【細時唔谷, 大時食穀】

rat

原文章由 sosochui 於 08-6-30 01:04 發表
我覺得凡事冇絕對既, 最緊要因才施教, 某些小朋友係唔可以太早谷, 太早谷佢反而會食穀囉

我覺得佢地係有料，這樣唔係叫谷，因為佢地受到，但如果佢地唔係，這樣谷，我怕唔係食穀，係提早去買鹹鴨蛋，妳到無睇報紙，時不時有學生受不了讀書壓力自殺，上年連續幾單仲係小學生..........谷谷下連個小朋友都無....仲世乜憂佢大時食榖呀。

[ 本文章最後由 rat 於 08-6-30 02:21 編輯 ]

rat

其實我都係過來人，點解會想佢開心d，因為佢所讀的幼稚園上年仲未降低水平，今年轉非牟利，所以唔可以默書等，上年k2時一個星期要默中英(每次6個生字詞)，仲要計埋數，每逢到默書前，做父母的我，必然同佢溫書，唔識都要溫，由8點溫到11 點都未記得，咁點唯有再同佢溫，佢仲要喊住溫到半夜12點半，到訓著都仲掛住兩行眼淚，不停發惡夢喊醒，看見都心痛，而且他上堂表現得很驚青，老師亦講，只要講明係默書等，佢就驚到震........咁係未重要谷.....，現在k3，跟教統局水平做事了，由每星期三次默書變成一次(唔係像以前老師讀小朋友默，係比張工作紙比佢自己填)，有充足時間比佢慢慢每日記一些，相反佢每次成績都唔錯，我亦令佢明白，佢盡力就ok，唔係一定要100分，當然佢唔讀係另一回事，咁我亦實行講明白只要佢有溫，拎返來的成績係點，我唔點話佢，相反我都會讚佢，如果係有錯，會好小心咁同佢講係未佢唔小心等，仲要唔好惡...現在佢就無抗拒溫書，就算上次revision 時默one 至twelve 佢都係自動自覺每日溫少少，雖然都有喊，因為記唔到咁多，但佢係有盡力，我都一樣照讚賞佢，話佢好叻自己係溫書，有錯的字要記住了。如果像以前隔日就溫書默書，做完幾樣功課又溫書都要幾個鐘，那時搞到佢日日發惡夢好嗎...明知佢唔可以這樣，都要谷嗎？

rat

原文章由 vickichan 於 08-7-1 00:59 發表
個底打得唔好, 比你入到英中都跟唔上人地, 個細路咪仲慘

其實這個道理任何人都知，咁我地都走過，咁當中係未個個都係最top...當然唔係，我只好開心，我父母知我係乜係，唔世留級，品德唔錯佢地就安心，出來做事雖然唔係大經理，總算有份安穩工，雖然係難走一點，但誰保成績好條一定好走。如果係為出路，就算佢大學出來又點，佢唔做野，睇唔起那些萬元以下的工，唔係經理唔做，日日坐係家，一係就吃渴玩樂，父母繼續養佢.....我地唔係話唔同個小朋友打底，係想按照佢資質，唔係拔苗助長。唔通佢唔得，妳安排佢補習3個鐘，成績都唔好，就補習5個鐘，唔得就連星期六、日都補5個鐘，一定要佢上英中才得。咁每個父母都要希望個小朋友科科a，最好就入埋哈佛大學，劍橋......咁就有大好前途，如果佢唔得係未唔要佢...........

rat

原文章由 CL2008 於 08-7-1 22:47 發表
請問大家是否認為所有都順其自然?
讀到就讀.............................

