggirl2007

原帖由 waiwaimam 於 13-03-12 發表
明白咩野？我唔係好明！

真係唔係好明喎！可否分享~謝謝！

waiwaimam

而十個NO又是甚麼呢？

Rayli

每間學校有好有唔好，每個家庭每個小朋友需要不同，適合自己好了。例如我有人人都認為更好的offers，但因為考試／升中壓力、自已小朋友的性格能力及學費負擔等因素選了此校。我知這並不是最好的選擇，但我想這是最適合我們了，各有所需，不必太介懷。