天神嘉諾撒學校

竹葉青

其實巳前一向都係下午上拔尖架,只係今個學期轉左早上,我諗學校試過唔work先轉返下午掛.
我都去翰林交左九月錢喇!

原文章由 Cutema 於 08-6-30 17:57 發表
如果取消午間閒情時段，小朋友就連少少輕鬆下的機會都無埋，下午上堂真係很倦和很難集中精神，希望可以反映下。thanks!

竹葉青

hi cutema,

係呀直接去st. mary,我女話lunch可以父母帶走去食,如冇人接就可以跟老師去食.

係呀!亞女圈操幸運地攞到冠軍呀,所以4號果日都有得猛下車邊上台攞獎.勁乜鬼呀,攞學業獎就話勁啫.哈哈

果日不如約埋一齊坐呀,不過唔知點安排位呢!

原文章由 Cutema 於 08-7-2 13:05 發表
hi! 竹葉青

你知唔知今個星期五係帶亞女返學校先定係9:20a.m.直接去st mary 彩排.同埋食lunch係唔係可以帶亞女出去食.我問亞女,佢話唔知道,

你個女係唔係上次比賽到圈操冠軍呀?甘多人參加,好勁呀! ...

[ 本文章最後由 竹葉青 於 08-7-2 14:02 編輯 ]

竹葉青

栗子媽,

唔洗驚喎,你囡囡未洗點補住呀,我就話無人湊女放學,先至咁緊張話要揾托管補習社啫,因佢地可以同我照顧到7點呀,仲可以有課外活動都接,解決晒我所需.終於可放下心頭大石.

原文章由 栗子媽媽 於 08-7-2 10:07 發表
你地攪到我好驚
事關栗子個補習姊姊仲未CFM我出年補唔補栗子

竹葉青

hi jasminebb,

我都係比定期票9月1 日,我都有問開學時間點安排,佢話會照接佢知我住得遠冇人接所以佢都話可以同我照顧到6:45架,連我女個同學都會留到咁夜,佢地話冇問題,食方面佢話會同學生叫外賣.最緊要都係睇你有冇人接啫.我冇計就一定要留到我放工先接到.

栗子媽,
我都係聽之前個姨姨講,呀sir同佢講只做到8月,到現時就唔似有人肯頂讓,因現在都走左好多好多學生,之前果兩個女miss係老細時有成30-40學生,點知佢一開學就頂左手比人個呀sir又睇唔掂班小朋友,攪攪下就現時只得10多個學生,你話唔摺埋點掂呀,但個呀sir又唔敢同d家長表白話唔做咪等我地主動話唔報囉,真玩死....
原本思銳真係好好(之前兩個女miss攪時),成間野都好有條理,地方又好又安全,點知........唉

竹葉青

邊有咁勁攞學業獎呀,只係攞體操個獎咋.
只係e年係思銳都攪到成個人懶散晒,希望係新埔習社有番個靜d環境感染下會勤力d啦,你地明天會去嗎?

原文章由 栗子媽媽 於 08-7-2 16:51 發表
栗子8比我G 竹葉青個女有份上台拎學業獎BOR

[ 本文章最後由 竹葉青 於 08-7-3 10:17 編輯 ]

竹葉青

你大約幾點到呀,我要睇睇趕唔趕到黎呀,因我只請半日假咋,唔夠假呀,只係e排又放早,又冇去補習社,暑期托管又8月先開始,真係多假都唔夠用呀!
我pm 電話比你,電聯呀!

原文章由 Cutema 於 08-7-2 16:49 發表
hi! 竹葉青
有得上台攞獎已經好難得，係唔係學業獎都一樣甘開心啦!
你果日會唔會接亞女出去食lunch?如果得，不如一齊呀。

[ 本文章最後由 竹葉青 於 08-7-3 10:27 編輯 ]

竹葉青

我諗時間活動學校會有新安排掛,我估唔會阻外其他活動既.同埋拔尖班都係可以自由參加又不收任何費用,只係學校會邀請一些同學參加,而家長可選擇唔參加都可以.所以都係睇睇學校出通告點安排先算啦!

原文章由 berylberyl 於 08-7-3 14:33 發表


轉咗有咩好處? 點解返學時間要加多?
係囉, 活動時間咪無哂? 要去電腦室同玩其他普通話活動咪無哂?
好似唔係咁多家長贊成喎......

竹葉青

學校唔會分架,我聽d高年班家長講佢地係順住分即大約會a班有考第1,4,7,11/b班就2,5,8..../c班就3,6,9....之類咁分,但又唔一定第一係a班喎,因小二全級第一果個係係b/c班咁.

原文章由 berylberyl 於 08-7-28 10:03 發表


一年級入學時老師就話依間學校無分邊班叻, ABC班無分別, 但派成綪表個日就聽到某啲媽媽話考到10名內就升A班喎, 係咪2年級開始會咁分班呢?

竹葉青

HI,

各位好呀,好耐冇入黎呀,多左好多新家長喎.又快測驗喇,小朋友開始温書未呀???

