分享:囡囡開始了第一次髗骶骨治療的感受

wingwing2009

囡囡今年係協康返緊, 老師曾經提議比囡囡試針灸同埋髗骶骨.  囡囡好抗拒針灸, 做了兩次已落不了針(因囡囡反抗得好緊要).

其實我地排緊協康既髗骶骨治療, 但一直沒有消息.  最近我見bk 有人試了亦recommend 左幾個治療師, 我地就就揀左一位女治療師.

今日終於同囡囡去做了.....開頭囡囡入到房一直都好開心...仲自己爬上床, 之後個治療師開始同囡囡做頸位...囡囡就開始黎料, 狂喊....個治療師便問我在懷孕時有沒有甚麼特別事發生...講講下我地才記起囡囡在我肚內時有臍帶圍頸既問題, (3個圈), 但出生時一切正常等等...治療師說她可能在這個階段時令到佢一d 神經出現了紋亂訊息, 導致囡囡有語言問題...一直囡囡都係度反抗, 喊, 叫...治療師話由得佢抒發佢既不安情緒, 還同囡囡講, 你唔舒服可以大喊, 不用怕 (聽到這裡我已眼淚在心裡流....)  但還要裝作平靜, 我只好緊緊拖住囡囡隻手安慰佢...

之後, 治療師帶上手套及手指圈, 準備幫囡囡做口..., 囡囡仍然不停地叫喊...(真係心痛死), 但冇幾耐, 囡囡居然靜了下來, 還睡著了...治療師話好多少朋友放鬆左情緒之後會訓著...但囡囡成身已濕晒, 出晒汗...

全程50分鐘既治療叫做完結, 她安慰我說, 每個小朋友, 就算大人做這種治療也會出現情緒不安同哭鬧, 叫我不用擔心.  佢仲話囡囡第一次做這種療程表現得已很好...還說, 通常一般呢類小朋友做一兩次後我地會發現佢說話會多左..叻左...但同時情緒可能會大左,然後會慢慢會平靜下來.  叫我們給多點耐性.

我地約左下個星期一再做...睇下做多幾次效果如果, 會再來分享一下..

在這我亦多謝bk 的有心家長們給予我很多有用既資料!  希望大家一同努力!

pollybell

個個都問呢些問題?????響肚裡面係人都有些少問題,你答佢一切正常,佢又會問你是否開刀,開刀又話嚇親個B,所以就點點點,順產又可能過程又唔太順利,所以就噤噤噤...........

Olympian

臍帶圍頸跟說話能力有咩關係？﹗有無做過研究先﹗要有evidence base 先可以信﹗

wingwing2009

其實我都唔知, 但係上次去做針灸時, 個醫師又係問我類似問題, 咁我都冇講比佢知臍帶圍頸問題, 但佢又問我囡囡有冇跌親or 受到驚嚇...醫師同我講, 如果bb 曾受到外來既事而受過驚就好易會咁喎...咁囡囡係我肚入面有冇受過驚, 我真係唔會知lor...今日個治療師話如果(佢只係話如果..) 囡囡有可能係肚入面因臍帶緊左而受過驚嚇, 會影响到佢腦神經可能出現錯亂訊息...(好似係咁既意思).  不過, anyway, 我只係覺得佢都係想知會有乜可能性才會有咁既結果啫, 我又冇乜特別feeling.  不過佢話治療可以刺激腦神經重新生長, 咁都冇壞掛...不過我會試多幾次再觀察下囡囡既進度再作決定...唔得既, 咪又諗下其他可行既方法...無論點都要堅持, 令囡囡可以有進步為目標.

wingwing2009

我見個治療師好溫柔, 個囡係驚多過痛LOR..如果痛, 我估呀囡唔會做做下訓著左..做完口之後, 我見好多痰出左黎..個治療師話係正常喎...

之後佢仲同囡囡做左一陣頭位, 呀囡已經無反抗得咁緊要..

希望下個星期囡囡會好D無咁抗拒啦..

apple~y

髗骶骨治療係咪好貴呀??係咪即係按摩??
髗骶骨即係咩意思??

why-me

另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢地都係專業並且想幫個小朋友, 我仔治療時情況同你個女一樣. 我很BUY髗骶骨.

wingwing2009

why-me 發表於 12-2-23 17:42
另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢 ...

想問咁你囝囝現在講野進度係點呢? 可以分享下嗎?  我還是很肉赤個囡受皮肉之苦....

wingwing2009

apple~y 發表於 12-2-23 14:49
髗骶骨治療係咪好貴呀??係咪即係按摩??
髗骶骨即係咩意思??

我唔知係咪叫做貴, $750 / 50mins, 我之前請個語言治療師上門教都要$900/45mins.  咁相對呢個治療叫做平少少掛.

