你認為呢間學校的老師好嗎?

lovingyou

DEL DEL DEL

lyanc

唔好....！
d老師教完就算，從來唔會考慮d學生明唔明！
仲會將教學既責任推比d家長！
就以我小朋友為例，今年小三
小朋友常告訴我抄不完黑板的家課，為什麼？老師上堂時唔比佢抄，轉堂既時候班長又唔比佢抄，放學又要趕住排隊走！最後抄漏一兩份，第二天又三角！
老師唔會去幫你手諗下點解決，只會話係家長跟功課跟得唔足！老師！我地都緊張小朋友既學業架，如果可以既話我直情入埋學校幫佢抄埋啦！家長跟唔到就叫佢去補習社，咁，跟本返學唔駛上堂啦，補習就ok啦！
同埋，間學校既女仔都好乖，但男仔入去一定學壞，我既小朋友就係咁！仲要講野都粗俗哂！如果個小朋友捨得離開呢間學校既話，我寧願佢轉校入鮮魚行！

巴不得爸爸

雖然我小兒今年都是讀小三,但感覺完全不一樣.
我相信小兒有足夠時間抄完黑板的家課於手冊上,而且在接放學的禮堂也有展示小一至小六的家課於壁報上.
對於女仔好乖，但男仔入去一定學壞的說法.我不相信同在一個學習環境下,會產生兩種不同的學生.會不會把男仔的好動一面看錯罷了.
其實我覺得鮮魚行是一間很好的學校,校長很有愛心,對學生很好.但是在於學校的資源上,良好學習的環境下,我會選擇油天.

lovingyou

回復 lyanc 的帖子

其實不是女仔一定乖, 睇你遇到個咩老師, 佢有幾多口德. 學校成日話唔罰人, 其實佢地真係名副其實小學雞, 鍾意俾說話學生聽, 學生返屋企講都話可以有個發洩渠道舒一口氣, 如果他們返到屋企唔出聲, 收收埋埋仲慘.
至於教學方面係咪好真係見人見智, 我只知張校長時代, 他講到好清楚呢到冇分banding, 全部都係banding 1 學生, 老師行為冇咁過份, 至於新朝代係點, 只知道敢怒不敢言, 幾懷念明星校長時代.

lyanc

抄不完家課的理由，是小兒告訴我的，小朋友也不會故意說謊吧？
操場只有小一的家課，請教一下小三往哪兒抄呢？讓我告訴小兒
小兒跟我說，老師教學生校內的都是“同學“，不可能是“朋友“，那我問他“放學就可以是朋友啦“,他回答“老師說不可以！“,我真不知道是老師扭曲學生思想，還是小兒想扭曲我的思想！驚訝x100!
每次去家長日，總會有幾個男孩說些較粗俗的說話，自問不是“虎媽“,但覺得都是不適合小朋友說的說話，小兒回家也會說，細問之下小兒說都是同學教的，老實說我對這所學校的校風有點保留
鮮魚行會教導學生如何與同學相處，不像現在的所謂高等學校只求名聲，成績，不理學生生活態度和自理能力，即是德育方面較差

lyanc

幸好，平時我教導小兒既方向係講道理同百忍成金，小兒好樂意同我分享學校情況同感受，我先了解到學校既教策係咁另類，請體諒我既愚昧。
老實講，小兒初初入學我都同小兒講，做任何野一定要聽老師話，依家我真係對佢地冇哂信心！我諗我要重新導向小兒返學既處事方針！

Kungfuli

For numbers of parents and students I contact, they love this school.

lyanc

fine, can u tell me how to research this result? I think the students who have the best score, the teacher must be like them most. In fact, my son is a average one in his form. Half year ago, a student talked to my son. But the situation talking was banned.  then my son hadn't feedback to him. The teacher knew that but she punish my son only. What's wrong with him? Is it discrimination?
I think the teacher can't fix the problems in students' communication. They want to finish their teaching work only.

lovingyou

回復 lyanc 的帖子

放學係有一個位置放哂全級功課紙的, 可能有時係慢左放(不過未必一定是抄齊), 因為我見過有d家長或家庸帶相機拍低的, 不過遇過有d自私的人把整張功課紙取走私下抄寫後才放回原處.
至於老師, 真係睇彩數, 我相信仲有d係願意幫學生的. 學校好鍾意話冇講過, 可能學生聽錯左, 誤會左...... , 你好難同佢地爭辯, 唯有教好自己既仔女, 讓仔女明白在中學或在大學, 甚至將來在社會生存時都會有機會遇到不公平事, 我對這間學校都完全心淡了.

lovingyou

回復 Kungfuli 的帖子

鍾意呢間學校係因為升中網比較好, 唔係因為老師特別好, 課程好唔代表每個學生都完全明白. 或者相比其它學校, 呢間學校比較算是好一點吧!

