06年9月入讀蘇淅幼稚園K1既家長, 入唻交流下啦!

十月媽咪

cankan,

香兒網址如下:

http://www.hkcchoir.org.hk/content/mevent/chkcc1.htm?IndexWebContentType=0

另外, 佢地今期招生已經完結, 要等下期, 即出年二月至再招生喇, 如果取錄的話, 出年七月至開班!

十月媽咪

各位,

我都係淨係打左水痘針咋!

十月媽咪

呢個問題咁深既? 不過我六年級果陣已經出左, 咁響before有阿女之前, 亦都做過身體檢查, 我好記得醫生話我體內仍然有超過50%既抗體, 所以唔駛擔心陀bb果陣會畀人傳染, 但呢d抗體會唔會過到落阿女度, 咁又真係唔知喎!

不過佢地好似六年班左右會打呢支針架, 係嘛?  

十月媽咪

早晨呀各位!    

十月媽咪

今朝忍唔住, 卒之寫左張紙仔畀老師, 今日老師就放左盒維他奶響阿女個書包喇, 好彩寫張紙仔, 咪又食埋落肚, d痰真係唔知幾時至捨得清!

頭先帶左阿女去睇中醫, 醫師話佢果d係寒痰, 係感冒後期, 食得太多西葯or飲左d寒涼既湯水所致, 而家開左兩劑中葯畀佢返唻煲唻飲, 我都唔知阿女肯唔肯飲的, 希望佢肯飲啦, 佢第一次睇中醫咋!  飲完希望d寒痰快d清埋佢啦! 真係聽到都煩呀!

十月媽咪

哎吔, 呢d咁重要既野, 當然係執葯果陣, 順便叫醫師畀埋啦! 我今次好叻呀, 煲葯煲得好準呀, 三碗半煲埋一碗, 無多無少, 啱啱好! 陣間阿女瞓醒, 就畀佢飲半碗, 夜d再畀多半碗佢飲埋佢!

快d好, 快d好!  

十月媽咪

ysbebe,
呢個問題唔太清楚呀, 你maybe過去幼兒園果邊, 搵番蘇幼個topic, 入去問問佢地啦! 我諗佢地會清楚少少的!

joeytcy,
好開心呀, 阿女肯飲呀, 不過半碗葯食左一筒山楂餅唻送口呀!  

十月媽咪

嘿嘿...咁我慌c佢唔肯吖嘛, 哈哈!

十月媽咪

joeytcy,
今個星期六, 我佬會帶個女去拎番個回鄉證, 咁就諗住下個星期六日or 再下個星期六日出發, 視乎天氣而定啦, 事關呢輪d天氣, 好飄忽啊! 不過我地都仲頭痛緊, 因為星期六朝去的話, 咁星期六下晝個音樂班就上唔到架喇! 但老師又話呢輪唔會請假, 佢淨係請左12月23日呢個假咋! 所以maybe會改到1223先去呀! 睇下點先啦!  

十月媽咪

睇相當然無問題啦, 如果我地去完, 返唻就upload條link畀你睇下我地d相啦!  

十月媽咪

各位,
今日本手冊又有果幾個小評估喇, 嘩...好勁呀...今次份評估入面, 果四項, 老師都係畀紅色呀! 好surprise呀!
上星期五生日會果日, 見到老師, 老師已經同我講, 話阿女進步左好多, 上堂已經可以坐定定, 唔會周圍搞野, 又專心左, 同埋好主動舉手答問題, 又當老師問邊個同學想出唻示範之類果陣, 阿女都會主動舉手話: 王老師, 叫我, 叫我!
估唔到, 今個星期就畀左四個紅色印印佢, 唔怪得阿女日日返唻都話王老師讚佢"很捧"! 我諗老師真係有讚佢的啊!
希望阿女可以keep住呢四個紅色印印啦!  

十月媽咪

過獎喇, 可能只係老師手鬆咋!     希望佢可以keep住做得到, 做得好啦!    

十月媽咪

CANKAN,
上次我地只係響阿女生日果日, 請左一日假咁大把咋喎, 果次無白紙黑字通知老師呀, 我果朝直頭連電話都無打番去請假! 事關對上一次, 阿女唔舒服, 我無畀佢返學, 咁我自己打左返學校請假, 老師上完堂, 一個問候電話都無, 所以阿女生日果次, 我就特登唔鬼打電話返學校, 睇下老師會唔會打電話唻問下點解唔返學, 咁中午果陣, 老師打我手提, 當時我地響迪迪仔睇緊SHOW, 睇完至覆佢電話咋!

