富安威寶的家長, 入黎交流吓啦

ktmama

Hi, Meldoy2216
喺呀, 每日都有英文堂, 由外籍老師教. 英文程度我就覺得 ok lor, 佢哋每星期教一個英文字同一個英文字母的 phonics 發音. 每星期會派幾張英文字咭同中文字咭回家給小朋友溫書用.  , 佢哋都有普通話學, 每星期有二堂 lor.

我個小朋友依家都讀得好開心同好鐘意班老師, 返屋企成日都提住佢哋 gar.

佢哋有分國際班同主流班 ga. 詳情你可以打電話去問清楚 d  la.  電話 : 2642 6033  

ktmama

Hi, Giann728
原本我都約咗星期六下午去吳多泰面試, 但喺無去到呀. 因為我諗過車程都幾耐, 來回可能要一個鐘.  同埋你有無留意要經過個商場先到學校, 好似入咗少少, 怕佢放學時有很多人喺商場度買嘢, 行黎行去, 好驚小朋友會有機會走失 ( 喺自己多心, 但真喺擔心o麻 ),  二來始終覺得下午班時間無咁好. d 時間無上午班咁好駛好用, 所以都喺唔諗 lu. 不過, 喺 bk 睇過其他讀緊既家長評價, 真喺幾好 gar. 程度同威寶差唔多. 不過應該無外籍老師.

通常小朋友都喺咁,  試過有次仔仔喺下面個商場見到 ms chow, 佢居然連一句早晨都無講, 只喺一路望任佢, 真喺俾佢激死.   

你哋依家個課室佈置得靚唔靚呀? 記得初初開學時嘜都無, 我諗依家會貼番 d 小朋友 既大作, 應該會靚咗好多 lu.

首英文歌其實教咗好耐啦, 喺 : apple, apple , I like apple, a, p, p, l, e, apple.  仔仔呢幾日又喺度唱, 連埋手勢一齊唱, 真喺好得意.  佢哋本英文歌書有 歌詞 gar, 如果教咗的話, 會有 " 已授" 印 gar, 你得閒留意吓.  

ktmama

Hi, Giann728
或者等佢哋公報咗詳情先再決定, 如果真喺有一條龍, 咁都幾好呀, 起碼將來煩少好多嘢, 所以等佢公佈先再算. 不過都喺嗰句, 最好可以留返喺度讀啦.

今日仔仔派咗本練習返黎, 原來開始學寫字啦, 今日學寫個 " 一 " 字.

我諗應該喺同佢哋重唱啦, 我仔仔今日都喺喺咁唱喎. 見佢唱得好開心, 攪到婆婆同我都笑唔停.

原來 ms sheron 坐埋去同幾個小朋友一齊傾計呀, 咁又幾好喎, 起碼小朋友都自然 d, 無咁大壓力o麻. 唔知仔仔識唔識答問題呢?  希望可以快 d 知道評估結果咁就好 lu.  

ktmama

Hi, Meldoy2216
咁你會同小朋友報邊班呀?  學校有分國際班同主流班喎. 老實講, 校舍可以話差唔多喺全港最大.  我最鐘意喺佢唔駛分二層, 小朋友唔駛上咁多樓梯級, 感覺上安全 d 囉.

咁你喺咪住富安 gar?

ktmama

Hi, Giann728
亞仔今朝同我講話要帶車車返學喎, 起初都唔喺咁信, 但問咗佢幾次, 佢都話要, 仲話老師話琴日要帶 gar la, 如果今日無帶就唔駛再帶, 所以我都俾佢攞咗二架車車返學, 心諗睇吓你個傻豬有無講大話, 結果佢又真喺無攞返黎喎, 所以我諗喺真 gar.

