06年9月入讀蘇淅幼稚園K1既家長, 入唻交流下啦!

十月媽咪

今日阿女想我跟埋佢返學呀, 不過我唔想跟, 事關噚晚做份freelance做到好夜, 成身酸痛, 所以唔想響北角逗留幾粒鐘, 所以同阿女講唔跟佢返學, 到佢上車之後, 見我無上車, 佢個樣好似好失望呀!  :cry:

十月媽咪

唔知阿女返到學校, 有冇掛住我呢? 我家陣有少少掛住佢, 想佢快d放學返唻添!    

十月媽咪

CanKan,
咁你不如畀kelly坐番胡叔叔架車啦, 而家佢地真係幾乎日日都係八點四十五至五十分左右就返到學校架喇! 咁你咪唔駛行果段樓梯之餘, 又可以日日都跟車送kelly返學囉!

講真, 其實我都好enjoy日日跟佢返學架, 因為坐車果段時間, 我地會帶兩三本故事書響車度睇同埋講故事, 有時又會借畀其他小朋友睇下, 等阿女學下同人地分享兼輪流睇呢個美德! 但如果我唔跟車, 呢d野, 就真係完全做唔到喇!  :cry:  :cry:

今日anson同kelly齊齊跳舞, 佢兩個放學果陣好friend呀, 齊齊跑跑跳跳, 又玩又笑, 好開心既呢! 胡太問我會唔會考慮同佢改為一星期上兩堂, 咁除左星期六果堂我一定上唔到之外, 我而家都諗緊好唔好畀佢上埋星期日十一點果堂呀! 係呢, 你會唔會考慮加多一堂呀?

呢輪我地無開冷氣呀, so far淨係開風扇, 但瞓到半夜都覺得凍, 所以唔駛開冷氣都好舒服呀!

請問你地有冇人知, 除左S.L.之外, 其他原因請假, 駛唔駛書面申請通知學校架? 抑或都係打個電話返學校請假就OK呀?

十月媽咪

pearll,
係囉係囉, 我都想了解下點解你想報蘇浙先, 然後先再答你個問題!    

至於校車, 蘇浙係無provide校車畀一d住響九龍區既學生的, 我地平時坐返學放學既, 係姆褓車! 我女係跟胡叔叔架車, 家長可以跟車, 有時學校有d家長可以參與既活動, 我佬會請假出席, 咁胡叔叔都畀我地兩公婆一齊跟車的! 至於車費方面, 係1000蚊一個月, 出年唔知會唔會加價, 胡叔叔係只收小朋友既車費, 家長跟車係無額外收費的!  不過有時胡叔叔都唔太鼓勵家長真係長期跟車的, 而我除左開學頭一個月跟足之外, 踏入十月, 都係跟下唔跟下的!

你住將軍澳邊頭? 我住O.S., 所以胡叔叔架車比較適合我個女, 因為O.S.返學係尾站, 大約0825上車, 0850左右返到學校 (不過開學頭兩三個星期, 幾乎日日都遲到的, 因為學校附近既路實在太窄太混亂喇), 至於放學呢, O.S.係頭站, 所以1145放學, 1210左右就返到屋企喇! 好快趣既呢!    

十月媽咪

kilam,
我地呢度幾個都係k1架, 暫時唔係好覺老師成日鬧人, so far我昅左成個月, 都見唔到老師鬧人!

至於老師有冇愛心呢, 我就仲觀察緊, 不過可以肯定既係, 佢地除左普通話了得之外, 仲係能歌善舞的, 好掂!    

十月媽咪

perall,
如果你報蘇浙係因為普通話授課+有英語學習而價錢相宜, 咁我諗蘇浙係可以畀到你小朋友的! 佢地校風亦都唔錯, k2 k3既小朋友都好有禮貌! 我最鍾意佢地每個月生日會, 都有機會畀唔同級別既小朋友表演, 同埋亦都可以訓練無得表演果d, 就學習聆聽&欣賞別人, 所以我暫時都幾滿意! (只係最唔滿意打風落雨果陣, 學校對姆褓車既安排啫!        )

十月媽咪

cankan,
係喎, 畀你提一提, 咁我都唔報多堂星期日喇, 費事想去下街都畀佢d堂kick住晒!

你膝頭痛, 有冇check過係咪扁平足之類呀? 我個friend又係膝頭痛, 小時候好多運動堂要做既動作, 佢都做唔到, 但以前d醫生無諗過佢係扁平足, 最近呢一年, 佢搵專科check, 先知原來係扁平足導致佢雙腳咁痛, 而家用左鞋墊之類(我無詳細問佢點醫), 總之而家已經有改善, 無之前咁容易痛喇!

