派了測驗卷，歷史新低

little_yolky

sasafan 發表於 15-11-3 16:03
p3，心情直插谷底！

剛回另一帖, 見到你個新帖, 即刻入嚟同你相認。
噚日派中英考試卷, 全班, 無錯, 你無睇錯, 係全班創新低, 半班人唔合格, 但有人9X, 即份卷唔深啦, 中文跌20分, 英文跌10分, 大家想去跳樓。


不過, 數學升咗10分就是了。

little_yolky

PapapigPig 發表於 15-11-3 16:26
请问你地系邊類型小學呀？

傳統二線私校呀, 愉快學習果隻。

little_yolky

MASAYA 發表於 15-11-3 16:44
母親的抉擇：一. 中英文成績唔跌；二. 數學成績升，二揀其一

咁緊係要中英啦, 兩科加埋呈分X18, 合共跌30分即無咗270個pt, 一科數學升10分, 都係攞到90個pt而已。

little_yolky

Jane1983 發表於 15-11-3 16:51
半班人吾合格，甘份卷可能有問題wor

全班最叻果個攞到9X, 即係無問題。

little_yolky

ptm 發表於 15-11-3 16:59
回覆 little_yolky 的帖子

要加緊練習，做多d TSA....阿仔今年P5,測驗中、英、數和常識全部都是3頁6版紙， ...

阿囡測中文之前仲主動話想做多一兩份TSA閱讀理解練習, 我仲阻止佢叫佢唔駛做, 叫佢早D休息好過。測英文前又想我出份mock卷俾佢做, 阿妹今年小一, 我剩係顧仲阿妹無理佢, 唔通我又做錯咗

little_yolky

ptm 發表於 15-11-3 17:11
回覆 little_yolky 的帖子

儍豬.....阿囡咁乖肯自動波，梗係比佢做，可能中文老師已單聲比佢地，叫班學生 ...

因為阿妹衰到離晒題丫嘛, 我無諗過居然有人可以跌20分架.....................

little_yolky

shadeslayer 發表於 15-11-3 20:27
家長緊張，小孩都感到壓力。小學小許壓力有益。壓力太大，小心孩子身心健康。

女兒以前有幾位同學，測驗派 ...

响whatsapp群組入面, 個個阿媽呻到天到 lum埋, 但都話唔會鬧小朋友, 因為怕佢哋有壓力, 驚咗測驗云云, 仲會安慰小朋友添。點知阿女噚日同我講, 同學仔問佢有無俾阿媽鬧, 原來班同學仔個個俾阿媽省到立立靚, 阿女話得佢無俾阿媽鬧, 陰陰咀笑


無鬧佢, 佢自己已經知衰了, 下次一定會努力的, 其實份卷真係唔深, 其中起碼有10分係胡亂答題, 照抄字都抄錯被扣分的。以我既性格, 我對於自己忍得住無發火鬧佢感到無比自豪。

little_yolky

MASAYA 發表於 15-11-3 18:36
i mean聽佢話有人90分即係份卷唔深，會咁講即係除左最高分，其他人都冇存在感... ...

佢係全班第3個高分了, 但全級嚟講分數屬中間。問題重點係佢其中有最少10分係胡亂答題, 照抄字抄錯俾人扣分的, 小三仲要抄錯字, 簡直不能接受。以佢平時表現, 堅唔識答的係少於10分。最多分條閱讀理解錯咗大半, 佢EQ好高架, 佢話媽咪我另外兩篇閱讀理解啱晒喎。但係阿女, 另外兩篇少分D喎！

little_yolky

Yanamami  从來都唔覚你间愉快……  發表於 昨天 20:06


阿女好愉快喎, 佢話少功課, 考得唔好老師都無鬧人的。

little_yolky

longlokma 發表於 15-11-4 08:48
咁全级中间又唔算好差，不过其實卷深往往对有實力的同学有利，你阿女失手係有点可惜嘅～



  ...

我要開始做嘢了, 包括：
1. 唔可以只放任俾佢睇自己鍾意既書, 要PG家長指引, 睇下D短文, 或古詩, 唔可以剩係睇古典小說。
2. 佢鐘意做TSA卷由得佢做飽佢, 唔阻止佢。
3. 要佢最少一星期寫少少嘢, 例如週記, 或新學詞語/成語作句。唔可以鐘意寫就寫。
4. 持續同佢讀ORT。
5. 檢討賽果, 睇返測驗時錯响邊。

little_yolky

longlokma 發表於 15-11-4 08:48
咁全级中间又唔算好差，不过其實卷深往往对有實力的同学有利，你阿女失手係有点可惜嘅～



  ...