不過你請三日假, 你都係同老師講聲好, 佢地而家K1, 又無評估又無其他野, 老師應該唔會有問題啩!

話時話, 去邊樹威啫? 請三日假咁少既? 夠唔夠架, 玩多幾日啦!    

十月媽咪

嘩...好浪漫啊! 羡慕C人既呢! 咁阿女會唔會做電燈膽呀?  

十月媽咪

嘩, 你帶埋阿女去呀? 咁瞓邊呀? 露營????? 租屋???? 拎咁多野, 似擔泥多d啊!    

十月媽咪

cankan,
原來係去浮羅交怡呀? 咁係咪聖誕假期去呀? 咦...唔係喎, 你諗住同kelly請假, 咁無理由係聖誕假期去喎!

joeytcy,
哎吔, 你去d咁簡陋既地方, 唔好啦, 就算真係要去, 都唔好帶阿女去喇, 就算真係要帶阿女去, 都等佢大d先喇, 呢d咁既地方...去行下就得, 去住喎, 咪搞我, 諗下都瞓唔著呀!    

各位,
我個長隆trip, 凍過水呀, 事關我外家個個都想去, 但d期好難就呀, 阿媽想我改到過年前後至去, 但我佬就想十二月頭去, 而家好頭痕, 仲未搵到解決方案呀!  

十月媽咪

cankan,
係喎, 多謝你呢個提議, 咁我地照樣十二月去一次, 如果佢地真係就唔到, 咁到佢地就到果陣, 我地先再約埋去多一次!

另外, 我想問, 個動物園足唔足夠玩兩日呀? 抑或根本好少野玩, 要加多個歡樂世界呢?

馬戲我地諗住唔睇喇, 因為怕阿女驚d音響呀!

十月媽咪

cankan,
唔該晒你畀既意見呀, 咁我地就玩動物園加歡樂世界喇! many thanks呀!
咦, 動物園入面既野食唔掂呀? 哎吔, 咁有咩可以拎入去食呀? 果度有冇餐廳or酒樓之類呢?

十月媽咪

哈, 又幾得意喎, 扮60年代既飛仔飛女, 講真, 你地班既老師, 感覺上, 真係有創意過我地班架, 我到而家, 都只係知佢地拎住個啦啦隊球FING下FING下咁唱歌跳舞咋, 到現時為止, 都唔知會有咩服裝呀!

十月媽咪

CANKAN,
係呀, 噚日阿女跳舞果陣, 係戴住口罩呀, 事緣佢前日返唻又流鼻水, 咁食左兩日屋企d存貨, 本來都收得九九十十, 點知噚日放學返唻, 又流過, 咁噚晚跳舞之前, 咪帶佢睇醫生先囉, 咁響診所, 我驚佢畀人傳染, 加劇佢既病情, 咁所以就同佢戴住個口罩, 咁戴左之後, 佢話唔除, 咁咪由得佢囉, 都好既, 費事佢傳染其他小朋友嘛!

其實醫生話佢呢, 係氣管敏感&鼻敏感, 同天氣轉有關, 都唔關有冇小朋友傳染畀佢, 係佢自己敏感所致, 所以而家醫生開左d抗敏感葯畀佢, 同埋醫生介紹左隻預防氣管敏感同鼻敏感既葯(係一粒櫻桃味既糖)畀阿女食, 佢話呢隻葯無乜副作用之餘, 又幾有效, 係新出果喎, 本來佢建議我畀阿女食一個月, 但因為噚日身上無咁多錢, 所以食住兩星期先! 不過就慘喇, 阿女唔肯食呀, 佢話粒糖有怪味呀, 後尾我壓碎佢, 溝少少水, 夾硬灌佢飲左佢咋! 真係食得辛苦!

哎吔, 23號唔得呀, 因為果晚, 阿女個音樂老師book左太空館個唔知乜廳, 畀佢d學生表演, 阿女都有份參予呢個表演, 所以果晚要去太空館, 唔去得灣仔呀!