十月媽咪

cankan,
我想問, "加把勁"係咩色架? 我個女九月份被老師及既, 全部都係綠色架, 咁即係乜呀? 噚日我地無返學, 老師今日收左佢本手冊, 我check唔到, 但又唔記得左綠色係代表乜東東喎!  

十月媽咪

各位,
呢輪我個女鍾意唱"照鏡子"呀, 左照一照, 右照一照, 前面有個我.....一路唱, 一路做動作, 好鬼得意既呢!  

十月媽咪

cankan,
係, 廁所都係唔合格, 雖然我好少同個女去學校個廁所, 但就真係...一係唔去, 去親都...無眼睇...好難頂! 同埋唔明佢地點解要將d洗手液放到咁高, 小朋友拎唔到唻用之餘, 老師又未必個個都幫到佢地唧唻用, 好多時我問阿女有冇用梘液, 阿女都話無的, 只係用水洗手咋!  

十月媽咪

cankan,
咁綠色都ok啦, 我印象中, 好似得三種色既印, 而綠色好似係中間的, 紅色好似係最好, 粉紅色就最差, 咁我見到果陣就諗, 啊, 中規中矩, 咁就有進步既空間喇!  

十月媽咪

joeytcy,
下? 乜原來係有進步呀! 我淨係知, 一定唔係最好果隻色咋!    

十月媽咪

joeytcy,

當我第一次接到本手冊, 見到得果四大項目既評估, 我直頭係打個突呀! 真係估唔到, d評估, 只係得咁少, 感覺上...好行貨!   我姪女響馬鞍山既幼稚園讀k1, 佢地都係一個月一次, 都係有幾十項的, 分得好仔細, 老師有時又會額外畀手寫既評語, 感覺上, 認真好多! 蘇浙響呢方面就...真係比較弱!    

十月媽咪

pearll,
我個女係零三年十月出世既, 考蘇幼果陣, 未夠兩歲, 所以面試既時候, 係未讀過N1的, 但到阿女兩歲兩個月果陣, 我就開始畀佢讀N1, 讀左八個月, 到佢升K1果陣, 佢都適應得好快, 嗯...應該話...比我想像中適應得快!  

十月媽咪

wewetwet,
咦? 乜教左我愛我的媽媽嗱? 無聽過佢唱既? 嗯...等我聽日又問下佢曉唔曉唱先得! 果隻照鏡子, 好搞笑的, 佢一行入

十月媽咪

joeytcy,
我諗友愛都睇好多方面架, 除左唔爭野玩之外, 仲要睇埋佢地識唔識得排隊玩, 識唔識得同人分享, 會唔會自己霸住件玩具玩好耐都唔捨得放手, 其他同學仔遇到困難果陣, 佢地會唔會幫助別人等等...

我都覺得有d老師係會咁樣做評估的, 開學初期就畀晒最低分, 然後至慢慢調番高! 好似我姪女間學校, 有一欄係"守時", 佢地既評分係剔(最好), 圓圈(中間), X (最差), 老師竟然畀X, 我弟婦話: 個女日日都坐校車返學, 咁都畀X, 咁即係架校車日日都遲到啦, 咁個責任好似唔係響我個女身上喎, 係嘛?

老實講, 我睇到都覺得諷刺, 阿老師, 你真係...係真唔係呀? 畀分果陣, 有冇睇清楚個學生係點返學架? 真係抓晒頭!

至於你個提議, 嘿嘿...雖然我都好想咁做, 但我驚老師會標籤左我做麻煩媽咪啊!    

十月媽咪

joeytcy,
哈, 真係叻女!

學券制, 好似有份, 因為政府網頁入面, 蘇浙係非牟利幼稚園, 而學費當然係二萬四樓下, 所以應該係有份的!  

十月媽咪

sunflower,
好野, 我又識多個我女果班同學仔既媽咪喇, 多多指教, 你仔仔係邊組架? 我個女係坐最近門口果組架!  

十月媽咪

各位,
噚日你地講既評估, 係講緊第一次評估, 抑或係啱啱呢個星期收到既第二次評估呀? 我今日收到第二次評估, 我仲以為十一月先會收到第二次評估添!  

十月媽咪

CHM,
係呀, 有三個喇!
今日收到既呢份 評估, 阿女禮貌同友愛係紅色 (做得到), 另外果兩項係綠色 (同上次一樣)! 所以都算係有進步呀, 好開心!