竹葉青

hi 栗子媽,

您好嗎?我個msn個連絡人冇晒d名呀,你得閒就m吓我啦!今個學期忙嗎?不過好似少左好多功課做呀!唔知係咪因為周年慶典,比起上年少好多功課呀?你地有冇受影響呀!

原帖由 栗子媽媽 於 08-10-3 15:53 發表
唔係FRIDAY點都要有一樣既咩

竹葉青

不過我估d老師都驚驚地,我女果班常識巳有小測剛星期一巳小測第一二課,下個week就第三課如此類推測晒6/7課書喎,你地有冇呀,定會唔會係小四先有.
你女有冇玩朗誦呀!聽聞話有家長義工錄左隻普通話不過好似好貴成$150,不過唔知係咪呀女聽錯,因市面都係賣$100隻.今年學校我諗更加唔會點理佢地朗誦d野.死啦我女仲係要參加晒3樣,死得啦.

原帖由 栗子媽媽 於 08-10-21 18:18 發表
竹葉青

我明天ADD你啦
亞女今年直情可以用HEA黎形容,琴日參觀PIZZA HUT, 跟住5計改正得一樣功課
上星期五都係4/5樣咁大把咋

不過,有人話其它班D功課冇咁少,所以,TEST一到我有D心慌慌

...

竹葉青

嘩!!!12月個金禧晚會真係貴呀!$300一位大小同價,都唔知去唔去好囉!但呀女又有份表演!!!唉.....

原帖由 栗子媽媽 於 08-10-23 15:35 發表
you check pm too

竹葉青

HI Carrierica,

我女係翰林返在近二個月,我覺幾好喎,我最欣賞係成廿個學生係房都好靜,e排因常識有小測我見佢地都有做d小測卷比佢地做,默書都跟得足,對功課方面都ok,但都會有d錯我女話d老師有d小錯係特登唔出聲有佢錯等小朋友下次小心d喎,但我接受既因唔係好多,如學生唔乖d老師真係會鬧架,有個學生經常做野好慢同一份功課人地做半個鐘佢可以兩三個鐘都做唔好,咁老師咪鬧囉仲會係個家長前面鬧架,小朋友同家長要接受到囉,佢地大部份都係天神女所以仲可就埋課後活動時間,整體我覺ok架.

原帖由 carrierica 於 08-10-26 12:49 發表



請問翰林補習好唔好？做得如何？
因我跟老公每天工作很晚回家，個女又懶，成日鬧，真是心力交瘁又傷感情，所以想幫佢揾補習，俾人教。請問大家有冇好介紹？請幫忙。 ...

竹葉青

hi 栗子媽,

我諗住我自己去咋,經濟唔好呀,300一個咁貴,你知唔知除左有份表演中文話劇果班外,其如表演同學都要比$50買入場票呀,11月1日1時要係學校買飛喎.要早d去排先得囉咁貴一張,唔係都唔知坐到去邊樹呀!

原帖由 栗子媽媽 於 08-10-25 09:28 發表
你打算成家一齊去呀
我e+仲考慮緊單拖 or 兩公paul一齊去
好貴呀))))))))))))

竹葉青

我估巳e個價錢如唔係表演既學生家長都幾難會考慮去,唔係都唔會連表演學生都要收錢啦,得罪講句我真係第一次聽表演生係要買飛架.

原帖由 berylberyl 於 08-10-27 11:54 發表
亞囡想睇, 但大小同價, 2個人都成600元, 好貴, 佢都無表演, 我寫唔去了

竹葉青

一樣呀,我女又係話今次好大型架,學校用左好多錢,今次因冇人贊助只係個話劇都洗左十成架,我話咁我都比左2千幾3千蚊學費贊助喎.

原帖由 栗子媽媽 於 08-10-27 12:43 發表
我家小主人都唔知幾官方
佢話經費要18萬, mami 你支持下啦
跟住仲好豪咁肯出自己果50大元

竹葉青

今知今年家長會,會唔會搞親子旅行呢,只係小二參加過,上年好似係行山or咩呢?我都唔記得why冇參加.

竹葉青

係呀,不個私營幼稚園就一向乜都要錢,但我女小一係果間私校又係係理工搞懇親會表演, 年年都有, 每張票$10咋.

原帖由 栗子媽媽 於 08-10-27 13:40 發表
其實當年栗子間幼稚園75周年校慶係文化中心表演都要呢個價
不過,呢排經濟太差,大家個feel都唔好

竹葉青

家下經濟咁差,想揾人買飛都難呀.....

原帖由 berylberyl 於 08-10-27 15:42 發表
係囉, 一個人300, 成個hall, 收入咪好勁? 仲勁個開演唱會喎, 人哋都有平貴飛賣啦

竹葉青

支持!點都支持所有表演生,但要PLAN過唔會一家大細一齊去囉,同埋唔係只希望只得有份表演家長睇麻,都希望有多D冇份表演家長睇架,但係E個大氣候我諗都唔多其他家長考慮囉!

原帖由 黃嘉嵐 於 08-10-28 20:53 發表
咁難得有機會表演播,就算貴都要支持下既~同埋囡囡咁有努力練習,做家長既點可以錯過呢~