請教統一派位入沙崇的用家

laog

大家好！小兒而家讀緊深水埗崇真小學，年級排名25内。唔知有無機會通過統一派位入沙崇，因此想瞭解過往派位情況。因爲有人話要級15先有機會，又有人話Band 1之内都有機會。我好猶豫，唔知自行和統一是否應該報，又怕他完全冇機會，白白浪費一個名額。
請問統一派位入讀沙崇的用家，是否可以分享一下您子女小學的大概情況：地區/全港幾綫，以及年級排名。同時也想請問各位用家沙崇功課量，比如每日幾樣/幾頁，大概需要多少時間完成。
如蒙賜復，不勝感謝！

ALSC

如果你是沙田區又係BAND 1當然有。


但想靠崇真小學接去沙崇，以級廿幾的成績就難D(以前籃球隊都仲有機會)。

elbar

laog 發表於 26-1-14 09:45
大家好！小兒而家讀緊深水埗崇真小學，年級排名25内。唔知有無機會通過統一派位入沙崇，因此想瞭解過往派位 ...

自行試咗 沙崇 先啦

laog

回覆 elbar 的帖子

我就係好猶豫。以小朋友的排名同實力（無藝體特長，數學強，面試發揮唔穩定），好可能自行都無戯。咁就只有睇統一派位。所以好想知道近幾年統一派位入左沙崇既學生大概係乜情況，可以作爲決策參考。因爲如果統一都冇乜機會，我地就可能唔揀沙崇，選更加穩陣D學校。

LeeCC

統一派位無關你有無體藝獎項，面試表現，只要係band1沙田網，有運就抽到


你係咪講自行呀？勸你先了解教育局派的中一學位分配程序，唔好搞錯，做錯決定

laog

回覆 LeeCC 的帖子

我既意思係，因爲我仔除左數學強，整體冇特別優勢（藝體或面試發揮穩定），年級排名都唔理想，所以我擔心佢自行入唔到。咁就需要瞭解之後統一派位既情況，比如究竟點樣的學校（比如地區一綫又或者全港前列）以及年級排名幾多先有機會抽到入沙崇。如果佢既情況，統一派位都無機會入，我自行就可能唔揀，反而考慮更加穩陣的學校。

geminialing

laog 發表於 26-1-14 13:46
回覆 LeeCC 的帖子

我既意思係，因爲我仔除左數學強，整體冇特別優勢（藝體或面試發揮穩定），年級排名都 ...

其實只要肯定band1，抽獎成功機會均等，所以樓上先話你要了解遊戲規則。只有自行先要睇成績夠唔夠考入

jf10252004

本人小朋友是沙田崇真中學中三學生，對沙田崇真中學有一定的理解。
你要知道沙田崇真中學是沙田Band1中學，很受區內和其他區的家長喜愛。
首先要問係家長喜歡沙崇，還是小朋友喜歡？
第二小朋友是否沙田區band1學生，還是外區？
第三今年1月1日有無去沙田崇真中學參觀？對沙崇認識有幾多？

worldcat

laog 發表於 26-1-14 13:46
回覆 LeeCC 的帖子

我既意思係，因爲我仔除左數學強，整體冇特別優勢（藝體或面試發揮穩定），年級排名都 ...

大抽獎只分band 1 2 3，唔會再分成績。
崇真無正式公佈升中結果，有人話33% 有人話50%（計埋國際部）。因為有人會升IB又有人直升基崇，學校唔講就好難計。

如果3次呈分級25，可以問問老師屬於band幾。
見你好似唔多理解升中玩法，提一提你要係沙田區住先大機會抽沙崇，否則只有甲部位或借位（如果有）。

猴子爸

jf10252004 發表於 26-1-14 14:50
本人小朋友是沙田崇真中學中三學生，對沙田崇真中學有一定的理解。
你要知道沙田崇真中學是沙田Band1中學， ...

