沙田崇真中學揮手區

Hippomother

昨晚的表演很精彩, 各位老師及同學花了不少時間去練習, 唯一有太多是樂器表演, 希望明年減少2個樂器表演, 可以加多一節舞蹈, 唱歌或朗誦 (甚至是同學設計的時裝秀).

Hippomother

係呀, 佢地好似有無窮既精力, 就算阿囡當天沒有課後活動, 佢都好少準時放學, 唔係話要趕做壁報, 就唔知阿Sir叫佢做咩, 總之日日都係遲放!  佢仲忙過返工, 有時想同佢溝通下, 都要睇大小姐有無時間同精神!!!

Hippomother

大小姐剛剛打電話返嚟俾我, 話玩得好開心, 今晚仲可以玩到1:00am (佢話副校批準), 所以今晚會同班同學開P喎!

Hippomother

阿囡昨天回來就洗澡及上床睡覺, 晚上叫佢起身食飯都唔願起, 好似好耐無訓覺!!!

係我規定阿囡打俾我, 年中小六畢業營都係去浸會園玩, 但就忘記打俾我, 所以佢今次沒忘記打俾我, 我都很開心.

Hippomother

Hi Hoining,

你囝囝個班有無話要買"工服"(係實驗室穿的白袍)?  阿囡昨晚先跟我講要明天帶 (明天有堂), 真係俾佢激C, 一陣間要走去買.

Hippomother

你囝囝個班可能未上IS堂, 所以老師未講啩, 我囡雖然有寫在手冊內, 但佢無主動同我講, 咁啱我攞佢本手冊, 然後再問先知.

只有維多利亞有得買, 不過大碼已經無貨, 好彩中碼啱阿囡.  冬季校服的領呔, 學生會話未有貨, 記得提小朋友間中去學生會問下.

Hippomother

阿囡今日已買領呔 (HK$16/條), 佢話係班主任攞上班房問佢地要唔要買, 不過數量有限, 部份學生買唔到, 可能要遲D返貨先有得買.

Hippomother

家家有本難念的經!!

我星期一晚先同阿囡嘈, 事原阿囡星期一晚話要開電腦, 我問佢無功課做咩, 佢答我"無", 我攞佢本手冊睇, 發現有三樣功課要星期三交, 即刻問佢做咩唔做, 佢話都唔係明天交, 而家開機做週記交俾班主任 (其實想開機上fb), 我好言相勸, 話佢知星期二佢要晨操, 下午有PE及放學要打籃球, 佢一定累死, 而且遲放, 回家食飯+洗澡都要8:00pm後才可以開始做, 佢亦不能保證明天沒有其他科功課, 點解今日唔先做部份?  大小姐開始發脾4, 佢堅持死都唔做, 我"興"起上嚟同佢開片!!!

大家平靜後, 佢都肯做一D, 我亦向佢say sorry, 因為一時火遮眼而打佢! 結果第二日佢放學打俾我時, 佢就已經講話好累, 好彩沒有其他功課, 只需完成昨晚未做起的功課, 我當然打蛇隨棍上, 話我昨晚已經講明佢一定會累死, 宜得回家即上床睡覺, 所以話佢地真係唔鐘意聽人講, 動不動就發脾氣, 都不能面對問題, 對住佢地真係!!

Hippomother

做呢一代父母很艱難, 嚴D對佢地, 又話你係虎爸虎媽, 太鬆呢, 佢地又會變成港孩, 對香港的教育制度失望極了, 越改越亂, 連父母都仲未適應, 小孩又如何適應呢?

希望你小朋友只是未能適應教學模式, 慢慢會好過來 (男仔係慢D懂事, 當佢發力會叻過好多女仔).

Hippomother

你有無同佢坐低傾過?  最緊要知佢想點, 有時佢地以為升上中學後, 就可以放下以前沉重既包袱 (小五同小六要為呈分試), 其實佢地要面對既野仲多!!  如果真係佢大頭蝦, 唯有好似小學咁捉佢對齊書本及功課 (當然唔幫佢對功課內容, 只係睇佢有無帶齊野返學).  

重有一個月就要考試, 又要開始忙碌, 加油!!!!

Hippomother

今日聽完中一考試的talk, 聽完都有D暈, 好似仲係唔知點同個女溫書!!

阿囡仲未派GE test卷, 不過聽佢講好深 (好多生字), 要派卷返黎睇下內容先知.

Hippomother

阿囡話老師未派卷, 阿Sir只講分數俾佢地知, 不過英文有分Comprehension & Grammer 卷, 佢班只有兩個Comprehension剛剛合格(25/50), 我囡都差幾分才合格, 而Grammer就有4-5個不合格.

Hippomother

唔知佢有無聽錯, 都係要派卷先知.

你囡囡係1E班嗎?

Hippomother

Hi chaselam,

你可以多D上嚟大家交流一下意見, 我都想知其他班教書情況, 可以對此校了解多D.

Hippomother

我都有同阿囡講升中後好難攞到高分, 千期唔好輕視D題目, 我只係要求佢12月考試可以全部合格, 我已經滿足.

Hippomother

你以上講的科目阿囡都唔鍾意 (仲有Geog.), 佢話而家呢個年代都無人用文言文, 出來社會做野又用唔到, 都唔知學呢做咩??  所以佢考試合格已經是好好!!

如果真係唔合格, 都要再同佢傾傾, 睇下佢需唔需要補習.

Hippomother

係呀，見到個timetable就發覺時間唔多，希望阿囡佢自動波溫習。中文派左卷四-說話能力範圍，共有五首，要一分鐘讀完（阿囡話之前老師俾佢地自己揀用廣東話或普通話講，佢揀普通話），但阿囡話要背哂五首，考試日才抽背，唔知佢有無聽錯?

Hippomother

我囡都係今日考, 不過佢話老師通知今次只是測驗, 所以可以睇紙讀, 考試就一定要背.  其實考試已經好多科目要記, 連口考都要背足五首, 仲要有時間限制, 又要注意語氣聲調 (不可回讀及漏字), 佢地記唔記得咁多?

可唔可以好似校際朗誦節指明邊一首 (學校可以有多首, 於考試前通知同學佢地考邊一首)?  英文仲要記10題咁多!!  即係考佢地背得熟唔熟同即場表現, 如果緊張上嚟, 真係咩都會唔記得.

Hippomother

阿囡自己溫書, 見佢溫D唔溫D, 睇怕今次考試.....

到時出成績表, 佢就知味道!!

Hippomother

我只要求阿囡科科合格，等派卷返黎睇佢錯咩野，先再訂下一次目標。真係驚佢睇錯問題，答錯哂！阿囡話佢班有好多同學做唔哂英文comprehension。佢話剛做哂，但唔知老師睇唔睇得明d字喎！