培僑在學生學業上，大有改善空間

壞寶貝

學校在小學部學業成績上未做好把關， 不論成績好壞及部分學生成績根本不達標， 照樣升級， 此舉只會令 學生們蹉跎歲月， 到中學階段， 更無法駕馭日益繁重之課程，

12年過後學生才發覺自己 一無所有，無法獲得資助大學學位，

本人建議 校方應在小學階段做好學業成績把關， 讓未能達標之學生 重讀，好讓他們為日後做好準備， 才不會讓寄予厚望之家長，日後失望 遺憾

希望校方可以檢討現時在學生學業成績上之政策

謝謝!

壞寶貝

今年本校dse成績仍然只係一般，當然有一兩個會較為突出，但整體嚟講真係名不符實， 未能達標，

小一 入學試， 四五千人報名收150多個學生， 相信此舉是為咗提早拔尖， 12年後dsc成績未如理想，到底發生咗咩事？ 校方及家長都應該要真正咁樣找出原因， 係師資問題？ 家長輔助出現問題？ 還是係學校政策問題？

大家都應該要探討一下，找出問題嘅癥結， 否則 12年 就係咁樣 浪費咗，

校方原則上小六唔會留级， 呢個做法我贊同， 亦是教署嘅指引，

我同意留級對小朋友真係好殘忍，但係 今日對小朋友仁慈( 勉強升級)， 日後就變咗係對小朋友殘忍，

學校要成為名校及不負家長、學生所託 ; 學生亦因為就讀於名校而感到驕傲， 所以各方面都必須努力 ，認認真真將問題搵出嚟， 加以改善 優化， 先至係負責任嘅做法

壞寶貝

2849 發表於 19-10-23 14:45
小朋友個個學習進度唔同, 有D叻D, 有D學習主動D, 有D屋企資源多D, 有D阿媽唔洗返工可以跟貼D, 有D想同家姐 ...

d s e要追貼全港 band one官津校 成績嘅話， 校方就要作出好殘忍嘅動作: 不達標嘅 會被勸退， 面皮厚嘅繼續留級直到達標為止， 繼續招收優質插班生， 升得上中六嘅學生已經有九成半把握攞到資助學位，

培僑係happy school 功課相對比較少， 可給予小朋友多啲時間空間 ，但不代表 可以畀多啲時間 小朋友hea， 家長應該幫助小朋友利用多出嚟嘅時間自主學習， 多啲閱讀課外書， 擴闊學習空間， 否則12年後 會變成happy graveyard，

暫時真係摸不著頭腦 ，未知校方如何定位

壞寶貝

小ot 發表於 19-10-23 21:04
本帖最後由 小ot 於 19-10-23 21:08 編輯

我在想既然成日講「自主學習」，除了學校，同學好應該也有自己的 ...

講到師資， 確實非常參差， 今日嘅教育學院 ，完全不可能跟二、三十年前嘅 師範學院比較，

以前兩所大學學位少，只有幾千個學額， 能夠入讀師範學院 ，成績亦非等閑之輩，

今時今日資助大學學位多到氾濫， 成績又…… 在沒有選擇下 ，遷就入讀教育學院 ， 師資又点會好 吖，都係靠自己吧啦，

如果運氣好嘅話 ，可能遇到有三兩個係港大中大教育系畢業， 你真係要劏雞還神

壞寶貝

小ot 發表於 19-10-23 22:59
本帖最後由 小ot 於 19-10-23 23:09 編輯

你這樣說，我想起我以前的中學老師呀！他們事實也陸續退休了 ...

一位好老師 對小朋友你講非常重要 ，可起事半功倍之效，

有理念 ，有抱負 ，有責任感絕對係好老師必備嘅元素， 可惜 現實並非如此 ，非常參差， 好多好似曾蔭權之流…… 返工等出糧， 真係罪無可恕，

有少少心得可以同大家分享， 每天盡量抽一小時出嚟 閱讀中英文課外書， 持之以恆，真係冇得輸， 星期六日做下數學補充作業， 基礎訓練非常重要， 本人覺得奧數未必每個小朋友都適合， 有啲不懂變通，越計越蠢

壞寶貝

作為家長就係咁矛盾， 又希望小朋友讀得開心， 又怕小朋友成績唔好， 迫得太緊又怕破壞親子關係， 所以先至希望學校畀啲壓力小朋友， 希望將壓力變為動力， 而家做家長真係太……無奈!

