sdm爵士芭蕾舞學院

竹葉青

我囡囡係都會間學JAZZ G3又唔錯喎!佢地個個都學得好開心,悶唔悶都係要睇小朋友LIKE邊類型DANCE,小朋友鐘意就唔會悶,同埋佢地有好多商場表演機會,所以好多小朋友都有機會表演,唔會好似一D較出名果跳舞學校咁來來去去都係得果幾個勁先有份表演.
你可以係FACEBOOK,打SDM搵下佢地上載左好多表演片段架!OR佢地網址都有.

竹葉青

你好share123,其實只係jazz較多人選擇男女都合玩,跳舞冇話咩人適合,最緊要小朋友鐘意,我個人覺得ballet就悶小少少,因為舞步變化較少要長期練先可以有d野睇.而jazz較易配合好多音樂,舞步多變化,音樂輕快同埋好多時係d潮流音樂吸引d,又好d唔同造型既衫喎(我講表演時),較易學整一隻舞所以小朋友會有多d滿足感.

原帖由 share123 於 2010/7/20 09:51 發表
Hi 竹葉青 :

聽聞SDM既JAZZ好過BALLET,學生人數遠比BALLET多,是嗎? 我個女係其他地方跳左1年半,想轉去SDM,但發現佢地時間唔多,唔知應該比阿女試下JAZZ,定係再搵其他公司好.其實咩人先適合跳JAZZ? 麻煩你俾d意見呀!
...

竹葉青

知道你遭遇都"鄧"你唔開心,咁你有冇同佢地反映呀!等其他小朋友都唔好再有e d事發生,好彩我囡囡係都會果邊冇e d事發生咋,或者可能我女大d唔同啦!
我見你都試左好幾間,其實你囡囡會唔會對芭蕾興趣冇咁大呀!不防試下其他呀,如果文靜d可以玩下中國舞呀!我女k3時都有學學校d芭蕾架!但見佢都冇咩進步,咁啱又上小學又有中國舞咪比佢玩下囉,點知佢不知幾鐘意呀!玩在兩三年學到四級,跟住因同藝操體操撞左時間無再玩,而近年就係sdm學jazz,佢又學得好開心喎,尤其有得出去表演又有靚衫著喎(最好係學校有埋衫比佢地表演呀麻).所以你不防試下同佢睇下多d唔同種類舞蹈睇佢喜歡d咩舞呀!

原帖由 micleelee 於 2010/7/20 13:39 發表
講起SDM火都黎埋！佢地對小朋友完全無愛心!!
記得個時囡囡第一次上SDM既beginner班係到喊; d老師又唔比我入去陪佢; 我明白; 但都無理由要將佢移去一閣唔理佢; (佢地有唔止一個老師; 我諗總有一個可以去安慰囡囡) 又係 ...

竹葉青

HI Clarachel,

我囡囡唔係6歲就係sdm學,佢之前係學校學中國舞咋,佢9歲先係sdm學jazz,一星期上一堂,如有普通商場表演或比賽會係堂上練習唔會加堂同加錢,除非有大型比賽呀!或大型表演先會要另加堂加錢,不過就隨你參唔參加,個miss名我要問下個女,但佢地大小朋友d導師唔知同唔同細d小朋友果d.

原帖由 clarachel 於 2010/7/20 23:48 發表
hi! 竹葉青,

想問下小囡6歲,如讀恆常班要每星期學一或兩堂呢?如只上一堂可以嗎?另外,如平常有表演,是否要加多幾堂呢?

還有可否pm妳囡囡在都會學jazz的老師姓名給我嗎?等我報名時可選擇一下嘛!她是怎樣的老師呢?(惡 ...

竹葉青

HI clarachel,

我囡囡冇考澳洲試,因上年就過左報名日期,而今年唔報係因為我女今年藝術體操上港隊多左好多時間要上堂,所以跳舞會隨時停. 而佢地表演係咩年紀都有機會架,你可以佢facebook打sdm就搵到佢地有個轉頁,佢地每次表演都有人放d片係度,你可以參考下先囉!最緊要係自己睇過接觸過先知適唔適合你小朋友.而我囡囡就計今年巳出過12次左右大小表演及比賽,當中只有"袋鼠盃比賽","sdm週年表演"同"新年個花車巡遊"係要自己比錢咋.

原帖由 clarachel 於 2010/7/21 12:27 發表
謝謝妳!竹葉青,

請問妳囡囡每星期上一堂有無得考澳洲試呢?因為我朋友個女(5歲)都在其他分校跳jazz,d老師話考試就要跳兩堂. 另6歲小朋友班多唔多表演同比賽呢?(還是跟大小朋友班的機會差不多?)

...

竹葉青

HI Share123,

係呀!你報左邊間呀!希望你小朋友玩得開心啦!

原帖由 share123 於 2010/7/26 10:09 發表
Hi 竹葉青 ,

我終於報左SDM啦!! thx!

share123

竹葉青

hi joyhk,
我囡囡係體操總會學架!如想平平地學吓睇吓小朋友like唔like可以考慮玩吓康文處果d先(約2百幾有10堂呀),每年7月體操會都有選拔入選就可以入聯校或精英隊,約4/5月總會有得報名,如5歲以下想學就要私人學.私人既就唔方便係度講,有雖要可以pm我.
體操總會網址: http://www.gahk.org.hk/

原帖由 joyhk 於 2011/1/5 10:34 發表
Hi 竹葉青

I would like to know where is your daughter to learn the gymnastic class. my daughter is K1 now. thanks

竹葉青

HI Bellbellbear,
我女女7歲先係學校學,跟住個教練叫佢參加7月選拔就入左精英隊訓練三年到,上年剛上港隊受訓.當初一定有辛苦的日子但唔會好耐,習慣左就OK.辛苦都只係拉根.拉得多就唔痛.藝術體操係咁多款體操裏面最安全最少受傷的一項.因全是攞住球,繩,圈,棒和絲帶在地面上做一些優美和彈跳動作,相比起兢技體操要在平行木或雙槓上做動作安全得多.
基本上藝體和跳舞好相似.
除體操外女兒還有學JAZZ,英文話劇同彈琴.

原帖由 bellbellbear 於 2011/3/26 18:21 發表
aba@yu,我個女5月就4歲la

竹葉青,您女女幾歲學體操,難學嗎? 有冇受過傷?除左體操有冇學其他嘢,多謝哂您D資料!

竹葉青

bellbellbear ,佢唔叻架,只係樣樣都想玩吓啫.

原帖由 bellbellbear 於 2011/3/27 16:00 發表
竹葉青,您女女好叻,多才多藝,您一定花左好多心机栽培女女,多謝您D資料,好有用!