都唔係咁講，唔係話唔理佢，或者讀到就讀，像我仔英文咁，係試好多方法幫佢，咁連老師同坊間的人事都搞佢唔點，所以我地順其自然，因為試過報唱遊班等佢都好抗拒，去到門口都唔肯入，而且仲係因為這個英文唱遊班，令佢十分抗拒所有有關英文的活動，妳話同佢報劍穚英文，佢第一搖晒頭打死都話唔去，咁妳會點做，我地兩公婆就唔會勉強迫佢返，咁人地就可能唔理送到門口，你入唔入，係未要打要閙......我地會慢慢照佢程度去幫佢，好似現在佢d同學可能個個都要90至100分，咁相對來說佢有80分，我都ok，係未知道佢係弱。咁係未要迫佢追上同學一樣要100分，明知佢現在係上唔到，咁妳點做，我覺得這些係唔迫得，慢慢比多d有趣英文佢玩下，咁佢無咗那時的壓力(我都好似其他媽咪咁諗，死啦，你英文唔得，第二時點算，未就像我上面那說，不停迫佢讀.....)，現在我地用咗半年時間令佢唔再抗拒英文，佢會自己慢慢溫，就算我同溫時佢係全對，但到默時有一兩個錯，我都唔會話佢，只係同佢傾下，點解默時唔識，之後自己再教佢小心d 等，咁我唔知其他媽咪點諗，係未有80分，就要佢下次90分，下下次就要100分，之後就次次要keep 住100分。係佢現在只要佢成績有中上我就ok，唔強求佢跟人地一樣滿分。

[ 本文章最後由 rat 於 08-7-1 23:52 編輯 ]

rat

原文章由 TomDog 於 08-7-2 09:43 發表
囡囡最近上一d學科的興趣班, 學習過程很愉快, 興趣、自信心和成績方面也看到有進步, 但每天都要做頗多功課呢。 所以我領悟到, 愉快學習不等於不操練。
我並不反對操練, 但就反對"谷","谷"呢個字含有勉強/逼迫的意思 ...

"谷"這個字真係.....，所以未有"填鴨式"教育，希望我無打錯字，就因為知道有問題出現，所以才有現在所謂活動教學，同埋點解要行小班，因為想老師們多點時間了解小朋友品德，學業同心態的進展，現在的小朋友係敏感，尤其是情緒上。其實如果佢對某一些有興趣，可能令佢有自信，學習就會比心機，尤其是可能正規課程佢未必咁出色，好易令小朋友失去自信。

rat

原文章由 beywat496 於 08-7-5 22:57 發表
請問這個想法是否 : 自欺欺人, 沒有進步 ????

但係香港競爭咁大, 將來出來社會做嘢, 有好多'牛', 最後結果都是牛後, 咁點解不一早去勞力, 盡量做一群牛呢 ???

只想同大家一起討論問題, 別無他意。敬請原諒。


...

其實我想在這裡留言的媽咪大都意思係要努力，但如果個小朋友努力完都唔係最top 那群，咁唔要再勉強，無謂谷上去。我地認同係要比心機讀書，但係谷唔谷得起就係另一個問題，亦係資質問題。邊個亞媽唔知仔女學業有成，前途無限，而且現在通街都係大學生，想佢成大學畢業生要乜難，但佢的銜頭，同實際係未咁有料就好難講，我以前所做的公司裡 in 那些大學生，叫佢地寫一份中文廣告推銷計書，50個字都寫唔到，仲有白話錯字一大堆，寫英文仲....十個有八個只寫到三行字，連英文都唔講。

rat

原文章由 Sindy 於 08-7-7 12:03 發表
'谷'呢樣野好個人的,同樣份量既野,係一d小朋友係'谷',但另一d小朋友係就唔係,睇下個小朋友資質係點,唔通個小朋友係接受得到,你唔比佢咩?

係...所以應該照個小朋友資質去做，唔係像主題講"點解呢度咁多媽咪要比自己小朋友讀得開心舒服 ????頭六年小學階段唔想小朋友辛苦, 讀得開心舒服, 仲偏要搵較淺程度功課不多的小學, 咁後六年追得好辛苦。甚至無得追。" 我地話係要照個小朋友資質係選學校。唔係盲目迫佢讀書。