我都係上網睇關於髗骶骨治療, 佢同一舨按摩係唔同, 佢話小朋友頭髗係由好多版塊合成, 我地d 小朋友既問題係因為果d 版塊接洽有偏差, 導致大腦訊息傳遞得唔好引致....所以治療師係幫佢地將呢d 版塊重新再整合...

jjcow

wingwing2009 發表於 12-2-24 10:10
我唔知係咪叫做貴, $750 / 50mins, 我之前請個語言治療師上門教都要$900/45mins.  咁相對呢個治療叫做平少 ...

我想問，我仔個頭骨歪架，又凹凸不平，係咪即係所講嘅接合得唔好呀？

wingwing2009

jjcow 發表於 12-2-24 10:39
我想問，我仔個頭骨歪架，又凹凸不平，係咪即係所講嘅接合得唔好呀？

你呢個問題咁我又唔識答你, 我諗你最好尋求一些專業意見會好D.

apple~y

回復 wingwing2009 的帖子

多謝你解答,
比我了解多樣治療
其實我仔仔試緊針灸,老師都有話仔仔表現有進步,我會試多排先
為0左我0地呢班細路,真係攪盡腦汁

wingwing2009

apple~y 發表於 12-2-24 13:26
回復 wingwing2009 的帖子

多謝你解答,

呀囡完全唔肯做針灸, 反抗得好緊要, 又喊得好勁...成間醫院都聽到佢喊聲...所以我地放棄左...

wingwing2009

今日囡囡做了第二次治療, 我今次冇去, 只有工人姐姐同daddy 同佢去, 做完老公打比我話囡囡冇上次喊得咁勁..只係叫住"媽咪" "daddad", "姐姐"..同埋做口都係訓左..聽完老公咁講, 我個心都叫做舒服d.

不過好巧合, 囡囡做完第一次治療後, 講野都係好左, 會講長少少既句子, 完整左.  不過我做治療既同時, 亦開始左食大然supplement, (差不多3個week), 所以唔知係邊樣對佢有幫助.  不過佢現在眼神接解真係好左好多, 星期六見到我哥, 佢還會主動拖我哥同佢玩, 仲會識答我哥既簡單問題..(哈..連我哥都話佢叻左), 我哥是幾個week 就會黎探我地一次..佢話佢真係唔同左喎..

owl_2046

可否分享下你囡食咩野 supplement?
我仔都做左1年髗骶骨, 應該同你個女同一間(Causeway bay)

wingwing2009

owl_2046 發表於 12-2-27 11:48
可否分享下你囡食咩野 supplement?
我仔都做左1年髗骶骨, 應該同你個女同一間(Causeway bay) ...

我之前比佢食xx肉鹼..但沒有太大效果.  所以我最近去開益x坊買野(我之前都係係佢度買), 咁同個職員講開, 同埋我係一d網站度見到一種叫”豆磷脂”既天然食品(其實係黃豆度抽取出黎), 咁我買左, 比囡囡食, 仲有一隻叫”腦磷脂”, 專係用黎修補腦細胞的..你可以去web度打呢兩樣野，會有好多資料．．我都有一齊食．　仲有一直有食開omega 3 油都keep 住食．．．

咁啱開始見到ｄ效果，但我都唔知係咪同食療有關定係髗骶骨有關，　但我見現在好似幾好，　會keep 住食一排睇下會唔會一直有進步．．

我係台灣一個親子網站見到好多人都比ａ仔食呢兩樣野....所以即管一試．．

補充：其實亦有可能囡囡開始大個都有可能（因為曾經我地既家庭醫生同我地講過，佢見囡囡既狀況，佢話囡囡呢ｄ CASE 通常係五歲左右會有好大轉變喎..) 所以我都唔敢確定囡囡最近既進步係來自邊樣野..

wingwing2009

各位pm 左我既家長, 我已回覆左你地, 唔好意思, 我冇留意我既pm..所以可能遲左.  (但係我既資料只供參考, 我希望大家要自己再上網搵下有關info 先好決定, 唔好心急人做你又做....因為每個小朋友反應都唔同....)

仲有, 我有樣野唔記得講, 剛才我老公去見完老師講起... 我個囡最大轉變有一樣野..就係佢又一歲開始就唔可以帶夾仔, 扎頭髮...一整佢就會立刻mung 走..所以佢一向都係短頭髮..但係上個星期做完治療果日, 工人姐姐又唔知點解無端端同佢扎頭髮, 仲夾埋夾仔....真係咁啱得咁橋, 佢又冇再抗拒..之後到現在每天佢都扎孖"邊"仔同夾夾仔返學, 連老師都驚訝佢有咁既轉變...

apple~y

髗骶骨治療係咪一星期一次
有無話做幾耐先完成一個療程?

wingwing2009

apple~y 發表於 12-2-27 17:48
髗骶骨治療係咪一星期一次
有無話做幾耐先完成一個療程?

係呀, 我地係一個星期一次, 個姑娘一開始就話每個CASE都唔同, 但佢好proud 咁話佢地好多client (自閉小孩)都一年度就可以discharge, 唔駛再返去做治療喎..不過我暫時都係觀察下先再睇下前面條路點行...