將軍澳的樂緻幼稚園好嗎?

Auntie-DOS

樂緻其實係幼兒園，屬小童群益會，係唐明苑(將軍澳中心對面)。

我仔仔上年係樂緻讀左半年N1，真係學左好多野，主要係自理能力，介片、自己食飯，有時會唱下歌仔，初時喊左一個星期，跟住就無問題。呢間係非牟利，學費唔太貴又可返全日，老師好有愛心，我就4:30pm接佢放學，但係可以留到6:00pm，如果再遲D就要加錢，不過都係十幾蚊！nursery注重整體發展，即日常生活規則等等，學術可能會無咁好(我地覺得)。

今年9月仔仔轉左讀梁省德(尚德)，感覺地方乾淨，教學係活動式，interview時主任講解俾我地好好印象，有好多老師自製教材。so far 仔仔都enjoy返學，呢間唔會係好深個D，勝在小朋友學習開心同舒服！