楼主应该是衡量是否值得放弃自行，为了大抽奖沙崇。万一沙崇根本就不合适，就倒不如现在自行其他学校。
听过人话沙崇学术要求高，特别是英文，功课也多，一些同学底子不佳，读得很辛苦，不过整体学校还是很不错的。你觉得是否事实？

laog

回覆 jf10252004 的帖子

多謝您來答復我的問題。下面係我對您問題既答復：首先要問係家長喜歡沙崇，還是小朋友喜歡？
第二小朋友是否沙田區band1學生，還是外區？
第三今年1月1日有無去沙田崇真中學參觀？對沙崇認識有幾多？



我既仔讀小學係深水埗，但係住沙田區。我地雖然唔認識係度讀書的學生，但係都有機會看到學生們課外活動同放學。我們同小朋友都幾鍾意呢閒學校，希望可以入到。
我們參加左1月1日的簡介會，亦通過簡介會增加了對學校的瞭解，特別是同學們之間的友好、放鬆同時又專注氣氛，讓我們印象深刻。

但係因爲我既仔排名唔夠理想，所以我比較擔心佢如果自行唔收，大抽獎能否入到。
此外也比較關心沙崇功課量的問題。

謝謝您！

laog

回覆 猴子爸 的帖子

係，你既理解係正確既。我的主要擔心即係如果自行唔中，大抽獎仲有無機會。因爲小兒目前排名係Band 1中間，唔夠Band 1A。雖然樓上有朋友話只分Band 1/2/3，但係始終都要看排名，最後其實是會對應到各個學生的Band 1A/B/C次第（雖然呢樣次第唔會公開話有）。

jf10252004

回覆 laog 的帖子

首先你要明白自行階段是可以報任何一區的中學，但是統一派位就要選自己區的中學，除非申請跨區到沙田，統一派位才可以選擇沙田崇真中學。
所以如果真的很喜歡沙田崇真中學，就要取捨應不應該用一個自行收生學位。（根據沙崇簡介會資料，叩門位只會係有申請自行學位的學生中選擇）。
外間有很多家長話沙崇是Band1A，自行通常會收一線小學級頭（第一至第五名），二線小學（第一至第三名），仲有會收外區學生。所以如果小學老師講小朋友屬於Band 1中間，得罪講句自行機會不大。
至於大抽獎只要是Band 1學生，大家機會相等靠運氣。但一定要呈三保持係Band1B，因為沙田區比深水埗區強，到時要問一問學校老師跨區到沙田會否跌Banding。
沙崇功課量要睇小朋友自律性，通常每一科功課都不會明天交，如果小朋友識分配時間絕對應付得來。但沙崇老師要學生備課，所以每天要花少許時間備課。
個人意見：如果小朋友真很喜歡沙崇，就要尊重。畢竟是小朋友讀書，免得日後後悔。

laog

回覆 jf10252004 的帖子

您講得好清楚，而家明白了。非常感謝！

kimori88

對於不是級5前嘅B1A學生嚟講（非3C1D），其實都好多都要統一派位先有機會入到B1A校，當然都有B1B/C抽入，不過以我所知, 沙崇/曾記/甚至乎培英年年都留級起碼10人，入咗去都真係絶不輕鬆！

laog

回覆 kimori88 的帖子

係，所以其實都需要好慎重考慮。多謝您的建議！

mcl233

laog 發表於 26-1-14 09:45
大家好！小兒而家讀緊深水埗崇真小學，年級排名25内。唔知有無機會通過統一派位入沙崇，因此想瞭解過往派位 ...

統一靠抽㗎喎，只要你係沙田區既1仔，就有抽先權，另外條件係你要居住係沙田～～～

laog

回覆 mcl233 的帖子

係呀。所以都想試下運氣。

mimwing

kimori88 發表於 26-1-14 18:41
對於不是級5前嘅B1A學生嚟講（非3C1D），其實都好多都要統一派位先有機會入到B1A校，當然都有B1B/C抽入，不 ...

應該大部份b1學校 都有呢個情況，我女b1b 都有人留左3年

Googlehill

回覆 laog 的帖子

深水埗崇真小學是私小，級25 好可能B1A到B1B之間。 崇真小學 70%升龍校 崇真中學B1B。（叩門都有機會再入），所以，派位選B1A，真係好應該。 假設呈3保持同樣水平，即時跨區 都不會跌B1 水平，抽獎B1A 肯定有機會。
關於自行，如果數學可以，例如，3，4個獎，相當於 才藝 加權分數 （20%）可以同其他人持平，則，比的主要是面試發揮。但自行太多優秀的B1A小朋友，所以競爭非常激烈，不要抱太大希望。
另外，website 睇 崇小派位往年都算不錯，好多B1A學校，其實可以問問學校老師。http://221.126.235.7/2425/primary/2024-2025%20%E8%8B%B1%E6%96%87%E5%B0%8F%E5%AD%B8%E9%83%A8%E5%B0%8F%E5%85%AD%E5%8D%87%E4%B8%AD%E6%B4%BE%E4%BD%8D%E7%B5%90%E6%9E%9C.pdf