各位媽媽：有冇收到樂基會係碧濤開分校的信

macmate

樂基(ascot)係我嘅第一志願只有waiting; 第二志願係超熱門名校，未in; 入咗第三志願。如果碧濤收就真係難選擇。

按道理最buy樂基嘅課程，新校舍理應仲新淨同好(唔計開學頭幾個月可能仲有裝修味)，而且新校必定會有現任老師帶領，而且地點仲近少少。收waiting都仲有個benchmark，因為可能今年真係超多人報名，但佢如果連rejected都收，學生質素會唔會拉低咗。雖然咁細個小朋友都冇乜好明顯差別(大細b同超細b比較除外)，其實最主要都係睇屋企點教，但難保第時會唔會影響派位成績而對信譽唔咁好，更加唔想有人認為碧濤生係後備生嘅諗法。唉，難決定，但一切開到班又收咗至諗。

macmate

sorry, 我應該更正我對rejected嘅睇法。我完全明白小朋友1-2個月嘅成長真係可以好多。正如小女响這兩月間都高速學習。我亦相信好多時interview未必可以反映到小朋友嘅真實能力。

如果waiting嘅小朋友真係因學額不足而冇得收，咁新校真係落成而有offer不足為奇。當然，如果俾rejected嘅小朋友多一次重見嘅機會，咁對一班rejected嘅支持者最好。起碼in完兩次都衰咗就唯有認命啦！

我無意對rejected嘅小朋友作出批評，我相信每個小朋友响家長心目中都係最好嘅。

macmate

真係打少兩隻字，講得唔清楚都要俾人插，唉！


我想講可能我第一個post有啲失言，但我亦隨即作出更正；我根本無意低估被reject嘅小朋友，我自己小朋友都試過面試表現失水準，亦了解被reject嘅心情亦唔覺得被reject嘅小朋友係低水平。但恕我直言，rejected雖然唔代表小朋友本身有問題，事實上年紀大少差兩個月表現真係有分別（當然大b或超大b亦不等於超然)，故此interview一定會有差距比較，而不論名幼與否都偏向收大b呢個係事實。


而interview中一些被reject嘅必然包括一啲小朋友甚至家長'不受歡迎'之士(例如，小朋友動粗或嚴重不受控，家長排隊打尖或粗言相對)，相信學校interview都係想揀選'理想'學生。我重申，所指嘅影響水準並非指因年齡差別的發展，因為4年後到K3時，我相信大家發展差距他會大大縮少。我擔心嘅係新校因學生人數不足但又想開新校(個人認為學校董事局決定開新校一定包含大比數商業因素)而放鬆接收這些不受歡迎人士，會影響其他學生水準。本人真係响其他interview被一對父母打尖並因小朋友唔小心撞到一小下而獲不禮貌對待，當然我唔會當場同佢理論亦冇必要(我唔覺得你排快嗰一兩個家庭interview會快好多)，但此等父母之小孩他日必定有樣學樣。雖然現今社會有好多事自己係控制唔到，但問心我並唔希望有此等家長為朋。與此同時，相信大家唔會排除一定有一批rejected嘅小朋友係個人能力較低啩！如果學校真係做到任何人都收，咁大家對樂基嘅興趣仲係不變？Sorry，我應該唔會。

以上只係個人感受，不喜勿插。

macmate

仲有，interview係好講天時地利人和，九間學校唔收，只有一間超級名校收嘅學生大有人在。我並唔覺得此超凡人會拖低學校質素，反而事實係覺得一般名校都未必最適合佢。而且每間學校收生標準都唔同，reject咪reject囉! 幼兒園先係一個起步，仲有小學，中學，大學甚至工作都要interview啦！一兩個rejected, so what!!! 請家長欣然面對。

macmate

mc_pigpig 發表於 13-2-2 15:57
你認為被樂基 rejected 的小朋友，質素很差?
你認為 interview 10 mins 真的能夠讓學校清楚知道小朋友學會 ...

我絕對亦從來冇認為被樂基rejected嘅小朋友係質素差，請不要誤作呢個不當嘅assumption。


需知樂基係細校，收生人數少，但每年報名嘅人又很多，加埋好多其他因素，interview後被列為waiting同rejected嘅小朋友根本多的是；而且樂基唔收亦唔等同其他學校唔收，呢個世界很大，絕非只有樂基一間好學校。而且之後仲有好幾間名幼有interview陸續有黎，可能有家長最後選擇其他學校也說不定呢！最緊要係了解學校各方面是否適合自己個小朋友。人人性格同能力都唔同，有人適合傳統教學，需要被人管，亦有人適合活動教學，好有自主能力，亦有家庭因經濟因素而作個別選擇。作為家長只有幫小朋友揀一間合適自己同小朋友需要便可。


仲有我歡迎大家良性名理性討論，我相信EK內係有好多人有唔同aspect同意見，但謝絕冇實質理據嘅惡意批評；另我並唔認同自己係一個短視嘅人，你有權唔認同我嘅講法，但請不要單打或無禮對待，我希望大家懂得尊重人。

macmate

原帖由 feipow 於 13-02-04 發表
就算學校收學習能力低學生會有咩問題？間間學校只收精靈BB，差啲嘅唔使讀書？個個都只係兩歲，又可以壞得去 ...

作為名幼，我覺得學校真係會偏向收精靈bb。interview係觀察小朋友嘅反應同認知能力，另家長都係面試對象之一(詳情可參考幼稚園-大概主題係'有冇家長是老師'篇)。

每個小朋友，無論資質高低都要讀書學習，差別只在乎要搵一間適合佢能力同性格嘅學校。如小朋友本身天資一般，勉強進入一啲課程深或比較進取嘅學校未必係好事; 佢可能能力不遂又唔開心而影響整個學習興趣同進展。

至於家長當然有責任管教自己小朋友同分辨對與錯 (但實際上唔係每所有家長都做到兼且人唔係完美，冇可能每個人都冇缺點)。但我相信一般家長都唔希望(注意:唔希望唔等同可以避免)小朋友身邊有好多'問題'兒童。

我認同冇可能只係俾小朋友於零污染環境長大(現實亦冇可能)，但都係嗰句，幫小朋友搵一間開心又適合佢哋嘅學校係最緊要，我無意挑釁任何人亦冇必要。

macmate

未有進一步消息公報住呀!

macmate

原帖由 lovebb2 於 13-02-23 發表
我今早打過電話到樂基，樂基admin明確答我4月中有簡介會，講會收幾多學生，亦明確話碧濤樂基8月／9月會開。 ...

好消息