Kungfuli

lyanc,
Understand your concern and pressure as YCPS is a busy school.As a parent, we can faciltate the child to enjoy the school life and use that motivation to try their best. For child's inter-communicatn, just let them learn the social skill through sucess anf failure and no need to intervent indeed. No matter for parent or teacher, their role is to stop when the behavior is poor. Don't too nervous and relax! God bless

lyanc

自私d講句，我唔係一個勤力既媽媽，我最初係因為近同間學校聽聞幾好先入學，小朋友又唔駛六點幾起身返學咁辛苦，小兒一年級開始已經話要自己返學了。
可憐他每天都要揹很多書，我曾經問他可不可以帶少一點，但看看時間表，每天都有中英數，中英文每科都要四至五本書或作業，再問他是不是本本都會教（我就不相信兩堂教哂四本），他竟然答我“老師話睇心情,想教邊本就邊本！時間表寫的中，英默都可能會教書！“下，我以前讀書既時候，上咩堂就帶咩書，唔會話日日都中英數，日日都要帶十幾本書，仲要睇佢心情教！此舉尤如將學生和家長放掌心把玩！
老師之中有好也有不好，好像小兒教數學的老師教得不錯，小兒已掌握最近教的“分數“,真的要謝謝三年級的數學老師！（不說哪一班了）

lyanc

小兒的學業，我向來都不勉強他的，盡力，開心便可。因為小兒都很懂事，我也沒太大壓力。（就只是不喜歡讀書）
小兒跟我說他沒有犯錯但受罰了，我亦考慮過他有否說謊，可是他這些年來都沒有向我說過謊話...他告訴我，某些老師不會懲罰乖學生。我失望了，現在難道就沒有“春風化雨“的老師嗎？還有更多類似的問題，不過不在此盡錄了。
人總會有不同的相處方式，有天我跟小兒閒談跟同學的相處
我問他，為何你不多跟成績優異的同學請教？
他說，那些同學說他笨，說了他也不明白
我問，那你和頑皮的學生玩呢？
他答，我不喜歡和頑皮的同學玩，他們很壞。
哪你就沒朋友啊？
都有兩，三位啊！我不要跟那些難相處的同學做朋友！
真是很可愛的小朋友！
不過，由對話中可知校風如何，那些“好“都是學校吹捧出來的。
資源多，每星期鼓吹一至兩項課外活動，可是小朋友應付得來嗎？
我不想小兒壓力太大，快樂成長就好。

mw7183

回復 lyanc 的帖子

點解唔轉校??

lyanc

我問過小兒想唔想轉校，佢話唔捨得d同學喎，心諗佢已經慣左，要佢適應新環境好辛苦，我地大人轉工，搬屋都會唔慣啦，何況小朋友！

mw7183

回復 lyanc 的帖子

其實咁不滿點捱6年..轉一間夾既學校小朋友可能讀得仲開心.我見好多人都系咁.

lyanc

其實小兒冇不滿的，他都不知道老師教育係有問題的，只係我作為家長覺得不滿姐，可能小兒讀多幾年，eq會高好多！

mw7183

回復 lyanc 的帖子

你小朋友讀幾年級.

mw7183

回復 lyanc 的帖子

功課唔系上學校個綱有得睇返既咩??

lovingyou

回復 lyanc 的帖子

帶書問題成日都有出現, 學校唔理學生有幾辛苦, 我試過問學校, 佢地又話係學生誤會, 點知轉頭原來有學生被要求將書包d書倒出來話睇下仲咩會話書包重, 責任永遠冇佢地份.
至於所謂乖學生, 其實只係讀書比較叻, 被老師選做班長, 風紀等等. 只要你被記名, 不須解釋, 一定係你錯, 老師話佢信班長, 班長一定對, 甚至偏幫到可以打橫行, 冇話可說, 因為你不在場, 學校話有證據, 但要保障同學不可開名等, 聽好多家長講唔少, 只好望自己個細路生性, 唔好出事便算.
轉校? 我曾經都諗過, 但小朋友唔想, 轉到邊都會有衰人, 唯有教他點樣面對, 跨過一步又成長多一步, 同佢傾多d計, 同佢一齊行呢條路.