但原來只喺男仔要帶咋, 女仔唔駛喎.  可能喺女仔少 D 玩車車, 你留意吓遲些 女女會唔會同你話有 D 嘜要帶呀, 可能喺真 GAR.

ktmama

Hi, Giann728
你女女始終都仲細, 慢慢黎啦, 急都急唔黎, 到時到候會好 d 啦.  我仔仔之前都喺咁 gar, 有時俾 d 圖佢填色, 佢又喺亂咁黎, 有時俾 d 線佢連, 佢又喺亂畫, 結果全部花曬  

佢哋依家開始學寫字, 你記得同個工人姐姐講留意佢做功課時都要跟番個筆序去畫喎, 因為筆序好緊要 gar. 千其唔好俾佢錯呀.

你提嗰間學校, 我都未聽過, 我諗應該喺新校. 我剛剛查過之前有間學校叫五吧鄧樹春, 喺慈雲山但已經拆咗, 唔知會唔會同李頴璋小學合併做直資呢? 因為李顈璋小學要殺校, 大家都喺五邑工商總會o既, 咁合併既機會都好大. 到時睇吓學校點公報啦.

ktmama

Hi, Giann728
剛剛問過仔仔佢話聽日無嘢要帶喎.  

ktmama

Hi, Giann728
唔怕架, 因為佢哋 d 中文字有埋筆序俾佢哋跟住寫架. 到寫中文字時, 你同個工人姐姐解釋吓, 都好容易睇 gar.

ktmama

Hi, Giann728
我諗你講嗰間鄧樹椿應該就喺李頴璋啦.  因為我今早同仔仔上校車後見到佢哋個教學大樓叫 "鄧樹椿教學大樓". 即喺話佢真喺會轉直資.  校長講緊既應該喺呢間 lu.

ktmama

Hi, Qkhui
呢間小學面對殺校的處境, 如果佢轉直資的話, 就可以繼續辦學.  之前有幾間小學都喺因為殺校而轉咗做直資, 仲好受家長歡迎.

如果轉直資的話, 家長就要俾學費, 不過政府同樣都會有資助, 所以一般學費都不會太貴. 而佢哋既教學模式就會著重二文三語, 小朋友喺學習上會輕鬆 d.

我哋一於等十二月睇吓有嘜公佈啦.

你故嘜近來咁靜呀, 喺咪有好多嘢做呢? 上星期評估, 你有無同仔仔溫書呀? 我諗都要等家長會時先知佢哋既成績點 lu.

ktmama

HI, Giann728
個閱讀計劃其實上年仔仔讀緊nursrey 時都有 gar, 可能你女女讀國際班所以無.

我都諗緊同仔仔報直資, 因為小朋友同大人的壓力無咁大.


馬鞍山區內好似無英文中學喎.  我諗可能會喺沙田區, 但沙田區好多都喺教會辦 gar , 轉直資機會少 d.  我諗可能喺一 d 本身已經喺直資的中學.

ktmama

Hi, Giann728
佢哋上年都無考試 gar, 只喺間中有d工作紙要同仔仔一齊做咋.  不過佢哋上年都學咗好多嘢, 如圖形, 數字, 中文字同英文字咁囉.  可能你女女喺讀國際班, 所以學習上都唔同.  

其實本來都想同仔仔揀國際班 gar, 但又想佢學吓 d 中文字, 因為依家唔識中文一樣都喺好貶抑 gar, 所以結果都喺幫佢揀咗主流班 la.  

琴日無派返個燈籠俾仔仔呀, 我諗都喺唔見咗 lu, 因為爸 b 嗰晚落去幫仔仔個燈籠影相時已經話唔見咗個名牌 lu.  所以都有心理準備會唔見  la

好快又一個星期 la, 仔仔今日學寫個 "十" 字, 但唔多肯跟筆序去寫, 真喺激 c 我 , 唯有慢慢再同佢講啦.

ktmama

Hi, Meldoy2216
咁我同你都住得幾近喎, 我住新港城 gar.