我可以接受佢體育剛剛合格。

我可以接受佢數學低於平均。
我可以接受佢英文處於平均。
但係我接受唔到佢中文得平均咁低呀！！！！！！！！！



不過, 佢自己知道衰, 下次應該會改善了。因為佢唔係睇唔切速度問題, 係大矇問題, 佢D同學仔大鑊好多。

little_yolky

sasafan 發表於 15-11-3 19:40
今日我的心情仲係好差！唯有㷛劇麻醉

仲煲劇, 開工做嘢啦。

little_yolky

grandmalolo 發表於 15-11-4 12:03
回覆 sasafan 的帖子

樓主介不介意講小一、小二之成績。同小一、小二比較跌了有多少？ ...

我唔係樓主, 不過可以講吓, 阿女小一同小二, 只有數學跌咗1X分而已。今年數學升咗1X分, 但中英文就............

little_yolky

MashiMaro 發表於 15-11-4 14:31
我大仔的成績都好似過山車, 好不穏定
小三同小二無疑是有一個gap, 所有卷都由考35mins, 變 ...

睇完你既分享, 我都安慰咗D, 起碼阿女其他成績無差, 只係中英文衰咗, 數學仲有大躍進。自己安慰下自己, 個人無咁down

little_yolky

IloveJJ 發表於 15-11-4 15:00
我都係睇完呢個帖，安慰咗好多!所以，有時傾下都好!

不過今次既分數風暴, 都可以話係塞翁失馬(又响度安慰自己ing)。

雖然無鬧, 但阿女當然知衰, 佢好似乖咗, 聽講咗。前兩日教英文功課時, 佢唔識解ingredients, 我提佢佢有好多字都唔識, 要睇多D, 佢又多多借口, 咁我即刻順手攞起枱面包餅乾, 同佢講：阿女, 呢度係香港, 幾乎所有嘢都係中英對照, 你睇吓, 呢度咪有ingredients呢個字, 有心想學好多地方都學到。佢即刻笑笑口無博咀。

噚日, 佢又同我講, 佢好羨慕同學仔, 因為媽咪係講普通話的, 我即時轉channel用普通話同佢講, 你阿媽其實D普通話都好好, 如果你想, 我可以响屋企同你講普通話練習的, 佢笑得好開心。雖然佢仍然係EQ咁高, 覺得仲有好多同學仔衰過佢, 但好似著緊咗自己既學習咁。真係好事嚟。

little_yolky

longlokma 發表於 15-11-4 16:57
你識普通話阿女唔知架咩？

佢無要求我教佢喎。人哋無要求主動去教人, 驕傲喎。

平時只係教佢說話口試D普通話詞語而已。但無同佢用普通話長時間交流過。

little_yolky

IloveJJ 發表於 15-11-4 17:04
咁咪好囉！我個仔都係，睇書都好認真。btw,你就好囉！識英文又識普通話，要個女練習都易好多!



  ...

英文緊係唔敢自己嚟, 我依家搵緊屋企附近好似有個centre, 個外國人好似話教得幾好, 我諗住俾兩隻馬騮去學口語。始終英文oral都係要外國人教可靠D。

little_yolky

IloveJJ 發表於 15-11-4 22:46
咁學oral又真係搵net好啲!至少上完，第時去到邊都識聽，講出來人地又明呀！但你識英文，至少可以同佢講下故 ...

佢哋無語境無機會講, 但從小到大要看電視只可以看英文卡通, 所以聽就無問題。剛轉新姐姐, 由印尼轉咗菲律賓, 諗住平時起居飲食, 想唔講都唔得啦, 點知請咗個聾的, 真係有人黑仔如我都唔好話無可能。不過, 試過有幾次, 佢哋想要一些幫忙, 我叫佢自己攞姐姐媽咪唔得閒, 咁死死地氣都聽到佢必要時係可以講到的, 只係平時依賴唔想講而已。

little_yolky

IloveJJ 發表於 15-11-5 11:44
所以，如果我自己識用英文講故事，我覺得會好好多！因為聽碟，或請老師，都未必可以做到咁。



  ...

但請NET就可以有較好的口音啊。小朋友聽乜就會講返乜出嚟的。

little_yolky

07mama 發表於 15-11-5 12:05
大家係咪覺得小三真係會跌分數? 好難9字頭?
但我地學校份卷無深到, 同功課差不多程度, 識做功課, 測驗考試 ...

唔係, 全班第一果個人哋無跌到, 都係9X。