壞寶貝

小ot 發表於 19-10-25 17:28
真的好無奈，你話想學校俾d 壓力。到真係俾左，又唔知有幾多家長又有唔同feedback! 我還記得2016 年的報 ...

我絕對唔反對閣下嘅意見， 問題係學校想要啲咩？家長想要啲乜嘢？學生又想要啲乜嘢？

大學入場券，七個五星星，名校中嘅名校， 唔係喊幾個口上街示威就可以攞到， 個人希望小朋友呢12年，有所得著 ，並非帶著遺憾到外國升學，

校方今日對學生殘忍(高要求)一點， 日後家長學生相信會感謝校方嘅仁慈，

為什麼某某神校， 家長們爭相報名入讀， 喺呢度就不用多講， 成才嘅感謝學校栽培， 失敗嘅就咒罵學校無情， 到底大家想要啲乜嘢，自己決定!

壞寶貝

今年攞到大學資助學位約有67%， 已經係開校以嚟最好嘅成績，咁亦即係意味住有三成三學生 黯然離開，

學校其實可以早幾年幫助呢三成三嘅小朋友認真去思考自己嘅未來，留级未嘗唔係一個好方法

壞寶貝

一講到留级，學校方面就會皺眉頭， 據我所知每個留級學生 ，學校都需要提交報告給教育署， 教育署就會問:  點解要留級？可唔可以唔留？

東華三院甲寅年總理中學( 屬北區第二名校，僅次於鄧顯)， 有一位學生今年係第四年讀中二，

能否幫助小朋友就睇學校是否願意行出嗰一步

相信留級唔會比登月工程困難

壞寶貝

學生成績唔好，家長失職，學校就係把最後一關嘅人

壞寶貝

據我所知上水甲寅、鄧顯留給配額好似冇上限咁， 十年先至完成中學課程大有人在，

呢啲就係教署要幫助某學校成為地區名校嘅策略， 首先將同區每間小學最叻過一兩個學生派曬畀你， 之後唔達標嘅就留級、勸退， 務求將入u率推到 99%

壞寶貝

培僑 要幫小朋友，就要同教署攞更加多嘅資源， 以培僑嘅背景絕對唔係問題，響補底方面畀多啲時間小朋友( 一個都唔可以放棄)，打好基礎後， 繼續前行，走得更遠，發揮自己嘅潛能

壞寶貝

我希望學校嘅決策者 ，都有留意呢個網站，

搞乜嘢大龍鳳都係gimmick， 對症下藥， 攞到大學入場券先至係硬道理， 有幾多個學生可以穿上白袍亦只不過係一種虛榮!

壞寶貝

Yaobb10 發表於 19-11-1 22:10
本帖最後由 Yaobb10 於 19-11-1 22:13 編輯

果67% 家長付出左幾多資源！12年學費！有人可能仲日日補習 ...

閣下嘅無奈、憤怒本人感同身受，

校方應該對症下藥，對於無心向學， 冥頑不靈，教而不善嘅同學，該留級就留级，該勸退就勸退，以免影響其他勤奮同學嘅學習氣氛情緒，本人擔心長此下去，連校長所引以為傲嘅 67%( 所謂驕人成績 )都不保， 有負培僑教學機構，校董，校監，老師，家長及學生們所託!

壞寶貝

Yaobb10 發表於 19-11-2 13:28
其實我地學校家長，真係好極端的。有心好似你我咁會出聲既吾多，真係恨鐵不成鋼！
多數精明的家長根本吾會 ...

學校就係社會嘅縮影 ，現實生活當中發生嘅嘢，學校裏面都一樣會發生， 該提出嘅已經提出，該反應已經反應， 已經盡咗作為一個有良心家長嘅責任，隨遇而安吧!

壞寶貝

Yaobb10 發表於 19-11-2 23:08
本帖最後由 Yaobb10 於 19-11-2 23:22 編輯

本帖最後由 Yaobb10 於 19-11-2 23:19 編輯

明白! 但總要有人出來發聲，讓大家知道 問題所在， 讓校方去查找原因，去檢討，去改善。

栽培小朋友從來都是父母嘅責任，責無旁貸，

校方也有他的角色，亦是持分者，責無旁貸。