佢哋個校園真喺好大, 亦都有自已的 playground, 真喺幾好 gar.

ktmama

Hi, Qkhui,
馬鞍山都有英中, 知唔知邊幾間呀?

ktmama

HI, GIANN728
我都喺呀, 原本都想影多幾張俾 D 屋企人簽名, 但琴日個傻豬唔瞓覺, 落唔到街影, 所以一樣都喺放棄咗 LU.

或者問吓啦, 唔見咗真喺好可惜 GAR, 真喺有 D 唔捨得  

喺呀, 佢哋本 " 寶寶看世界" 有二冊 GAR. 喺呀, 我仔仔帶咗一架消防車同幾架警車囉.

除咗你女女唱嗰二首歌外, 仲有首叫 : TO MARKET, 佢哋本橙色歌書有 GAR, 都喺今個月份會教 GAR, 我問過仔仔, 佢話教咗 LU.

ktmama

HI, GIANN728
馬鞍山既英中我諗到有一間, 佢喺直資學校, 不過喺男校. 所以我覺得呢間幾會唔大囉.

你諗住大抽獎呀, 如果沙田區, 我諗最多人爭既會喺沙呂同一呂. 因為二間學校既名氣都好好, 又有聯繫中學麻.  或者到時會易入 D, 因為 03年的出生率喺呢機年最低既.  所以我都有諗過俾仔仔試吓報讀.  而馬鞍山區我諗會揀馬鞍山主風, 靈糧, 同馬循.  直資就睇吓到時佢辦成點.  睇吓佢既口碑點. 其實依家做家長同做學生既都好辛苦.

特別喺你哋 D WORKING MAMA 厭力仲大, 又要返工, 返到屋企又要同佢跟溫書, 默書, 做功課, 都喺好辛苦.  

ktmama

Hi, Giann728
遲些家長會, 你安排咗幾點見 ms wong 呀?

ktmama

HI, GIANN728
我約咗 10:45AM LOR.  睇吓到時見唔見到你先?

你女女有無你講琴日喺學校玩 D 嘜呀?

我琴日去接仔仔放學, 見到你女女扮南瓜, 仲攞住個南瓜手袋, 真喺好得意呀.

ktmama

Hi, Giann728
我要睇情況, 要等婆婆黎到我先可以出黎.  所以可能只喺早到少少.

我仔仔喺嘜都無扮到 gar, 只喺著咗件有 devil 印花既衫. 無辦法, 佢唔鐘意扮嘢    , 見到其他小朋友扮到好得意, 真喺有 d 羡慕呀, 所以我決定明年要強迫佢扮先得.

嗰日 ms wong 問佢 : 你扮嘜呀?  亞仔答佢 : 我嘜都無扮到 , 你話仔仔幾老實. 真喺俾佢笑死.

喺呀, ms wong 自己都戴咗頭 cool扮 "鬼" 呀. ms wong 仲幫佢哋畫面添.

你女女嗰日應該見到我呀, 因為嗰朝我喺班房同 ms wong　傾吓仔仔 d 嘢麻. 你女女好乖呀, 一返到學校就坐喺自己個位度.

喺呀, 我都覺得今年影少咗好多相, 但可能因為幼稚園太多班, 所以老師無法兼顧到.

ktmama

Hi, Giann728
其實都喺同 ms wong 傾吓仔仔喺班度點樣. 因為仔仔好怕羞, 想知道佢喺學校會唔會主動同 d 同學玩同傾計囉. 好彩 ms wong 話佢都好鐘意同同學玩, 咁我都放心 d lu

喺呀, 所以我咪攞支粗身 d o既蠟筆同仔仔寫囉. 一路提佢要點寫. 不過如果真喺虛線會好 d, d 小朋友會易跟.

喺喎, 今朝仔仔又同我講話要睇報紙, 剪 d 關於警察同消防員 即資料, 結果攪到即刻要同佢一齊搵, 你女女有無同你講呀   , 唔知真唔真呢? 等佢放返黎睇吓老師有無收起 d 剪報先. 到時再話你知真定假啦.